🌧️ 🥀 *عروسة الشتا* 🥀🌧️ بالدارجة المغربية

🌧️🥀 الفصل 42🥀🌧️

⚡⚡⚡البارت 153⚡⚡⚡

شيماء : واخة (خرجات من عند لغالية ومشات عيطات لصباح عاد مشات راجعة لكوزينتها ، وفلوقت لي كانت نازلة معا دروج بانلها علاء داخل معا لباب تاع برا ، دغيا عقلها ستحضر كلام لغالية حنات راسها وهي كتفكر او كملات طريقها لشغلها)

صباح : (دخلات على لغالية لبيت لقاتها كترد لحوايج لبلاصتهوم) لغالية عيطي ليا

لغالية : (آخر پياسة كانت بقاتلها رضاتها لبلاصتها) واخ قلت نتجمع انا وياك شوي راني قنط

صباح : تا انا قنط مكاين مايدار (مشات ݣلسات فوق لفوطوي مقابلة معا واحد صندوق منقوش تاع لخشب لقديم ، عجبها او مدات يديها ليه حالاه يسحابلها شي ديكور) هاد صندوق زوين

لغالية : (رجعات عندها لقاتها حلات داك صندوق او ملاميحها تغيرو بزربة خطفاتو ليها من يديها او دوات متوترة) ههه هاد هاد صندوق قديم بزاف

صباح : (مصدومة من تصاور تاع لغالية ومحسن او لخاتم لي شافت تما ، علات عينيها فلغالية او سولاتها) شكون هاداك لي معاك فتصويرة

لغالية : (كتحاول تهرب من لموضوع) ههه هادو غا شي تصاور قدام معا دراري تاع لقيسم كاينين تا تصاور تاع تلاميذ لوخرين

صباح : (دارت راسها تيقات) آه مزيان

لغالية : قيستي لحوايج لي جبتليك

صباح : (عقلها ممعاهاش) لا باقي ، غنوض انا عاد تفكرت بلي باقي مشربت دوا ديالي

لغالية : آه سيري شربيه دبا ماحدك تفكرتيه

صباح : داكشي نيت (خرجات من لبيت تاع لغالية وهي ساهية ومصدومة)

لغالية : (لملاميح تاع توتر تمحاو او رجع فبلاصتهوم ابتسامة نصر) هههه هاحنا دبا زرعنا زريعة شك بقانا غا نسقيوها شوي يا تنبتنا داكشي لي بغينا يا لا ، نشوفوك شنو غديري الالة صباح

صباح : (دخلات لبيتها او سدات على راسها وبدات كدير فلبيت كيف لهبيلة) مناش كتعرف لغالية محسن ؟ او تا داك لخاتم نفس لي عند محسن تكون زعما هي نفسها لبنت لي عاودلي عليها ؟ لا لا ميمكنش لغالية كتبغي بابا او تزوجاتو حيت كتبغيه ميمكنش تكون معا محسن (شدات شعرها وبدات كتبكي) شنو ندير اربي الى كانت هي علامن كان كيقلب ويلى عاود شافها من جديد ؟ متكونش غا قرات معاه هي براسها قالت بلي ولاد قسمها ولكن ديك ردة لفعل لي دارت ؟ متكونش غا كتجيه ويلى كانت كتجيه علاش مقالتهاش ؟ ياربي شهادشي طحت فيه انا (شدات طيليفونها او صونات على محسن) الو

محسن : (تحمس ملي سمع صوتها) صباح ؟

صباح : مسالي نتا غدا ؟

محسن : واه علاش

صباح : غدا بغيت نتلاقا معاك او ندويو الى بغيتي

محسن : بلفرحات عليا نتي غا قوليلي فين نتلاقاو او أنا نجي عندك