بسم الله
اللهم صل على محمد وآل محمد وعجل فرجهم 💚🌿
♡♡♡♡♡♡♡♡♡♡♡♡♡♡♡♡♡♡♡
ما بال جموع الناس؟
غرييون جداً!!
تحت عباءة التصنع!!
تختفي نواياهم، احاسيسهم، افكارهم ايضاً..
هل العيش بمنطق
مرض فتاك!!
ليتهُ كان كذلك لعل العدوى تطال الكثيرين…
انتفض هلال لاسعة الكلمات مهجتة:
_ يمةة
بلع نفس ورجع كمل:
_ يمة يمة الله يطول عمرچ شهالحچي بناتي ماإلهن أم غير شموع لا تشوشون عقل هالطفلة اني افهمها
_ يا شگلت آني وگبيت علية
_ العفو منچ حجية خليني بوسط مشاكلي ارتبهه بمزاجي احسن گومي وئام وياي..
شال وئام طالع تارك الغرفة والبنات تبعن خطواتة هم
ميادة بلوم: يمة ليش هيچي
عواطف: هذا الصدگ الهلال وبناتة نابذينة شموع ماتت ماكو شموع
خلي البت تعيش شعور الامومة وخلي هو يجدد شبابة ويكثر تآثيرتة(نسلة) بلكي يجي وليد وانام مرتاحة
_ هو مارايد مرة ومكتفي بشموع وعالولد فما مقسوم إلة رب العالمين مان علية باربع عطايا صحة وعافية وجمال وادب هذا كلة رزق شنو فايدة ولد طايش يمسح صيتك الزين يمتة تفهمون هالشيء يمتة!!!
آخر نفر آني طلعت من يمها دمي فاير بغضب من هاي القضية الماتخلص مقتحمة غرفتي قبل لا ينبهني التذكير بطلب هلال
خمطت موبايلي من الكومدي واتصلت بإيثار:
_ الو السلام عليكم
_ وعليكم السلام.. هلا ميادة شونچ
_بخير لله الحمد انتم شونكم
_ بنعمة
_ اگول إيثار ولو ازحمچ رايدة تمارة احاچيها
_ إي صار هسة اعبر صوب أهلي واخابرچ
_ها هي رجعت؟
_ إيي خالتي سافرت بعد
_ خو مسوالهه شيء وفي
_ هيچ بسطة خفيفة متعودة عليها هي هههههه
_ انتظرچ.. نطقت بقرف ناهية الاتصال تشمت باختها؟
الاشياء الماعدنة نحس رح نبدع بالعطاء إلهة لو صارت ملكنه
يمكن لو عندي أخت تيشلها عيني..
دگ الموبايل شلتة ارد عليها:
_ ها إيثار
_آني تمارة.. همسة متلاشية وصلتني
_ هلا گلبي طمنيني عنچ
_ على گد ماتعودنا على حالنا السيء صرنة نگول عنة بخير خاف يسوء اكثر..
تمتمت تمارة بنبرة ثلجية مجتازة البرود وماإلي عليها لوم.
_ احم تمارة هلال طلب مني احاچيج واستفسر منچ على شكم شغلة رجائي إلچ تجاوبيني بصدق..
_ آني غلطانة
_شنوو؟ قاطعتها مستفهمة
حشر صوتهه بغصة وهي تجاوب:
_ آني غلطانة من وثقت بصفوان وحچيتلة ومن سمحت إلة يسحب مخزون مشاعري بس آني إناء فارغ ميادة ينملي إذا ملاكة ما ضموا.. وهذا الصار
أنت تقرأ
في اوسطهم
General Fictionلهُ مِن النجوم أربع ، مُطالَبَاً بالقمر طَمعاً بضيائهِ وَقَد تناسوا إنهُ مِن الشمس مُستَمَد بقلمي M.s.m
