🌧️ 🥀 *عروسة الشتا* 🥀🌧️ بالدارجة المغربية

🌧️🥀 الفصل 93🥀🌧️

💞#عروسة_الشتا💞

بقلم : #فاتي_رعدة

⚡⚡⚡البارت 391 ⚡⚡⚡

لغالية : ايوا تسناوني غا واحد شوي (مشات بالزربة لكوزينة جمعات ليهوم شي مسمن او شي بغرير فلباطة معا شي فقاص او فعل لغزال كانت دايراهوم او رجعات عندهوم) هاكو شي حلوة لعبو بيها لمعدة فطريق

لحاج : (شد من عندها لباطات او عطاهوم لرابحة توصلهوم لطونوبيل) الله يرضي عليك أبنتي

يحيى : (سلم عليها ماد ليها واحد جوا فيديها مابغاتش تشدو ولكن حلف ليها) تهلاي فراسك تا نعاودو نتشاوفو

عزيز : (دار ليها نفس شي عطاها جوا او سلم عليها)

لحاج : (سبقوه دراري لطونوبيل جبد من جيبو تا هو واحد جوا حالف ليها تا تاخدو) شوفي أبنتي الله يرضي عليك عارفة ولدي صعيب أو تا عقليتو صعيبة ، ولكن راه حنين نتي غا يلى كان شاعل كي لعافية كوني نتي لما او برديه ، ويلى مابغيتيش اطلقك غا شدي فيه شدة لعما فضلمة

لغالية : (بقات غا ساكة تا مشاو بحالهوم بقا فيها لحال شوي حيت خوات عليها دار ، طلات على برا مبانتلهاش طونوبيل تاع اكسيل ݣاع ، رجعات لبيتها او حيدات عليها زيف مخلية شعرها يتهوا شوي ، عاد حلات دوك جويان لاقية فيهوم لفلوس صحاح يحيى او عزيز كل واحد فيهوم عطاها 1000 درهم او لحاج عطاها 3000 درهم ، جمعات ديك 5000 درهم فجوا واحد او حطاتهوم فلمجر تاع لكوافوز حدا ديك صندوق تاع دهب ، او تكات تنعس ليها شوي )

اكسيل : (صاݣ طونوبيل تال واحد لخلى او حبس ينعس ليه واحد تلاتة تاع سوايع ، عاد فاق او مشا لهرية ايقابلها او يستف سلعة معا دراري)

لغالية : (بقات جاراها بنعاس تا ودن لمغرب عاد فاقت سيدة ، ناضت من بلاصتها او مشات تا صلات عاد نزلات لتحت تشوف واش رجع اكسيل والو ملقاتش طونوبيلتو ، مشات لكوزينة نصبات لعشا او شافت تا عيات هي تهز طيليفونها او صونات عليه)

اكسيل : (كان كيعبر لواحد السيدة السميدة تا بدا طيليفونو كيصوني خلى دري اكمل ليها لعبار او مشا هو خرج لبرا ايجاوب) الو

لغالية : الو

اكسيل : باغة شي حاجة

لغالية : بغيت غا نعرف واش اتجي لعشا

اكسيل : غا تعشاي انا باقي معطل

لغالية : (بحزن) غنتعشى بوحدي ؟

اكسيل : (تفكر بلي غيكون كولشي مشا بقات بوحدها فدار ، مجاوبهاش او قطع)

لغالية : (بقا فيها لحال حيت قطع عليها ، رجعات طيليفون لجيبها او مشات تحرك الروز بلخضرة لي دارت فلكوكوط ايطيب ، عاد مشات كتفرج فتلفازة تا سمعات سرسار فلباب او ناضت تحل لاقياه اكسيل) جيتي ؟

اكسيل : (دخل كيحيد فسباطو) واه

لغالية : قلتي ليا مغتجيش تعشا