🌧️ 🥀 *عروسة الشتا* 🥀🌧️ بالدارجة المغربية

🌧️🥀 الفصل 77🥀🌧️

💞#عروسة_الشتا💞

بقلم : #فاتي_رعدة

⚡⚡⚡البارت 311⚡⚡⚡

جود : (جرها من يديها مرة خرى او ݣلسها فوق حجرو لاوي رجليها على خصرو) ݣلسي باركة من تنقاز بنتلك شنيول غا أجي او وسع

ياسمين : (شعلات ݣارو آخر او بدات كتكميه )

جود : (رجع راسو اللور كيشوف فيها كتبخ فلݣارو ) اشمن ݣارو وصلتي دبا ؟

ياسمين : هادا الرابع

جود : مكتكميش بزاف ؟

ياسمين : غا فاش كنكون معصبة لي كنفوت فيه او صاف

جود : فاش كنت كنقرا شي رواية او كيقولو ديك لعيبة تاع عندما يمتزج عطره الرجولي معا رائحة السجارة اجد نفسي غارقة في عشقه ، تي راه واقعلي بحالها عايمة ليا بريحتي مخالطة معا ريحة لݣارو او زيد نتي براسك معاهوم , خليط فشكل ايطيح فيه لواحد (قاس ليها صدرها ) أجي فين هوما بزازلك عنقو ليفيقو داخلين فسوبات كتبتني بحالا عندك جوج ضهورة (خلاتها مولاتها هههه)

ياسمين : (شحطات ليه يديه) جمع يديك عندك قالك جوج ضهورة حيد عليا

جود : متقلقيش غا ضاحك معاك ، لبارح دويت معا واحد مول لقاعات قتليه ايشوفنا شي قاعة نديرو فيها لعرس غدا فلعشية نمشيو نشوفوهوم

ياسمين : صاف واخ ، نوض وجد ليا مناكل

جود : لا أنا مقادش عييت بشطيح

ياسمين : (خنزرات فيه) فكرني فكرني

جود : ههههه والله ما فيا لي يطيب ولكن ماشي بسباب شطيح

ياسمين : ونا دبا غنبقا بجوع ولا شنو

جود : هههههه حشومة تقولي هاكدا نطلبو شي حاجة من برا

ياسمين : شبان ليك نخرجو حنا لبرا ناكلو

جود : تا هاداك نضار

ياسمين : انا غنوض نبدل عليا

جود : سيري (بقا كيتسناها تسالي تبدال ديالها تا دازت ديك نص ساعة عاد خرجات عندو لابسة واحد الصاية طويلة ولكن مزيرة من جيهة طغمتها او دارت معاها سيفيطمة فوقها تريكو مشبك)

ياسمين : (قادات راسها او دارت ماكياج مغطية بيه دوك طبايع لي فوجها او فرحانة كتقول غيخرجو اتعشاو بجوج ) كي جيت ، نمشيو

جود : كي زمر جيتي دخلي بدلي هادشي لي لابسة

ياسمين : (ديك لإبتسامة لي كانت دايرة ختافات) علاش ؟ مجاتنيش اللبسة مزيانة ؟

جود : شحال من مرة غنقول ليك أياسمين لمزير لا لمعري لا لقصير لا لا راك مزوجة عندك راجل ماشي تاع راسك

ياسمين : جود نهار لول خديتيني كنلبس هاكدا ماتجيش دبا تفهم عليا ، او يالاه نتعشاو قبل ميسدو لحوانت