بسم الله الرحمن الرحيم
اللهم صل على محمد وآل محمد وعجل فرجهم ♥🌹
♡♡♡♡♡♡♡♡♡♡♡♡♡♡♡♡♡♡♡
كلنا ندري احلام ونادر نولدوا بنفس اليوم مچنة ندري اذا ولد لو بنية اثنينة ننتظر على ما ينولد، وحسب سجلات المستشفى
التأكدت منها مبدلين أحلام ونادر..
_ شوون صاار هيچ؟ نطق رماح بذهول
_ هي صالة ياخوية والنسوان كلهه بيها
وام الهام وام ايهاب طبن سوة واحنه كلنه منتظرين برا سوية ضاعت عليهم والغلط وارد وهاي الحوادث تصير بالمستشفيات
تچيت راسي عالتخم من حسيت برطوبة نزلت على شفايفي
وصدى يطنطن بإذني
_ هلال شصارلك
_ جيييب ماي لعمك
_ اهدو اهدو ضغطة ارتفع ونزف خشمة
نص ساعة يمكن استرجعت قوتي
استندت على نصر گمت اغسل وشربت ماي..
ولسة إيدي ماثابتة بحركتها تميل برجفتها
_ سودة علي والله حالي مو أحسن من حالك
مادري شلون افاتح نادر وشگلة
_ نصرر تستووعب آني اخسر بنتيي تدري بهل الدنياا مايوجع روحي إلا حزنهن
وهسةةة.. لا لااا..
نفيت بأصرار لازم باكتاف نصر
_ وآني هلال وآني؟ شاب طول بعرض ذاب دم گلبي علية
طلال: صلوا على محمد وآل محمد ياجماعة
_ اللهم صل على محمد وآل محمد وعجل فرجهم
_ شمالكم گلبتوها مناحة وتحچون بطريقة متشائمة كأنوا خلاص ضاعوا منكم..
احچيلك كلمة يابة
عواد: محد يلومكم، س يابوية لا نصر شايل ولا هلال
بينكم شبخة بس
وأحنة دومنا وي نصر بيت واحد
شدو حيلكم حتى تمهدون لوليداتكم وتحلون الموضوع..
ضحك ايهاب: هههه يعني هسة عندي أخت؟ لا واخت زوجتي
_ وحمس ماتضحك اخت زوجتة كَيَف اخذ الچبيرة والثانية اختة.. زمخ بي هلال بحرگة
رماح: اعذرة وليدي عمك وانته اعرف بي
ايهاب: اني الاعرفة عمي.. حچاها مبتسم
نصر: آني جيتكم رايد حل شون اگول شون أحچي؟
طلال: جيب الولد وصارحة
ضرب فخذة بحرگة راد: شگلة شگلة!! آني مو أبوك
ماظلي حيل يشيل الحمل
نهدلن اچتافي بآخر حدث
شلت نفسي على رجلية گوة
اليوم لو باچر لو عگبة وراية وراية هالمفاجأة
شضم من هاي السالفة وشگص من تفاصيلها!!
وگفت باب بيت أهلي وصفت وياية الحيرة
مگسومة نصين أفكاري
انتبهت على أبوية مرخي تجاعيدة هامس بصوته الحنين
طارد نسبة چبيرة من توتري: توكل وليدي
طبيت وآني اردد: يامعين
__________________________________
احلام:_
_ ذبي البيدچ وتعاي ابوچ يصيحلچ.. صاح علية انور
أنت تقرأ
في اوسطهم
General Fictionلهُ مِن النجوم أربع ، مُطالَبَاً بالقمر طَمعاً بضيائهِ وَقَد تناسوا إنهُ مِن الشمس مُستَمَد بقلمي M.s.m
