في اوسطهم

البارت الرابع عشر

بسم الله
اللهم صل على محمد وآل محمد وعجل فرجهم 💚🌹
♡♡♡♡♡♡♡♡♡♡♡♡♡♡♡♡♡♡♡
هذه ارض جهدي
وحصاد قطفي
مِن بستان سهري
فانا سيدها وانا ابيها
هي أيقونة قراراتي
وربيبة مستحقاتي..

هلال:
موقف البارحة فضح نوايا أمي اكثر رغم بالي مايخلو انتباهه من غايتها المستحيلة..
فثاني يوم الصبح سبقت طلعتي للداوم بگعدة وياها كونها أمي وبرها واجب علية لا يعني أن ترتب تفاصيل حياتي بمرامها
وخليت والدي حكم بينا:

_ يعني يصير يا امي اشهد حجي

_ هسة من خليت مرتك تگعد بصفك صرت غلطانة

_ يمة افهميني الله يطول عمرچ الغلط مو بگعدة تمارة الغلط بوقت گعدتهه يعني اني بنفسي مقبلت تصرفچ على بنتي شنو تگوم وترجع تلگة أحد مستدبلينه بيها صح هالشيء؟
وبما أنو ازهار ما سمعت طلبچ فهمتة على انو تمارة گعدت بدون محد يطلب منها وآني مااصدگ احسن العلاقة بينهم أجيتي طمستي شغلي كلة..

عواد:  حگك بوية عواطف آني چم مرة انبهچ بناات هلال ماإلچ غرض بيهم

عواطف: اني جدتهن وإلي رآي عليهن

عواد:  لا ماإلچ كلمن رآية على نفسة

هلال:  يابة آني مااريد تتعاركون أريد من أمي تعتقني مو بكل مرة اسكت ومبتغاها ماغايب عني أظل ارضي بهاي وما احرج ذيچ مو حالة هاية

عواطف:  أنته هاي الغاثتك زهيرة الصفرة زعلت يطبها مرض مرة مرتين من تشوفك سكتت عنها تتعود

بردت صدري بنفس ورديت: يمااا شنو يطبهه مرض؟  آني بناتي رقم واحد باولوياتي فهاي النقطة لا تتجاهليها أبد أبد

عواطف:  تحب بناتك وتعزهن ماگلنه شيء بس مو ماتعيش حياتك

_ اذا اريد ازوج واعيش مايلزمني بناتي بس انا ماأريد

_ لا تورم افادي هلال انا مااهيد اذا مايصيرلك ولد

_ شوفي يمة خلي اگلج ياهة بالعلم تحديد جنس المولود المسؤؤل عنة الرجل مو المرأة يعني حنى لو زوجت تمارة فه90بالمية تجي بنية

_ هسة بلكي هالمرة يجي ولد

عصرت قبضة إيدي الم بيها عصبيتي ورديت بحزم:
_ الولد الو من شموع مااريدة
التفتت على ابوي رادة بعدم رضا:  هاك شتحچي ويااه
ولك يمة آني شحاطة بجيبي الولد إلك ولعزوتك

_ يمة اني بالاربعين بعد اگعد اربي اموت وهو ماطاب العشرين يجوز

عواد:  كافي يمرة خلي الولد يتوكل بدربة مرمرتي

عواطف:  چا گبل لا تروح خلي اسولف الك بهاي الشغلة
_ گولي حجية گولي

_  انا اشوف  ترد لبيتك

_ يااابة..  حچيت وآني أگوم طلعت من ماعونها

_ اسمعني هسة نوب احكم