🌧️ 🥀 *عروسة الشتا* 🥀🌧️ بالدارجة المغربية

🌧️🥀 الفصل 144🥀🌧️

💞#عروسة_الشتا💞

بقلم : #فاتي_رعدة

⚡⚡⚡البارت 650 ⚡⚡⚡

الياس : (بدا كيكركر غي وحدو) ههههههههه فرحو بيك اهل لمكان ، ديها لبيتها لي وجدت ليها

عيشة : زيدي قدامي (جرات معاها ياسمين مطلعاها لبيت لفوقانية ولي كانت مسبوغة بلوردي فيها باياص او كوافوز صغير) بقاي هنا متخرجيش

ياسمين : (مكانتش عارفة عيشة فوجها حيت كانت دايرة لتام كيبانو غا عينيها سدات عليها وخرجات مخلياها مبلقة عينيها وغا كتشوف)

عيشة : (نزلات عند خوها) شتها مابكات ما غوتات غا مبلقة عينيها وكتشوف

الياس : الزوهريين مكيخافوش من هادشي داكشي علاش

عيشة : وشنو ناوي دير بيها ؟

الياس : غنخليها هنا بغيتها تعاوني نطرق شي مسامر علاما نوجدو لمسائل تاع لكنز غنتغناز اعيشة انديرو لاباس عشرين عام ونا كنقلب على بلاصة لكنز او ملي لقيتو اخيرا قدرت نتفاهم مع جن لي حارسو ، شرط عليا تكون بنت مبالغة ما مقيوسة زوهري جامعة تلاتة تاع لعلامات ، او بصدفة لاحضت بلي هادشي كامل فياسمين ولكن تعرفي شنو لواعر كتر ، هي ماشي غا فيها لعلامات تاع الزوهريين لخفاف هي زوهرية فدمها ، ملي جبتها لهنا يمكن ليا نستعمل نقاطي تاع دمها باش نخلي جنون ايديرو ليا مابغيت حيت راه كيتلاهفو على دم الزوهريين

عيشة : باها عارف بلي غندبحوها فوق لبلاصة تاع لكنز ؟

الياس : هههههههه تا نتي داك طماع لي عاطي بنتو على قبل جوج دريال ايحير فيها إلى ماتت قلت ليه بلي غناخد من دمها او نرضها ولكن الى قلت ليه بلي تكوات ݣاع ميسول فيها

عيشة : مزيان مزيان غدا غتجي عندنا مراة داك لقايد او ختها

الياس : قلتي ليهوم ايجيبو معاهوم داكشي علاش وصيتك

عيشة : زغبة من راس سيد او دوك لعشوب

الياس : ونتي جبتي داكشي لي خاص

عيشة : (جبدات واحد لكموسة حلاتها مبينة ليه داكشي لي فيها) هادا طرف من كفن بنت عزبة ، او هادا تراب تاع قبر مرا ماتت فشهرها السادس

الياس : مزيان مزيان سيري رعي نتي دبا لدار قبل ميضلام عليك لحال

عيشة : بسلامة

ياسمين : (كان ليل طاح او لخوف بدا كيركب فيها تا تحل عليها لباب داخل منو الياس او فيديه پلاطو)

الياس : ها مكلتك كوليها قبل متبرد

ياسمين : خليني نمشي عافك مغنقول لتا واحد شنو شت غي خليني نمشي يرحم ليك لواليدين

الياس : (حط لپلاطو او قرب عندها مبتاسم) واخة نبغي نخليك تمشي منقدش او دبا باركة من لبكا