في اوسطهم

البارت الثاني

كفاك تزمتاً ماتراه صائباً هو ليس إلا قناعة
 قناعة ترحب بالتغيير، دع الهيكل ذاتهِ نطالبكَ فقط باستبدال نوعية الفكرة ..

هناء:_ 
_  راح ابوي؟ سئلت بترقب 

جوهرة: إيي طلع راح للفاتحة 
شديت على قبضتي بقهر واردفت بضيق:
_ مو كًتلج أريد احاچي؟

_  مستعجل كًلي خل تروح لانور 

صحت بعصبية تمردت على الكتمان الملازمني:

_ بالجنسية مكتوب هناء طلال مو هناء أنور 
أريد فلوس  من انور 
أريد اطلع استأذن انور 
طلبوا ولي أمري يروح انور 
جزعت ترا وين دورة ابوي؟ مارايدني شكو خلفني واهملني 

جوهرة: هنوش حبيبتي لا تزعلين من ابوج مايلحكً من الفاتحة للعرس لفلان مريض وعلان جاي من السفر واخوج ممقصر وياج 

هناء: مو مهم هناء يماا 
٢٠ سنة يطيب بخاطر العالم وخاطري مكسور منة ماطيبة 
بكلمة حلوة  لو مسحة حنونة!

جوهرة: وأنور؟  مو شايل كل المسؤولية سودة علية 
هناء: هو هذا الغلط فهميني فدوة اروحلج ما يصير يشيل عن أبوي المسؤولية كونة الأخ الأكبر لا لازم يساعدة بيها 

جوهرة: أنتي هذا خريطچ كلة وين تردي توصلين؟ شرايدة؟

بمعجزة كًدرت ألزم روحي ورديت بهدوء: 
_ أروح وي البنات بالسنوية 

_ كًلي لانور 

الله أكبر أضرب رآسي بالحايط شون!!
خذلاني لكتماني شور بية يجوز اسكت اريحلي..

صعدت الدرج وكًفت ادكً باب غرفتة :

_ تفضل

فتحت الباب جان واگف يزر قميصة:
انور: ها هنوش

_ اجيت استأذنك 

_ وين أن شاء الله؟ 

سديت الباب وانتچيت علية :
_ احسب حسابي وي عمو هلال والبنات أروح بالسنوية 

عاف علبة العطر والتفت علي:
_ امخمخها اول 

هناء بإنزعاج: شتمخمخ منطيتك معادلة رياضية هي لو اي لو لا 

بانن اسنانه من إبتسم باستفزاز: 
_ لا .. 

يمكن طاقة احتمالي خلصت وحتى الذخيرة تصفرت من انفجرت بقهر بوجهها:
_ ليش لا ؟ ليشش
وين مولية آني للكًبور الي تطمني واخلص من هالعيشة وياكم 

حجيتها و فشيت غيظي بركًعة الباب ونزلت ادردم:
_ من طاح حظ الساعة الصرت بيهه اختك هسة كل العوايل الراقية ما صرت بتهم وطلع نصيبي عدك..آخخ 

اكرم: صدك چذب شكبرني شكدني كدامج 

حكيت راسي بألم ووكًفت:

_ اعذرني من ضيمي ما منتبهت عليك 
لبَد ضحكتة بشفتة وسأل: وشنو ضيمچ هنوش خانم؟

_ شايف ذاك الباب ..