بسم الله
اللهم صل على محمد وآل محمد وعجل فرجهم 💚🌿
♡♡♡♡♡♡♡♡♡♡♡♡♡♡♡♡♡♡♡
خشخشة صوت الطلاب القريبة منها باحاديثهم المتفاوتة
ياما على مواقع التواصل الإجتماعي
ياما لازمين سيرة استاذ او دكتور
يفلسون بية..
وهي تحرك رجلهه ماطايقة الوضع
انتظارها طال لإيهاب
صعبت عليها تغير مكانها ووجود هذاك الشاب مقابل إلها
يوتر دواخلها
ويشعل مؤشرات الخوف
_ لحگي لحگي ريتاج تخربطت
انخرعت من كلام البنية الي تحركت تمشي سريع وهي وراها
وبلحظة انمحى كل الشاغلها
وتربع الفزع على صديقتها بدالة
_ وينها؟.. تراجفت شفتها الصارت شفافة بالبياض من القلق
ياقلق؟
تحول رعب من انفكت عقدة الخطة
البنية والولد
وهي محاصرة بينهم
تحاول تخلص روحها
يردون يخطفوها!!
ضمت جسدها بزاوية غايبة عن عيونهم
بعدما شتتهم شاردة من بين ايديهم
طالبة المساعدة من إيهاب..
إيديها، رجليها
باقي اعضائها
اهتزت برجيف بجنون تدور امان
وانخدعت بحيلة الضعف
من خرت بين إيدين إيهاب
رايدة تهدي حالها..
_ اگعدي عالمصطبة اهدي إني يمچ
_ رادوا.. رادوا يخطفوني
_ محد يسويلچ شي بس هدي نفسچ اش بعدين نحچي..
ساعدها ترتاح عالمصطبة
رغم هوة مرتبك لو ماملحگ عليها واختها امنتها عندة!!
_ ارجعچ للبيت؟
_ إيي مااريد ابقى هنا، عفية لا تخليني
_ بس لازم نروح للعمادة نشتكي هيتة هي خوما هيتة
_ مارح نستفيد ماكو كاميرات بهل القسم
_ حتى لو نسكت شنو؟
_ خلي يجي ابوية وهو يتصرف
_ وانتي تبقين بخطر؟
_ لا عندي يومين ريست ابوية جاي بيهن وهو يتكفل بالموضوع شكراً تعبناك ويانة
_ والله ماحلوة منچ غير آني اخوكم
_تسلم
بشكم كلمة لهة إيهاب عقلها عن التفكير
وسحب حفنات الخوف الحاكمة عليها
راجع بيها لبيتهم
نزلها وتاكد طبتها لبيتهم بسلام
متاكد من ضحكتها وي اختها وئام الي واگفة وي تمارة بالحديقة
ياخذون من الخضرة للغدة
قبل لا يرجعها الة تحذيرها
_ لا تقلق الهام ايهاب گلها حليت القضية افضل ابوية الوحيد النحچيلة الحادثة
أنت تقرأ
في اوسطهم
Ficción Generalلهُ مِن النجوم أربع ، مُطالَبَاً بالقمر طَمعاً بضيائهِ وَقَد تناسوا إنهُ مِن الشمس مُستَمَد بقلمي M.s.m
