في اوسطهم

البارت العاشر

بسم الله
اللهم صل على محمد وآل محمد وعجل فرجهم 💚🌺
♡♡♡♡♡♡♡♡♡♡♡♡♡♡♡♡♡♡
أهي قريبة؟
الاصوات تزحف إلى مسامعي
أهي الطبول!!
يبدو
إن صقيع مخازنهم العقلية
أُذيب بالمواجهة..
بعدنة مسافة بيتين وصلنه صوت الصياح سرعنة صوبهم وأكيد والدي بالمقدمة دكً الباب بعصاتة
على هوستهم نظل لباچر برا:

_ شوية حجي ماتنطيني عصاتك

نظرلي بإستغراب: ليش؟

_ ادكً بيها قوي

_ جامادكً بإيدك

_ اكلف نفسي وااذي إيدي بالدكً لخاطر وفي مداني

خزرني أبوي وطلال كًال بتحذير:
_ لو تصير آدمي لو ترجع مو بدينا

_ شبيك طلال تحاچيني هيچ زعطوط كًدامك

_ لا بناتك بطولك فإلزم لسانك الي يغير الموجة يم بيت وفي بس!!

_ أنته كًلتها يم بي..انفتح الباب اخيراً:
شياع: هلا بيك ابو طلال تفضل تفضل

فتنا جوة وصار بوجهنة وفي مثل المشعل من تشعلة وتعيفة بلا جدر كًأب وظال يلوب همست
_ اكًول وفي حامل؟

رماح بعدة ما مستوعب فكًال: لا لي. من استوعب سوة نفسة يكح  غاصب ضحكتة تختفي

وطلال دار بنظرة عتب علينة  :
_ ايي شعلية متشوفة شون وحدة تطلكً..

رماح سبني وهمس: سد حلككً لاتظل تغرد

لو ما أبوية والوضع المجهول
چا اگص رجلي قبل لا تعتب دارة
وكمَلت
من شافني وفي ظل يزوحر..

طبينة للديوان وحچة ابوي:
_ مساكم الله بالخير

_ بالخير والعافية

_ عساكم طيبين ياابو وفي مصايحكم واصل لآخر المنطقة إن شاء الله شيء هين وإن چان شيء كلف فأحنة عد عيناك وإذا لا شَيء خاص باهلك فأحنة أهل

رد عمي ابو وفي بصوت حاير وعيونه مغوركًة:
_ خايف احچي وانفضح وإذا اسكت غيرتي تلومني

جاوبة طلال بنخوة:ستر وغطا كًول عمي

وفي يريد يرد وشياع لازمة ماقابل على تدخلنة وآني كل تركيزي على دورة اريدة بس يحچي :

أبو وفي: انحنة ظهري بنتي فوكً ما الدهر حاني

وفي نبز ماكًدر يسكت: ماعاش اليحني ظهرك يابة اذبحهه جوة رجليك

رماح: خلي نعرف شصاير هدي يابو عاصي

رد ونبرتة مليانة غضب: شون اهدئ هاا عرضي هذا
واشوفها حاضنة زلمة غريب اشدلي كًرون احسن

ذبيت حچايتي برودة اعصاب:
_يجوز فاهم غلط

رد من بين اسنانه: لا مافاهم شفت المنظر بعيوني