💞#عروسة_الشتا💞
بقلم : #فاتي_رعدة
⚡⚡⚡البارت 321⚡⚡⚡
#فصباح#
فاقت لغالية معا جوايه ديك 10 ونص لاقية بلي غيمشي عليهوم لحال على لبحر الى زادو تعطلو شوي ، سبقات هي لحمام دوش بعدما كانت حركات اكسيل ايفيق ، دازت نيشن لبسات عليها كسوتها او رجعات عندو
لغالية : اكسيل فيق واش باقي ناعس (عيات تحرك فيه والو مابغاش اينوض ليها تا شداتها لخلعة ، مدات يديها لعينيه تشوفو واش فوعيو ولا لا لقاتو والو سيد بحالا طايح كومة ، تفكرات لبارح بليل سمعاتو كيتغاوت فتيلفون على حساب شي حاجة متعلقة بلخدمة ولكن حيت كان غالب عليها نعاس مقداتش تنوض تسولو شنو واقع , دبا ملي تفكرات هادشي بغا قلبها يسكت تلفات ماعرفات مادير واش تعيط لامبيلونس واش تعيط لجود ايجي تلفات تاع لمعقول او لخلعة دارت فيها مابغات او دموع خلاص مابغاوش احبسو ، بدات كضور كيف لهبيلة فلبيت كتقلب على طيليفونها لي أصلن كان فيديها ، شافت تا عيات هي تمشي تعيط لوطيل كطلب منهوم شي طبيب ايجي بزربة ، مشات لاحت عليها زيفها او حلات لباب لطبيب )
طبيب : فاش محتاجة لمساعدة ؟
لغالية : (باقة كتبكي) راجلي معرفتش مالو هاد صباح مابغاش ايفيق ݣاع
طبيب : (دخل لبيت أو دار فحص لإكسيل) راجلك مريض بشي مرض ؟ ولا كيعاني من شي حاجة ؟
لغالية : من غير مرض السكر مكيعاني من تاحاجة
طبيب : واش هادي اول مرة توقع ليه
لغالية : لا بزاف تاع لمرات ، واخة كيدير ريجيم ديالو على اكمل وجه او دوا مكيفوتوش كتشدو الدوخة ولا كيدير بحالا دخل فغيبوبة قصيرة
طبيب : واش كيتعصب بزاف
لغالية : ديما معصب بغيت نقول زعما كيخبع لداخل ديالو ولكن ملي كينفاجر كيكون بحال التور
طبيب : انا غندق ليه هاد لبرة باش يتريݣل ليه السكر حيت طالع عندو لخزان بزاف (دق ليه الشوكة)
لغالية : غادي يفيق دبا ياك ؟
طبيب : منهنا 4 تاع سوايع تال خمسة غيفيق غا هو غتكون شاداه شوي الدوخة ، غا هو لي نوصيك راجلك ماشي غا ريجيم لي خاصو ، خاصو ايحاول من التعصاب او التوتر حيت هادشي مكيبشرش بلخير الى كمل على هاد لحالة او جاتو شي تعصيبة اقدر افقد فيها لوعي او يدخل فغيبوبة ، لجسد ديالو دبا غا كيعلمنا لشي حاجة إلى مرديناش ليها لبال غتجينا ، نخليك دبا
لغالية : بسلامة او سمحنا عدبناك معانا (خرج طبيب من عندهوم مخليها تحيد عليها شالها او كسوتها او تمشي تكا حدا اكسيل كتبكي على صدرو او كتسمع الدقات قلبو لي مخلياها عندها صبر او جهد تسناه تا يفيق)
أنت تقرأ
🌧️ 🥀 *عروسة الشتا* 🥀🌧️ بالدارجة المغربية
أدب نسائي🌼حصريا على كروب بنات حواء لجديد تاع لجديد🌼 👈 تحت عنوان : 💥 🌧️ 🥀 *عروسة الشتا* 🥀🌧️ 👈 بقلم : ⚡ #فاتي_رعدة. ⚡ 💮💮💮💮💮💮💮💮💮💮💮💮💮 لواقع هو مناش كنهربو او فالأخير كنلقاو راسنا فيه كنغوص ، رحلة غ...
