احببتُها وانا جاهل بدروب المُحبين

البارت - 1

عند صقر الي كاره عيشته وحياته ويفكر هل بتستمر حياته كذا؟ قاطع تفكيره جده وهو يناديه : صقرر يا صقييرر
فز صقر من سمع صوت جده : سم ي جد
جده : وراك ما فطرت
مشاري : فطرت قبلكم
جده : اجل قوم خذ مشاري وروح شوف العزبه وشيك على النياق وانا بلحقك
بأس راس جده وهو ينطق : ابد ابشر
جده : يلا عجل
راح صقر بيت عمه ابو مشاري وينادي مشاري بصوت عالي
شهد : خير شفيه ذا يصارخ في صباح الله
ام مشاري : روحي شوفيه
طلعت شهد بدون ما ترد على امها وكانت معصبه من صارخ صقر
شهد وهي رافعه صوتها : يالله صباح خير خير ان شاء الله تصارخ بذا الصباح شعندك؟
صقر عصب من سمع صوتها : وقص يقص لسانتس اقصري حستس
شهد بنفس نبره صقر : وانت ما تسمع صوتك الي واصل لآخر الحاره!
صقر بعصبيه : اقول لا عاد اسمع صوتس يعلى ونادي لي مشاري
شهد وهي ارتبكت من صوته لان اول مره يصارخ عليها : طيب
صقر : يلا
شهد بهمس : يمه شفيه ذا مغير معصب صدق الله يعين جدتي وجدي عليه
طلعت شهد تنادي مشاري وشافته يفطر وهي ماودها تتكلم معه لان عارفه بيعصب عليها لان طلعت لصقر
شهد : قوم صقر يبيك برا يصارخ ازعج ام امنا
مشاري فز من سمع كلام شهد : قامت قيامتس ان شاء الله وعسى طالعه له وانتِ كذا؟
شهد خافت من نبره مشاري بس ما بينت : وش اسوي طيب من الصباح يصارخ وينادي ومحد طلع له
طلع مشاري لصقر بدون ما يرد عليها
ام مشاري : تعال افطر يوليدي
مشاري بعصبيه : بالعافيه عليكم
ام مشاري بحنيه : الله يهديك يـ شهد ما خليته يكمل فطوره
شهد : انا وش علي منه صقر الي ناداه مو انا
شهد بهمس مسموع : الله ياخذ صقر
ام مشاري بعصبيه : استغفري ربتس !
ما ردت عليها شهد وكملت فطورها
مشاري ابتسم : أرحب صقوري
صقر بابتسامه متبادله : وينك يالسربوت لي ساعه منتظر جدي منتتطرنا عند العزبه
مشاري بضحك : افطر يعني محد يفطر
صقر : يرجال بالعافيه عليك بس اعجل قبل لا يلعن خيرنا جدي
مشاري : يلا يلا مشينا
_
عند العزبه
شافهم جدهم وهم يضحكون : ضحكتم من سركم يحمير امش انت وياه لا اكسر هذي العكاز على ظهرك انت وياه
صقر بخوف : ابشر على خشمي
مشاري بأس راس جده وهو ينطق : الله يهديك ي جد الناس تقول صباح الخير تروق انت تهاوش
ضربه جده بالعكاز على كتفه وهو يقول : بعلمك الحين كيف تروق
مشاري بألم : اح ي جد والله تعور
صقر وهو ماسك الضحكه : تستاهل قال ايش قال تروق جدي ما يعرف لك شي اسمه تروق يحبيبي
مشاري وهو حاط يده على مكان الضربه : ما عاد نبي نروق بعد هذي الضربه امش الله ياخذك
راح صقر مع مشاري وهو ميت ضحك عليه
صقر بصراخ : مشاااري تعال ساعدنيي بحلب الناقه
جاء مشاري يساعد صقر وما امداه صقر يمد يده يبي يحلبها الناقه رفست صقر من ورا وطاح وانطلقت الناقه ترفس برجولها في مُراح الابل " مكان الابل "
طاح مشاري يضحك وهرب اول ما شاف الناقه تترسف داخل مُراح الابل وطلع وترك صقر
صقر بألم وصراخ : حسيبك ربي كسرت عظامي
مشاري بضحك : تعيش وتاكل غيرها
الجد جاء على صراخ صقر : وراك انت تصارخ كانك حرمه
صقر : افاا انا الحين صرت حرمه ي جد
مشاري وهو ماسك الضحكه : ترعفست عليه النا...
ما امداه يكمل كلامه الي حس بضربه من جده وهو يقول له : وانت واقف هنا تتفرج له وراك ما تروح تساعده
صقر بضحكه انتصار : تستاهل يكلب
مشاري بعصبيه : اقول امش لا اكمل عليك الحين
صقر : تعقب وانا ولد محمد
مشاري مشى وقال : لا من الولد ولا من ابوه
حزت الكلمه بخاطر صقر الي ذكره مشاري بابوه وكيف تعامله معه قاسي عكس اخوانه الي يعاملهم بحب ولا داري عنه بس حاول انو يتناسى كلام مشاري
_
عند بيت ابو صقر
ابو صقر : يلا عجلوا على الفطور بنلحق جدكم في العزبه
حمد وهو يمثل التعب : انا تعبان ما فيني حيل اروح وريحه النياق بتكتمني
ابو صقر : مافيك الا العافيه لا تجلس تدلع محد مدلعكم الا امكم
ام حمد : حمد ماهو رايح ولا مكان ما تسمعه يقولك تعبان روح انت
صد ابو صقر وكمل فطوره باستعجال عشان يلحق على الجد في العزبه
_
عند العزبه
لفو العيال اول ما سمعو صوت سياره ابو صقر
ابو صقر : السلام عليكم ورحمة الله
مشاري و صقر والجد بصوت واحد : وعليكم السلام ورحمة الله وبركاته
ابو صقر : صبحك الله بالخير يبه
الجد : صبحك الله بالنور وراك جاي متأخر عسى خير
ابو صقر : اليوم ما صحيت الا متأخر
صقر : كيف حالك يبه
ابو صقر بدون نفس : بخير
مشاري : كيف حالك يعم عساك بخير
ابو صقر : بخير نحمد الله
الجد : وينه حمد ما اشوفه جاي معاك
ابو صقر : تعبان وقال بيريح اليومين ذي
الجد : حصل خير
صقر وهن يهمس بإذن مشاري : تخاويني؟
مشاري : قدام
صقر : انا استأذنكم بروح اشوف خواتي لي فتره ما شفتهم
الجد : وقول لهم في عزيمه ان شاء الله اليوم بعد الظهر نبي الكل يكون موجود
صقر : ابشر
مشاري : على سيارتي ولا سيارتك
صقر : لا سيارتي
ركبوو السياره وانطلقو متجهين لبيت ابو صقر
صقر : تبي نروح نمر هادي و نروح نتمشى ونغير جوي
مشاري بكراهيه : لا تكفى فكنا منه الحين بيجلس يتفلسف على راسنا ونصايحه ما تخلص
صقر بضحك : صادق والله يا كثر نصايحه بس والله ان نصايحه حلوه
مشاري : امش امش بس
ومن بعد كلامهم عم الصمت استغرب مشاري من سكوت صقر مو من عوايده
مشاري بشك : سكوتك ذا وراه بلا انطق علامك
صقر بضيقه : وفي غير ابوي
مشاري : تهون وانا اخوك وبتزين ان شاء الله
صقر : ما ضنتي وليلى زوجته الكلبه
طاح مشاري يضحك على صقر وصلوا بعد مُده قصيره
صقر : انا بنزل اسلم عليهم وجايك
نجد بفرح : هلا والله أرحب يعيون اختك
صقر : أرحبي نجودي أرحبي يا نور عيني انتِ
نجد بحب : وينك مختفي مالك حس ولا حتى تسأل عنا ولا نسيت ان عندك خوات
صقر : نساكم الموت ما نسيتكم والله بس تعرفين أشغال جدي وظروف
نجد : ما علينا تعال ادخل وحشتني والله
صقر : مستعجل والله ومعي مشاري بالسيارة ما ابي أطول عليه ، نادي البنات بسلم عليهم
نجد : من عيوني
صقر : جعلني فداهم
_
نرجع شوي لمشاري في السياره
مشاري انصدم من جمال نجد : لعنبو حيهاا اوفف يالجمال انشهد انها فاتنه سبحان من خلقها وسواها
_
عند نجد وصقر
نجد وهي تنادي خواتهاا : رنددد رينااادد ععهووود تعالوا صقر جاء
جو يركضون رند وريناد اول ما سمعو اسم صقر ونطو بحضن صقر وهم مستانسين بجيته
صقر بحب : حييي الله بناتي
ريناد بفرح : اهخ وحشتنا يعيون بناتك وينك عنا
صقر : وانتو وحشتوني والله بس أشغال اعذروني ان شاء الله المره الجايه اعوضكم ، وينها عهود
نجد وهي مرتبكه وتدري ان عهود ما تحب تقابل صقر وتكره جيته عندهم
نجد : ها شكلها نايمه او بالحمام
صقر : يلا تماام مو مشكله ايوه وقبل لا انسى جهزوا نفسكم بعد الظهر في عزيمه ببيت جدي وموصي الكل يجي
البنات : الله وناسه تم تم
صقر : يلا فمان الله
البنات دخلوا يجهزون نفسهم ورجع صقر سيارته وشاف مشاري مولع الدخان وحاطه بين شفايفه
صقر : وانا مالي وحده
عطى مشاري صقر وحده واخذها صقر وهو يحطها بين شفايفه ويزفرها
_
عن الجده الساعه 10 الصبح
دخل صقر و مشاري بيت الجد
العيال: السلام عليكم
الجده : وعليكم السلام ورحمة الله اقلطوا تقهو معي
مشاري بحب : يالله حي جدتي شخبارتس عساتس بخير
الجده : بخير يوليدي الحمدلله
صقر بتعب : انا بدخل برقد ولا قرب الظهر صحوني
مشاري : وانا برسل بالقروب يجون على العزيمه وبلحقك
ارسل مشاري في القروب بإعلان ان اليوم عزيمه بعد الظهر في بيت الجده وتم موافقة الكل
لحق مشاري صقر ونام
_
عند العزبه
الجد : متى ناوي تاخذ صقر عندك
ابو صقر : يا يبه كم مره عدنا في هذا الموضوع ماراح يرضى يجي وصراحه حتى حرمتي ماراح ترضى اجيبه بيتي خله عندك احسن
الجد بعصبيه : ومتى ان شاء الله بتصير رجال ما غير حرمتك هي الي تمشيك على كلامها اخس عليك من رجال
ابو صقر : يا يبه الله يطول لي بعمرك اسمعني انا لا جبت صقر عندي بيجلس طول الوقت هواش مع عمته وحمد
الجد : قوم قوم لا بارك الله فيك ولا في حرمتك
طلع ابو صقر بعد كلام ابوه واخذ سيارته وطلع متوجه لبيته
رجع الجد لبيته يصحي صقر ومشاري
ضرب الباب بعصاته على الباب فز مشاري من النوم وفتح الباب لجده
الجد : قوم انت وياه ما تدرون ورانا ذبح وعزيمه
مشاري تذكر العزيمه وقال : ابشر الحين جايين
الجد : صحى صقر والحقني بسرعه
مشاري والنوم بعيونه : ابشر
طلع الجد علطول مشاري فز لصقر يصحيه
مشاري باستعجال : صقرر قومم بسرعه لا يجي جدي يكسر العصاه على ظهرك
صقر : يخوي شتبي انت
مشاري : يولد العزيمه نسيناها باقي ورانا شغل
صقر : يوهه يلا يلا بتروش والحقك
طلع مشاري لبيت العزبه ياخذ خروف عشان العزيمه
دخل صقر الحمام وتروش على السريع واخذ ثوبه
وتعطر وطلع الصاله لقي جدته واخذ منها العود وتبخر
صقر وهو يبوس راس جدته : ياجعلني ما افقدتس
طلع صقر ولحق مشاري لبيت العزيه
_
عند بيت سعاد ام مشاري
ام مشاري : يلا يبنات استعجلوا مانبي نطول على جدتكم
المها : انا خلصت باقي وعد وشهد
وعد : يلا باقي لي شعري
ام مشاري : مها روحي دقي علي مشاري يجي يودينا
مها : سامي موجود يمه ليه مشاري
ام مشاري : سامي توه رجع من الدوام وتعبان خليه يرتاح ودقي علي مشاري
ابشري دقت مها على مشاري وماهي الا دقايق وصلوها صوته
مشاري : هلا
مها : مشاري تعال حنا جاهزين
مشاري : يلا شوي وجاي
قفلت مها وهي تقول للبنات : اعجلوا بنات ترا مشاري شوي وجاي
شهد : خلصت شرايكم؟
خواتها : تهبلين، شكلتس يجنن
شهد بحب : لبى قلوبكم يلا اعجلي وعد
وعد : خلاص خلصت مها تكفين جيبي المبخره هنا
تخبروا البنات ولبسوا وانطلقو متجهين لبيت الجده
_
عند ام حمد
نجد : مين بيودينا؟
عهود : حمد ولا ابوي اكيد
دخل عليهم ابوهم على أصواتهم وهو يقول : بيوديكم صقر انا مشغول مع جدكم بنروح ناخذ الصحون دقيت على صقر يقول تجهزوا شوي وجاي
عهود بكُره : يبه ترا حمد موجود ماله داعي يودينا صقر
ابو صقر : يا بنتي الله يهديتس بنروح انا وجدتس وحمد وصقر بيوديكم وش فيتس
نجد : اقول خلاص تراه اخوتس ماهو غريب
عهود : يشيخه وخري بس
جاء صقر ودق بوري وطلعوا البنات وركبوا سيارته
صقر : شخبارتس عمه
ام حمد بدون نفس : بخير
صدت ام حمد وهي تناظر صقر وكملو طريقهم لبيت الجد