عندليب
وقد اتخذت من قلبي عشاً لها
تنضم اوتارها راحتي وسكون ضوضاء ايامي
بسمفونية عذبة تطرب لها نفسي
وترتاد قواي الخائرة قمم النهوض
وتغدو اتعابي قتلى بسيوف الحانها ..
إلهام:_
هدوء منطقتنا وروعة بيوتها وقرب أهلي
شكل عنصر الاطمئنان الي چنه فاقدينة
العلاقات الناقصة
اطمئنان ، استقرار
علاقات مبتورة
وضلعهه أعوج … تضرك وتسحب راحتك
بعد سكنا هنا شفت الكل تأقلم بسرعة
شلت المعجنة الصغيرة مخليتهه عالميز مكًابلة من الجهة الثانية عمتي الف بالدولمة والسوالف تشاركنة بالشغل:
غادة: شو خواتچ بعد ماشفناهن من أهد اول يوم ؟
الهام: ازهار طيهه نوم عمة تجي من المدرسة وتنام واحلام ملتهبة تدرس
غادة: إي كًال ابوچ خطية والله شكًد فقيرة تكًوم وتكًعد ماينسمع الهة حس
_ هي طبيعتها هادية بس من تحاچيهه تجاوبچ
سكتت عمتي شوي واحس غاصبة لسانها مايحچي
الهام: چن عندچ سالفة عمة كًولي
تنهدت وشمرت علي صدمة بجوابها:
_ كون يرضة نادر رايدة اخطبها الة ..
دنكًت محتارة بين الكلمات الرايدة أجاوب بيهه بلا زعل:
_ ليش هو مارضة؟
_ اي من كًتلة ذيچ المرة كًال كل بنات عمي هلال خواتي
الهام: لا تضغطين عليه عمة بعد هو براحتة
غادة: آني شنو مرادي من السالفة؟ طبت كًلبي هالبت
الهام: بيهه حكمة ..
سكتنه وآني دار بالي الف سؤال
خاف صدكً عمتي تقنع نادر؟
بس هو أكثر من مرة يأكد بحچية احنه خواتة
استحيت انطي بسر اختي
واكًول عن حبها..
خلصنه شغلنه ورحت اجيب أبني من اهلي
چان الباب الچبير مفتوح وولد عمي واكًفين كًدام باب بيتهم مريت بسرعة بس جرني الفضول اسمع حچيهم:
اكرم: إيي وشقررت؟
بسام: اروحلة واكًلة
_ حتى يكسر عظامك
_ أكرم شمالك تحاچيني كانو مسوي جريمة
_ وتصرفك الاخير؟
_ استغفرت وكفرت عنة واصلا مو متعمد بلا قصد
_ ولهذا السبب تريد تروح وتحاچي؟
_ لا لإن الوصلني ماينسكت عنة
_ شوف حبيبي اخذ مني نصيحة الخطوة القبل وقتها تعثرك وانته حر
دنكً بسام عاض شفتة والحيرة تقود بالة ..
زفر أكرم ضامة من اكتافة وفاتوا للبيت ..
دخلت لبيتنا بذهن مشوش عن الواقع
وظنوني تقترح توقعات لغموض حوارهم..
_______________________________________
بعد مرور شهرين:
قامت اللجنة المكلفة بموجب الامر الجامعي المرقم *****
والمؤلفة من السادة الافاضل ******
بمناقشة طالبةالدراسات العليا
_ميادة عواد_
حول رسالتها المعنونة ب*****
في يوم الأربعاء ٥/١
واستناداً الى الفقرة***
من قانون الدراسات العليا
وفي ظرف قابلية الطالب على طرح موضوع رسالته واستهاله والدفاع عنها فقد اتخذت اللجنة التوصية التالية مع الآخذ بعين الاعتبار جهود الطالبة المبذولة قبول الرسالة بعد اجراء تعديلات طباعية طفيفة عليها وبدرجة امتياز
أنت تقرأ
في اوسطهم
Genel Kurguلهُ مِن النجوم أربع ، مُطالَبَاً بالقمر طَمعاً بضيائهِ وَقَد تناسوا إنهُ مِن الشمس مُستَمَد بقلمي M.s.m
