🌧️ 🥀 *عروسة الشتا* 🥀🌧️ بالدارجة المغربية

🌧️🥀 الفصل 96🥀🌧️

💞#عروسة_الشتا💞

بقلم : #فاتي_رعدة

⚡⚡⚡البارت 406 ⚡⚡⚡

لغالية : فين غيكون باباك بانلي معصب شواقع

جود : (كان معاون مجد فنزيل عندهوم) واش لواليد خرج

لغالية : (شهقات ملي شافت لحالة تاع مجد) اويلي شكون دار فيك هدشي

جود : دوك لي دارو ليه هاد لحالة هوما لي مشا بابا قاصد

اكسيل : (ركب طونوبيلتو او مشا قاصد الجيهة فاش ساكنين بقا حاضي ياكما يخرج شي حد والو ، هبط من طونوبيلتو او مشا قصد طونوبيلت خو أمل بدا كيضرها تا بدات كتغوت عاد رجع لور كيستنا فمولاها يخرج)

خوها : (ملي سمع طونوبيلتو كتغوت خرج عندها يشوف مالها مرادش لبال ݣاع لإكسيل لي كان واقف موراه)

اكسيل : (نزل عليه بواحد لخشبة لمور الرأس منسيه لقبلة فين جات)

خوها : (طاح لأرض فاقد لوعي او بدا اكسيل كيجر فيه فلأرض باش اتحرد مزيان)

اكسيل : (ملي جرو تال طونوبيل عاد عافر تا هزو او حطو فيها اللور) هاحنا سالينا هادا باقي تامل لاخر

ركب طونوبيل تا هو او قصد لپارطمة فاش ساكن لخطيب ، بلاصا قدام لعمارة لي كان كيعرف عساسها او خلاه يدخل بلى مشاكيل ، طلع لپارطمة ديالو او دق عليه لباب

لخطيب : (كان كيتفرج فتلفازة بوحدو تا سمع دقان فلباب ناض ايشوف شكون لاقيه اكسيل) شكون نتا ؟

اكسيل : لي غيكويك (شنق عليه او غفلو بواحد لݣنݣ تلفو على لقبلة)

لخطيب : (مابقاش كيقشع قدامو ضبابة نزلات على عينيه)

اكسيل : (جرو من لكول او كلما حس بيه غيصحصح كيزيدو شي ݣنݣ تا وصلو لطونوبيل او ركبو فيها حدا لاخر او ركب هو لقدام مضيماري الطونوبيل او قاصد واحد لݣاراج)

خوها&لخطيب ضرباتهوم لفيقة كل واحد ضاراه لبلاصة فاش تضرب بغاو اتحركو بقاو راسهوم مكتفين او ضلام ، شوي هو يتشعل عليهوم ضو لاقيين اكسيل ݣالس مقابل معاهوم داير رجل على رجل او غا كيشوف

اكسيل : فقتو على سلامتنا

خوها : (تعصب) شكون نتا أزمر طلقنا لاش حازمنا ، عندك معانا شي حساب خلينا نفضيوه راجل لراجل

اكسيل : (وقف كيطوي فلكمام تاع قميجتو ) والله ماكرهت نفسي لحساب راجل لراجل ولكن دوماج نتوما زوا"كل ماشي رجال

لخطيب : على خرى طلقنا باركة من هاد زمر فين كنعرفوك ولا كتعرفنا

اكسيل : مكتعرفونيش ولكن كتعرفو ولدي مجد

خوها : آه قولي داك رويجل تاع ولدك هو لي مسيفطك كي بقا مسكين شويا

لخطيب : غيكون شبع بكا ياكما قال ليك خليت ليهوم le dieu ههههههههه طالق ولدك على بنات ناس ميعرفهوم مزوجات مخطوبات لاسق فيهوم لسقة وحدة