🌧️ 🥀 *عروسة الشتا* 🥀🌧️ بالدارجة المغربية

🌧️🥀 الفصل 143🥀🌧️

💞#عروسة_الشتا💞

بقلم : #فاتي_رعدة

⚡⚡⚡البارت 644 ⚡⚡⚡

#بعد ايام#

(مابغيتش ايجيكوم لفلاش باك مجرجر داكشي علاش شي فترات لي مكان فيها تاشي جديد غندوزهوم)

كانت ياسمين جمعات حوايجها او توادعات معا مها قبل متركب الطونوبيل معا باها لي هاد ليامات كاملة كان مكالمي

عبد الله : (حبس طونوبيلتو قدام مرجان) يالاه نزلي

ياسمين : (نزلات معاه مفاهمة والو)

عبد الله : (دخلو لداك مرجان بجوج او داها تالفين كاينين سقاطات او لألعاب) هزي شنو تاكلي او شي لعبة

ياسمين : (بقات غا كتشوف فيه)

عبد الله : طلقينا غنتعطلو

ياسمين : (بتردد مشات عند واحد لمنيكة تاع باربي شحال او هي باغة تشريها وبقات كتشوف فيها مزعماتش تهزها خايفة يتراجع على هضرتو)

عبد الله : غنباتو هنا

ياسمين : (بزربة هزات ديك لمونيكة مزيرة عليها فتعناق)

عبد الله : (فعلا شرا ليها ديك لمنيكة او رجع هو وياها لطونوبيل او كملو طريقهوم)

ياسمين : (حسات بلفرحة حسات بلأمان حسات بلفراشات كيتحركو لداخل ديالها ، زيرات على ديك لمنيكة مغمضة عينيها وناعس والابتسامة على وجها)

بقات ناعسة تا ضرباتها على تعياط تاع عبد الله ، ملي حلات عينيها لقاتو مبلاصي جنب طريق فجيهة شبه خاوية

عبد الله : (مد ليها كاسكروط) هاكي كولي

ياسمين : (كلما شافت فديك لمنيكة كتفرنس تا كيبانو لغمازات ديالها) بابا قربنا نوصلو هاد داخلية مكايناش فكازا

عبد الله : كنتسنا واحد السيد ايجي يدخلنا ليها

ياسمين : (سكتات او كملات ماكلتها ، تا سمعات صوت طونوبيل بلاصات قدامهوم )

عبد الله : نزلي

ياسمين : (عنقات مونيكتها ونزلات تابعة باها تا سمعات صوت راجل مغريبش عليها هزات عينيها بفضول موسعاهوم فيه)

الياس : (بتاسم فوجها ودوا بحنية) بنتي ياسمين لاباس عليك

ياسمين : (وقفات مور عبد الله مخبية)

عبد الله : جبتي داكشي علاياش تافقنا ؟

الياس : (مد ليه شي فلوس) ها تسبيق ديالك كل سيمانة جي تاخد لبركة علاش تافقنا

عبد الله : (قرب عند الياس او دوا بهمس) قلتي غادي غا تبقا عندو واحد لمودة اياخد منها الدم او يرضها منبغيش شي حاجة خرا ترجع حية ماعندي ماندير بصداع معا لبوليس ، آما الى مشات تا وقعات فيها شي حاجة راك فاهم شنو كنقصد غا خليها عند ولا لوحها لموهيم مترضهاش ليا الى كانت متقوبة