بسم الله
اللهم صل على محمد وآل محمد وعجل فرجهم ♥️♻️
____________________________________________
راضياً شاكراً ، عاشقاً مٌنَمق، مٌستثنى من قاعدة القطيع على
الرغم من بعض بقع الحرص التي تَلطخ بها ثوب حياتهِ..
يرى كُل المغريات هوامشٍ إن لم تَكُن عينيها إحداهن،
فمنهُ تناثرت هذه الحكاية ..
وبحَيه حَي_ العزة_ تناقلت حروفنا والى منزل جاهة الحي الحاج_ عواد_ دلفت اقلامنا ..
_ هاي الحلوة بت هلال؟
_ ايي خية
_ وحيدات بلية اخو بعدهن؟ خطية
_ شسوي كاسرني هالولد
_ وعليش يااُم رماح زوجي شو عين الله علية تتمنى كل بنات الديرة عبنة شاب ويأخذ العكًل
_ بإيدي وما زوجتة خليها بالكًلب ياام فاخر!!
_: سحبت أكبر كمية من الأوكسجين اقشمر بيها نقسي حتى تهدأ ولا تبث براكين ردودها بهاي الرطينة وإلي صارت محور للسوالف..
نظرة زوجات عمامي علية برجاء فهمت مقصودة ولخاطرهن غلست واخذت دربي للمطبخ ركًعت الصينية بالميز وحجيت بحدة وغضب:
_ اشوف مطية توديني لهناك بعد
فزن البنات من الصوت وأختي الجبيرة احلام ردت بعدم رضا لتصرفي:
_ صوتج زاية عيب لاتسمع المرة
_ لا خل تسمع آني أريدها تسمع هي شكو بينة؟ أبوي زوج خلف ها؟
_ اهوو يعني انتي ماتعودتي على هاي الرَنة جديدة عليج؟
_ وليش اتعود عالغلط بدل مااصلحة؟
_ ههه شبيج عيني تصلحين منو؟ هذا فكر مجتمع تسويلهم برمجة كلية .. بنبرة مستهزئة كًالتها احلام
صفت وي رأيي كالعادة بت عمي هناء :
_ مو سالفة تغيير بس سالفة تدخلات مالها داعي
_ اروح أدرس احسلي
_ هيج الموضوع طبيعي عندج؟ يابروودج!!
بحركًة كًلب حجيتها ..
احلام بحزن ردت: لا زاية لا مو طبيعي ولا متقبلة الي جاي يصير واجذب على نفسي قبل لا اجذب عليج من اكًلج هيج
بس ألجأ للسكوت واحتفظ بقهري يأذي نفسي وبس!!
_ وأمي؟ نطقتها وغيمت عيوني
ابتسمت والعبرة سيطرت على نفسها:
_ بروحي وكًلبي .... مكان المحبين
على هاي الوكًفة طلعت ضيفتنا من يم جدة تعدل بعبايتها ووراها زوجات عمامي _ سوسن وجوهره _ يوصلنها للباب
أنت تقرأ
في اوسطهم
General Fictionلهُ مِن النجوم أربع ، مُطالَبَاً بالقمر طَمعاً بضيائهِ وَقَد تناسوا إنهُ مِن الشمس مُستَمَد بقلمي M.s.m ملاحظة مهمة جداً: لا أحلل ولا أبيح ولا يسمح لأي شخص ينشر اقتباس من هذه النوفيلا يحتوي على المحرمات كالاغاني والموسيقى والمتبرجات رجاءاً ❤
