💞#عروسة_الشتا💞
بقلم : #فاتي_رعدة
⚡⚡⚡البارت 638 ⚡⚡⚡
جود : قبل متصرح موكلتك بلأقوال ديالها غناخدو استراحة نصف ساعة
حدو قال لي عندو خرج بزربة معصب كون زاد شوي كان ايهبط اسلخو ولكن بدرع باش تحكم فراسو ، فلبلاصة هز طيليفونو او صونا لواحد سيد كيعرفو
جود : غتمشي ليا عند لمجلات دلخرا لي مسيفطين صحفيين ديالهوم لهنا ودير معاهوم تمن لي بغاو باش مينزلوش تصاور فرتي بلى زيف ولا حتى يكتبو عليها كلمة غالاط ولو بلغلط ، او نلقا فوطو وحدة نازلة ولو ايكونو دايرين عليها الرعدة ماشي ضبابة وا غا سميتها الى تذكرات قسما برب لكعبة تا ندفنهوم واحد بواحد دوي معاهوم
راجل : واخة
جود : راني كنتسناك فيك (قطع عليه او بدا كيمشي ويجي كيمشي ويجي تا دازت ديك عشرة دقايق او عاود صونا عليه داك الراجل) امضرا ؟
راجل : دويت معاهوم بجوج وحدة قبلات ولكن تانية لمديرة ديالها مابغاتش قالت ليك لمجلة ديالها معروفة بلمصداقية مكيزيفوش لأخبار
جود : (كون كانت حداه كون كلاها بسنانو) ياك الالة المصداقية ايوا قولها سلميلي على عتمان ميعادنا فخبر عاجل
راجل : (قطع معا جود او بلغ لسيدة كلامو او حدها سمعات سمية لي ذكر ولات هي لي كطلب يعطيها نمرتو تصوني ليه)
جود : (كانت بقات ليه ديك عشرة دقايق فاش صونات عليه) الو
لمرا : (كتحاول ضاهر بشجاعة) شكون نتا تا تهدد فيا
جود : انا راجل هاديك لي باغة تنزلي تصويرتها ، انا راه مخاسر والو حمد الله مرتي كانت سكايرية او قابل بيها ، غا هو واش راجلك غيقبل بتعدد لي دايرة ليه ؟ نسيفط ليه تصاور تا انا ولا تا يلقاهوم فلجريدة ؟
لمرا : خلينا غا نتفاهمو على تمن صافي
جود : مكاين لا تمن لا سيدي بوزكري متنشريش تصاور منشرش تصاور او نهنيو هاد السوق يالاد دݣ (قطع عليها او رجع لقاعة لمحكمة)
لمحامية : ياسمين التاجي واش يمكن ليك تعاودينا على شنو كتعرفي على الياس من ايمتا
ياسمين : (خدات أنفاسها لأول مرة او بعد هاد سنين كامل غتعاود لشي واحد شي وحدين شنو وقع كانت مكرهاتش كون خدات وقتها فلعلاج باش تعاود لجود او ميسمعش بهاد طريقة ، بلأخص أنو راه فموقف صعيب ، ݣالس فمنصب كيمتل لعدالة ، خطفات فيه الشوفة قبل متبدا حكايتها بتقة بحالي ماشي على راسها علاياش كتعاود بحالي غي لبارح وقع دكشي) إلياس كان صاحب لأب ديالي او لأستاذ ديالي فنفس لوقت ، او تصرفات ديالو لمنحرفة لاحضتها ملي كانت عندي 11 رعام فأولى اعدادي اول عام غنقرا عندو
أنت تقرأ
🌧️ 🥀 *عروسة الشتا* 🥀🌧️ بالدارجة المغربية
Romanzi rosa / ChickLit🌼حصريا على كروب بنات حواء لجديد تاع لجديد🌼 👈 تحت عنوان : 💥 🌧️ 🥀 *عروسة الشتا* 🥀🌧️ 👈 بقلم : ⚡ #فاتي_رعدة. ⚡ 💮💮💮💮💮💮💮💮💮💮💮💮💮 لواقع هو مناش كنهربو او فالأخير كنلقاو راسنا فيه كنغوص ، رحلة غ...