بسم الله
اللهم صل على محمد وآل محمد وعجل فرجهم 🌿♥
♡♡♡♡♡♡♡♡♡♡♡♡♡♡♡♡♡♡
الكل محصن كلامة بالسكوت وهدوء غزير فيض الصالة الي گاعدين بيها محد يتجرأ يكسرة غير شهگات ازهار الضامة نفسها بحضن عمو رماح..
مسح على ظهرها مردد عبارتة للمرة العاشرة:
_ كافي ياابة فحطتي من البچي شبيچ يوم يومين وتبعينهم
انور: شمالچ خوية معنفينچ احنه وگالبتها مناحة؟
شالت راسهه موگفة سيلان عيونها النيرانية ضاحكة على تصنيف اخوها:
رماح: شوفي ابوي شون متحلف بابوچ حلف مايفوت للبيت بعد على سوايتة هاي منا لمن ترجعين
ردت لابسة ثوب الصلابة بنبرتها المتحشرجة:
_ المكان الي انطرد منة لو چان قصر ماردلة
قهقه عمو رماح معلق: بينن طباگات هلال عرفناها
تم حچايتة گايم لبيتهم بعد ماكان جاي مسير يمنة وشاف الخبصة ثايرة بالبيت..
قبل ساعة:_
جمدت خطواتها متعثرة اسماعها بجملة ابوها
نظرتها صوبة محتاجة تأكيد
راحلها عمو واگف جدها على اول باية بالدرج
_ وين اظل بابا؟ همست ازهار غاصة برجفات صوتها
_ هنا؟ يم بيت جدچ
_ لـ.. ليش!!
_ يحتاج ظلين فترة تكفرين عن غلطچ بيها؟ مو صح!!
صفنت بدهشة قبل لا يكمل عمو كلامة:
_ كل أحنة قهرناچ واني مالي عتب عليچ بهاي الصفحة بس على الاقل فكرتي بجدچ گلتي يتخربط يرتفع ضغطة وهو كلمة والثانية لا تضوجون ازهار…
تيبس رمشها ونظرها تسمع الكلمات الشعلت رماد روحها مرة ثانية
_ يرادلچ وقتت بابا
عقلچ بحاجة للتعويد
وجودچ هناك يأذيچ فظلي شكم يوم وبكل وقت زورينا حد ما تتفهم مشاعرچ الموقف زين ماي عيني؟
ابتسم رافع وجهة بين چفينة يقبل جبينها
_ علمودچ والله رايد ترتاحين
رايدة فترة نقاهة تصفي وترتب الخربطة الجواچ..
حررت وجهها من عمو بصمت داخلة لغرفة جدو وقافلة الباب وراها..
طرد زفيرة عمو صايح على احلام وتمارة يستعجلن وهو اتجه لغرفة ميادة ياخذ وئام النايمة..
بهل الاثناء فات عمو رماح مستغرب من التوتر الحابس صخب المكان وفهم من شاف عمو هلال وعائلتة رايحين:
_ ها شني شادين الهمة؟
هلال: هي ظلت همة يمعود
ندستني احلام: ازهار وين؟
_ عمو گال تبقة هنا
وسعت عيونها من الصدمة مباشرة سألت ابوها:
_ بابا ازهار!!
اشر براسة: تحركي هناك نحچي
تبعوا كلهم وميادة گعدت تشرح لعمو السالفة بالتفصيل قصدي للاسرة الكريمة:
جدو عصب على بيبتي رافض تصرفها:
أنت تقرأ
في اوسطهم
قصص عامةلهُ مِن النجوم أربع ، مُطالَبَاً بالقمر طَمعاً بضيائهِ وَقَد تناسوا إنهُ مِن الشمس مُستَمَد بقلمي M.s.m
