بسم الله
اللهم صل على محمد وآل محمد وعجل فرجهم 💗🍀
♡♡♡♡♡♡♡♡♡♡♡♡♡♡♡♡♡
تجمهرنا بالهول كل واحد يفسر ويحلل وين ممكن تروح! والاتفاق بافكارنة كلنا انو ازهار مستحيل تطلع برا بيوتنا ابد
امي تانب نفسها كلساع گالت:
_ كلة مني ضيعت البت
انور: شعليچ بيبي
احلام: هي شدت وياها من رجعت وگالت احرگ گلوبكم مثل ماحرگتو گلوبنا
اكرم دار على بسام: انته وياها تطمطون لبعض ماگتلك شيء
_ لا والله اصلاً ماشفتها
اكرم: ازهار ماتتجرأ دگ هيچ دگة بلا مساعد!!
بلحظة تحرك انور متوجه لهناء ومن شدة لزمتة لذراعها حسيت اظافرة انغطست بجلدها:
_ وين ازهار!
هناء: شمدريني آني گعدت ملگيتها شعليية
بس ماغلبت إدراكي من گلت:
_ كل الغرف فتشناها إلا غرفتچ
هدها مقلل بايات الدرج يعگب كل اثنين سوة مقتحم غرفة هناء وصبت كانت ازهار ساكنة بمكتب هناء الدراسي اللايذ بزاوية الغرفة
نهضت بكل اريحية كأنو متدري بنفسها هي سبب بهل الفوضى والاحباط الفطرنة بي:
تنفس الصعداء انور من صارت بمراى عيونة
شلون حكم على عصيبتة بهاي الساعة وسكت مدري شلون
قبل لا يشيل تفاجأي صدمة اكبر بشهگة ازهار من الراشدي الاجاها من احلام..
اكرم: لا احلام مو هيچ
نزلن دموعها وي دموع ازهار: ختولي كل عمرهه انايية وغبية تتصرف حتى ترضي داخلهه ولا فكرت بينا،
وصلت بيها الصلافة لهل درجة من التمادي!!
سحبت احلام من الغرفة تاركيها بطلب من انور السد الباب
اكرم: خاف يسويلهن شيء؟
نظرتة بطارفي: انزل يابو قلب حنين
_ هههه
بسام: گليبة تمرغل من القلق ميااادة
ميادة: مداك ومدة ميادة بعد وأنتي روحي غسلي وجهچ تعالوا نتريگ وكلمن يتوكل على دوامة تاخرنة
التموا بالهول وابوية يوصي لحد يسوي شيء لازهار
بعد مافهم السالفة..
رماح: بوية ياهو جاي گرباها هسة بس مايصير وعلي وگفت گلوبنا..
عواد: هي جاهل واحترگ دمها ورادت تبرد حرتها وسوت هالرنة، من تكبر تظل تضحك على روحها على سواياتها لاتضغطون عليها
طلال: حجي اعذرني ازهار صلفة وحنى ابوها ميگدرلها
عواد: انته خو لا تحچي للتالي
________________________________
هناء:
_ هناء ماعليها آني صاحبة الفكرة والغلط كلة علية
گالت ازهار ماسحة دموعها الجارية
أنت تقرأ
في اوسطهم
General Fictionلهُ مِن النجوم أربع ، مُطالَبَاً بالقمر طَمعاً بضيائهِ وَقَد تناسوا إنهُ مِن الشمس مُستَمَد بقلمي M.s.m ملاحظة مهمة جداً: لا أحلل ولا أبيح ولا يسمح لأي شخص ينشر اقتباس من هذه النوفيلا يحتوي على المحرمات كالاغاني والموسيقى والمتبرجات رجاءاً ❤
