💞#عروسة_الشتا💞
بقلم : #فاتي_رعدة
⚡⚡⚡البارت 656 ⚡⚡⚡
اكسيل : (ركب فطونوبيلتو ومشا بحالو مخليهوم منشورين فزنقة)
صباح : (صونات على اكسيل) الو بابا
اكسيل : صباح لباس ؟
صباح : لابس لحمد الله كنت بغيت غا نسولك مسالي ؟
اكسيل : واه محتاجة شي حاجة
صباح : فيا جوع او معنديش باش نطلب شي حاجة
اكسيل : ماماك مكيناش فدار ؟
صباح : لا خرجات خدامة
اكسيل : شنو باغة تاكلي
صباح : بغيت كاسكروط تاع لكفتة ولا عرفتي لا بغيت طاكوس تا هاداك لا شوارمة حسن ، شتي مفياش الجوع تاع لحاجة لمالحة بغيت كيكة دلاكريم بنسمة تاع لقهوة لا نسمة تاع شكلاط ولا لفريز حسن ؟ او صهد كاين نقلبوها ݣلاص
اكسيل : (تنهد) لبسي لبسي حوايجك او تسنايني لتحت انا غندوز عليك نشوفو هاد لهرمونات ديالك فين ايوصلونا
صباح : واخة (قطعات معاه او سيفطات ميساج لمها عاد مشات طائرة لبيتها لبسات عليها واحد لكسوة مفرفرة او دارت زيفها وشوية تاع مرطب شفاه عاد نزلات عندو لتحت القياده كيتسناها بطونوبيل ، ركبات حداه) سلام
اكسيل : وعليكم السلام (مد ليها كلينيكس) مسحي فمك
صباح : تشققو ليا ابابا شنايفي داكشي علاش درت مرطب راه ماشي عكر
اكسيل : مسحيه او ملي ترجعي لدار عكري عاود
صباح : وا بابا بغيتيني نبان بحالا ضاربة شقوفة
اكسيل : (حركك طونوبيل) شعرفك فشقوفة الحاجة
صباح : وايلي الواليد ها شقوفة ها جوانات ها لكالة ها سبسي
اكسيل : دوك جوج قرودة هادشي فاش حادݣين
صباح : (بدات كتبلحس فيه) بابا
اكسيل : هممم
صباح : خارجين خارجين شنو بان ليك نمشيو نشريو ليك شي توني على دوقي
اكسيل : دوك تخرميات ديالك ماشي معايا ديريني سبة باش تشري لحوايج
صباح : وراه تيتريت تقطعات ليا باش غنبقا بدير انا سپور أ ؟
اكسيل : عرام تاع سبردلات عندك الى تقطعات وحدة لبسي لوخرة
صباح : (قلبات لإستراتيجية) عرفتي تفرجت فواحد لفيلم لبطلة ملي تقطعات ليها سبرديلتها فسپور لبطل هو لي هزها باش متمشيش بلحفا ، عرفتي دراري فمؤسستنا بحال داك لكل ضريفين لبنت لي سخفات كيهزوها يوصلوها لإدارة كيعجبهوم ايديرو لخير
أنت تقرأ
🌧️ 🥀 *عروسة الشتا* 🥀🌧️ بالدارجة المغربية
ChickLit🌼حصريا على كروب بنات حواء لجديد تاع لجديد🌼 👈 تحت عنوان : 💥 🌧️ 🥀 *عروسة الشتا* 🥀🌧️ 👈 بقلم : ⚡ #فاتي_رعدة. ⚡ 💮💮💮💮💮💮💮💮💮💮💮💮💮 لواقع هو مناش كنهربو او فالأخير كنلقاو راسنا فيه كنغوص ، رحلة غ...