⚡⚡⚡البارت 149⚡⚡⚡
جود : (تقدم عندها او حط ديك ساشية حداها) ها حوايجك
ياسمين : شكرا (خداتهوم من عندو حاطاهوم حداها)
جود : يالاه بسلامة (ضار باش يمشي تا حبساتو)
ياسمين : ݣلس معايا شوي مالك زربان
جود : (شاف تا عيا هو يمشي ݣلس بعيد عليها بشوي وصاف)
ياسمين : مالك ݣالس مبعد فيا جربة ، قرب لهنا
جود : ("فيك الدودة") لا غا خليني هنا مرتاح هاكدا
ياسمين : إذن انا لي غنقرب (مدارتلو فين يرفض تا لقاها ݣالسة حداه جنابهوم متقايسين او راسها تحط على كفو ويديها تمدات ليديه او شابكاتهوم) هاكدا حسن
جود : (كيفك يديه أو تعاود تشبكهوم ابعد او تعاود تقرب) ياسمين بعدي الله يهديك
ياسمين : (لاسقة فيه) ݣلس غا واحد شوي هاكدا
جود : (رصا مخليها مسندة على كتفو او شادة فيديه ، او ريحتها تاع اللوز مخالطة معا ريحت لݣارو لخفيفة كان مزيج نعمرو شمو ولا حتى كان كيقول شي نهار غيشمو ، قربها منو خلى خليط من الاحاسيس المتناقضة تجتاحو)
ياسمين : نتا كتقرى لقانون ياك شنو ناوي تولي محامي ؟
جود : لا قاضي
ياسمين : او قريب تخرج ؟
جود : راني تخرجت ولكن باقيكندير سطاج
ياسمين : او امتا غتبدت لخدمة رسمي ؟
جود : الى كتاب السمانة الجاية
ياسمين : هاكداك ، مزيان
جود : مالك كتسولي بزاف ياكما ناوية تخليني نحكم عليك
ياسمين : هههههههه كتفايل عليا بلحبس ، ويلى جابتها لوقت باش غتحكم عليا
جود : غنحكم عليك بداكشي لي درتي
ياسمين : نقص ليا غا شي يامات
جود : أبدا لأمور شخصية مفروقة على لخدمة
ياسمين : شوف على مسموم ماشي حشومة عليك تحكم على تويشية ديالك او متنقص ليها والو ، تقول غتنقصهوملي من عمرك
جود : تويشية ديالي مكدخلش لحبس ، شنو عندك هاد لعام
ياسمين : فاش
جود : فلقراية شمن نيڤو عندك
ياسمين : عندي التامنة
جود : التامنة ؟ او 16 رعام ؟ مساخياش ولا شنو
ياسمين : شمن مساخياش راني خرجت من لقراية منين شديت التامنة
جود : (وسع عينيه فيها) خرجتي وعلاش
ياسمين : واهوا ماشي انا لي خرجت هوما لي طردوني وصاف
جود : وعلاش شنو درتي
أنت تقرأ
🌧️ 🥀 *عروسة الشتا* 🥀🌧️ بالدارجة المغربية
Chick-Lit🌼حصريا على كروب بنات حواء لجديد تاع لجديد🌼 👈 تحت عنوان : 💥 🌧️ 🥀 *عروسة الشتا* 🥀🌧️ 👈 بقلم : ⚡ #فاتي_رعدة. ⚡ 💮💮💮💮💮💮💮💮💮💮💮💮💮 لواقع هو مناش كنهربو او فالأخير كنلقاو راسنا فيه كنغوص ، رحلة غ...