في اوسطهم

البارت الثامن عشر

بسم الله
اللهم صل على محمد وآل محمد وعجل فرجهم 💗🌹
♡♡♡♡♡♡♡♡♡♡♡♡♡♡♡♡♡♡♡
ها قد ارتدى الانتقام درعه
وتجهز معسكر المخدوعين
ونُثرَت الإنذارات لكن
صامتون!!
الضحايا صامتون وغير مبالون..

_ أني مسندچ سولفيلي

_ بآخر ايام اكو شاب ويانة يذب كلام وآني اغلس عنة بس امس..

_ شنو امس؟

_ تعرضلي..

فززتني شهگتها وردت متسائلة بقلق

_ فهميني بالضبط شصار

_ اعترض طريقي وحچة كلام مو لائق

_ وساكتة؟!!  ساكتة احلام!!
لامتني بغضب

_ لا لا بس ابوية بالدوام،  اكرم مسافر،  وانور مشغول وغيرهم ماكو خيار رابع اتجرأ الجا إلة

_ نحاچي ايهاب؟

انهزت اعضائي رهبة
و نفيت اقتراحها:
_  فشلة الهام فشلة

_ شنو فشلة؟  انتي مغلوط بحقچ ماغلطانة
وإيهاب اخوچ ويوگفلچ غصب عنة..
تمت جملتهه بسخرية ناوية تضحكني

_ زين شون؟

_ إذا داومتي گليلي  وهو يجي وراچ وهناك دلي عالولد يتصرف وياه ويأدبة..

_ وابوية

_ يعني مدخلين احد غريب احنة؟  رح تزعليني منچ ترا

_ لا تفهميني عكس مقصودي بس انتي اعرف بابوي يضوج من نگول لأحد غيرة يحل مشاكلنه

_ إي إذا چان موجود هو هسة ما فارغ

_ ها هي..

لا طب بحيز إقناعي
ولا زال التردد سيد افكاري..

ابتسمت مجاملة من اجت تمارة يمنة
ودنگت على رسن شالتة وهو ممستغربها لإن دائماً يزورنة ويگعد وية وئام..

_  اهلهل رسن شالة واحد غيري ومابچة

_ هههه جاهل ويستغرب ويعتز بحضنچ لإنچ امة فطرياً يأمن بية

نزلتة وگعدت يمنة تسولف ويانة بهدوء..
إلهام: كلش متعبني ودوم يريد شيل

_ شوية شوية يتعود كل يوم قللي مرات الشيل يتعود لو مثلاً إذا رادچ تشيلينه لهي بشيء لعبو شيء شغلة ينسة

_ اجرب هالمعلومة،  هم دارسينها باختصاصكم؟

_  اكيد علم النفس هم يتطرق للتعامل مع الاطفال

_ هو صح كلة نظريات بس ممتع

_ بلي، انتي شنو كملتي؟

_ آني مكملت رحت معهد تمريض كان مفتوح بوقتها

_ تشتغلين؟

_ قبل ولادة رسن اشتغل ورا ولادتة اخذت إجازة طويلة
اتفرغلة نوب قررنا نجي هنا ومحصلت وظيفة بعد