💞#عروسة_الشتا💞
بقلم : #فاتي_رعدة
⚡⚡⚡البارت 551 ⚡⚡⚡
مها : تاقي لي خلقك أو عرف شنو كتقول ماشي من عوايدك تخرج لعيب من فمك اولدي راكوم كنتو مزوجين عشرة او دراري جامعينكوم
باها : غتندم على هاد لهضرة لي قلتي اولد ختي ، كولشي نسمح ليك فيه الى شرف بنتي
اكسيل : (كان كاعي تا لحد) اعلى ربي نخرج غالط آسيدي حيت الى داكشي لي فبالي كان صحيح غا بلاما توريني كمراتها
خوها : (شعل) شتك كتهدد فلخوادرية ولكن ها غدا غيبان كولشي
اكسيل : فراني اولد خالي وبلاما تبدا تهز عليا لنقسمك من نص او مكاينش لاش نوضوها مجد ناعس مابغيتوش ايفيق
مها : يالاه يالاه ابنتي نمشيو لدار هادا بانلي خرج ليه لعقل
سناء : غزلان بنتي يالاه نمشيو نرجعو لدار تعطل لحال يالاه
غزلان : (خارج تغطية جراتها سناء مرجعاها لدار)
اكسيل : (عاود دخل عند ولدو لاقيه حال عينيه) فقتي نوجد ليك متاكل
مجد : (بحالا هزيت ولد او حطيتي ولد طايح عليه ضيم او ساخط) لا شكون كان على برا
اكسيل : مك او طسيلتها
مجد : (رجع ضربها بسكة مغمض عينيه تا داه نعاس)
اكسيل : (شاف فشرجم لقا لحال بدا كيضوي ولا نقولو ضوا حيت كانت لعشرة ونص تاع صباح ، بدات كتصوني عليه واحد النمرة هو ايجاوبها) الو شكون معايا ؟
لغالية : (غا حطاتها طيارة اول حاجة دارتها شرات اكارط جديدة او صونات على اكسيل تعلمو بلي وصلات او احاول طيب خاطرو) اكسيل انا لغالية هادي نمرتي تاع...
اكسيل : (مدارش ليها فين تكمل هضرتها هو يقطع عليها خاشي طيليفونو فجيبو او خرج يشري ليه شي قهوة اصحصح بيها)
لغالية : (بقا فيها لحال ملي شافتو قطع عليها حولات تصوني عليه شحال من مرة ولكن مكيجاوبهاش ، تا من لميساجات سيفطات ليه عرام تا لقراية مكيقراهومش ، "اكسيل عافاك دوي معايا ، غوت عليا غا متقطعش معايا لهضرة ، اكسيل")
فؤاد : (جا كيفرق عليهوم سوارت تاع لبيوتة ديالهوم واحد بواحد) سيرو ترتاحو من السفر او تحيدو لعيا باش نقدرو نبداو لخدمة
كوتر : (جرات لغالية ومشات معاها لبيت فين شادين) لجو فميريكان ناضي اخيتي ، مالك طايح عليك ضيم تقولي غارقين ليك لبابر
لغالية : غا عييت بسفر او صاف مجبتيش معاك شي زعتر ؟
كوتر : لا علاش
لغالية : ضراتني لمعدة شوي قلت نشربو
كوتر : بسيف ضرك ونتي طريق كاملة غا كتبوعي يمكن مكتقديش على طيارة او لعلو ، مجبتش زعتر ولكن عندي لكينة تاع لمعدة نعطيها ليك ؟
أنت تقرأ
🌧️ 🥀 *عروسة الشتا* 🥀🌧️ بالدارجة المغربية
Genç Kız Edebiyatı🌼حصريا على كروب بنات حواء لجديد تاع لجديد🌼 👈 تحت عنوان : 💥 🌧️ 🥀 *عروسة الشتا* 🥀🌧️ 👈 بقلم : ⚡ #فاتي_رعدة. ⚡ 💮💮💮💮💮💮💮💮💮💮💮💮💮 لواقع هو مناش كنهربو او فالأخير كنلقاو راسنا فيه كنغوص ، رحلة غ...