🌧️ 🥀 *عروسة الشتا* 🥀🌧️ بالدارجة المغربية

🌧️🥀 الفصل 148🥀🌧️

💞#عروسة_الشتا💞

بقلم : #فاتي_رعدة

⚡⚡⚡البارت 674 ⚡⚡⚡

مشات غزلان بحال او رجع مجد لبيتو معصب او متلاش نزل عندهوم عاود ، فحين دراري بقاو ناشطين تا تعطل لحال عاد كل واحد فيهوم رجع لدارو

جود : (كان تكا ينعس هو وياسمين)

ياسمين : معاودتيش صوتي على مك ؟

جود : خلي تال غدا فصباح قبل منمشي لمحكمة ندوز عليها

ياسمين : تا هاداك نضار

#عند سناء#

فاق كيف عادتها معا نبر دوشات او فطرات او وجدات راسها ومشات لخدمتها مخلية ديب تاع عبد الله عاس عليها ، حدو تأكد بلي مشات مشا كيقلب فبيتها على فين دايرة دهبها او فلوسها كان زربان باغي يمشي

عبد الله : فين فين حطات هادي دهبها ياربي فين حطاتو

سناء : (كانت خارجة معليها مابيها او ملي وصلات خدمتها كان صوتا عليها واحد لمعرفة فلمحكمة كانت طلبات منو ايشوف واش عبد الله متورط فلقضية تاع ياسمين ، ولي صدمها هو أنو أكد ليها بلي هو بنفسو باعها لداك لمشعوذ او باش اغطي على فضيحتو دار ليد معا لوخرين او سيفطها لحبس ، فلبلاصة لقات راسها راجع لدار كتقلب عليه) عبد الله عبد الله

عبد الله : (تخلع ملي لقاها دخلات عليه لبيت) س.سناء حبيبة رجعتي

سناء : يعطيك حبوبة الموسخ كادب عليا بخصوص لبلان تاع ياسمين او كتقوليا مدرتي والو ونتا راس لحربة دوي المنافق

عبد الله : تهدني او بشوية غنشرح ليك ياسمين بغات تغرقني وصاف

سناء : ايا مسكين بغات تغرقك بقيتي فيا نتا روشيرش عند لبوليس مخبي ليا فقلب ضاري باش ملي يشدوك نمشي فيها انا خرج عليا وسير عند لبوليس سلم راسك

عبد الله : هبلتي نتي لا بعدي من طريقي انا غادي بحالي

سناء : غادي ونا مالي ولكن دهبي شكيدير عندك بسلامة فين دايو معاك

عبد الله : خاصيني شي فلوس انبيعو

سناء : آجي لهنا قالك ايبيعو شارياه ليك مك (شدات فداك الصندوق هي تجر او عبد الله اجر) فين داي دهب ديالي واش هبلتي نتا ولا شنو طلق الصندوق بلى صداع

عبد الله : سناء طلقي خاصني نمشي قبل ميجيو لبوليس اديوني طلقي المرض طلقي

سناء : او يجيو يديوك يا لكافر بالله هادو كاملين فعايل فيك كتبيع او تشري فبنتك او وليدها باغي تصرقني وتهرب بفلوسي ، طلق رزقي او عطيني براتي باغي تغرقني معاك المشعويذ ، كاين لي كيسيفط فبنتو تدبح على قبل دوك لخوزعبيلات تاع لكنز

عبد الله : ينعل طواسلك الكلبة دغيا بعتيني فين هي كنبغيك باغاني نتشد فلحبس

سناء : نموت او نعرف فين كانو عينيا مافيك ميتلبق او زايدها ليا بلإجرام طلق رزقي وموت نتا ݣاع ماشي غا دخل لحبس