احببتُها وانا جاهل بدروب المُحبين

البارت - 2

وصل مشاري واهله وما طول صقر وصل بعده علطول
نزلوا البنات ولحقوهم بنات ام حمد ومشاري عينه على نجد وكيف تمشي بهدوء
مشاري بهمس : اههخ القاها من جمالها ولا من مشيتها
دخلوا البنات بيت جدتهم وصقر ينادي على مشاري ومشاري في عالم ثاني ولا درا عن صقر ما حس الا بضربه من صقر على راسه
صقر بجده : انت ما تسمع انادي عليك امش نروح لرجال
مشاري وصقر بصوت واحد : السلام عليكم يارجال
الرجال وهم يحسبون الف حساب ل صقر ومشاري : وعليكم السلام ورحمة الله، يالله حيهم، ارحبوا
صقر : ما تقصرون استريحوا
_
عن البنات
نجد وهي تسلم على وعد : اهخ وحشتينييي وعودي
وعد : اكثرر والله
جلسوا البنات يسولفون بعد ما سلموا على بعض
شهد : وينها لطيفه ما قد جت لا يكون ما يبون يجون
المها : يخوفي تسحب علينا
شهد : بسحبها انا من شوشتها
ضحكوا البنات على ردود شهد وما هي إلا دقايق الا وجت لطيفه وليالي وام فهد
لطيفه : اهلين بنات
البنات : هلا والله، أرحبي، هلا هلا اطلق من يجي
لطيفه بحب للبنات :
البقي يعيوني انتو اهخ بنات زمان عن هالجمعه والجلسة
اشتقت لها
شهد : كلنا والله يلا تعالي اقلطي سواليف وحش والي تبينه
طاحو البنات يضحكون
مها بضحك : جويي يلا
شهد : فديتس يشيخه الا تعالوا شفيها عهود جالسه عند امها كأنها مطلقه
نجد : هي ترا انا باقي اكون اختها
رند : احم وهنا وحده بعد
شهد بمزح : يع صدق يشينكم
مجدُولين : عاد لا نكذب على بعض ما تزين السواليف الا بالحش
شهد : تفهيمن
جلسوا البنات من سواليف وحش وفضفضه وما زانت هالجلسه الا بالحب و الشاي
_
في المجلس عند الرجال
دخل حمد وهو يناظر صقر ومشاري بطرف عين
مشاري : شفيه اخوك ذا لا اله الا الله
هادي : يارجال خلو الناس بحالها
صقر : لا اخوي ولا اعرفه وجهه وجه واحد كان ميت له أحد
مشاري طش القهوه من فمه وهو يضحك : الله ياخدك ي صقر
الجد بحده : ولد انت وياه
صقر : قوم غير ثوبك لا يقوم عليك جدي ويلعن شكلك
قام مشاري وهو ميت ضحك وراح جهه الحريم
مشاري : يولد طرييق
لطيفه : وهي تسمع صوت مشاري من المطبخ وتنادي على وعد
لطيفه : وعد أضن اخوتس مشاري ينادي براا
وعد : شيبي الحين
وعد : هلا
مشاري : شوفي لي طريق ابي اتروش
وعد : خش ما في احد
دخل مشاري غرفه صقر ياخذ دش سريع
دخلت نجد الغرفه وهي تحسب الي بالحمام صقر
نجد : صقر كلم جدتي برا تبيك وتقول جيب صحون الاكل
مشاري انصدم من الصوت ما يدري هي مين طلع بعد ما حس ان مافي بالغرفه احد وهو حاط المنشفه على خصره وشاف نجد تبخر له ثوبه التفت اول ما حست بيد تمسك خصرها التفتت وانصدمت ان الي بالحمام طلع مشاري مو صقر صرختت وغطى على فمها بيده وهو يقول : هلا بالي ماخذه قلبي لا والله الا ماخذتني كلي
نجد برعب : وش تقول انت وش جابك اصلا هنا وينه صقر
مشاري وهو يتاملها : انتِ الي وش جابتس هنا 
ذابت نجد من شكله وكيف شعره مبلل مويا ونازل على وجهه وكان جميل بس ما خلت الشيطان يلعب عليها ودفت مشاري وما قدرت عليه بكبر حجمه وعرضه
نجد بخوف : خلاص وخر ماني محرمه لك والحين يجي احد ويشوفنا
مشاري : عادي خليهم يشوفونا وش فيها
نجد : صدق انك ما عندك عقل
مشاري :  وانتِ خليتي فيني عقل؟
طلعت نجد وخلت مشاري وهو يفكر فيها وهل اذا طلب يدها بتوافق ولا لا
مشاري وهو يكلم نفسه : ماني بولد يوسف إذا ما خذيتس يا بنت محمد وتحرمين على غيري
مشاري هو يشم ريحتها وريحه عطرها الي فاح بالغرفه وتذكر شكلها وكيف كان الفستان ماسك عليها ومبين جسمها وماسك على خصرها اللي يجذب وشامتها الي تحت مبسمها
مشاري بهمس : لبى خصرتس وشامتس
طلع مشاري بعد ما تروش ولحق الرجال في المجلس جلس بين صقر وهادي دخل سامي وسلم على الرجال سلام خشوم وجلس مع العيال
_
نرجع لنجد شوي
طلعت نجد وهي خايفه تكون احد شافها وهي طالعه من الغرفه انصدمت بعهود الي كانت ورا الجدار الي مقابل الغرفه
عهود بخبث : وش تسوين يحلوه داخل مع مشاري
نجد ارتبكت : ها وش باسوي يعني دخلت توقعت صقر الي داخل وطلع مشاري وطلعت من الغرفه وتطمني ما شافني
عهود : اها ما شافتس اجل اي زين والمره الثانيه انتبهي تدخلين الغرفه ويكون فيها مشاري
نجد : وليه لايكون حاطه عينتس عليه
عهود : مو شغلتس
راحت نجد من عند عهود وهي حاطه يدها على قلبها وخايفه
نجد بخوف : اهخ يارب ما تكون سمعت ولا شافتنا
_
عند الرجال
صقر بحده : بدري كان لا جيت
سامي : يخوي كنت نايم وتعبان من الدوام وراحت علي نومه
دخل عليهم ابو فهد ( سعد )
تعريف بسيط عن عياله
فهد : البكر اهم ما عليه اهله وما يحب يكون مقصر معهم بشي بذلت امه عمره 26
حسين : ما يحب يحتك بأحد واجد وما يعرف من بينهم الا حمد عمره 25
ليالي : نفس اطباع عهود ومحد خربها الا عهود لهدرجه صارت تكره البنات وما تجلس الا مع عهود عمرها 23
لطيفه : ماخذه من اسمها نصيب جدا لطيفه وحبوبه والكل يحبها وعلى نياتها
ابو فهد : السلام عليكم يارجال
الرجال بصوت واحد : وعليكم السلام ورحمة الله
فزو العيال يسلمون عليه سلام خشوم
صقر بحب لفهد : أرحب يعيون اخوك
فهد : البقى
صقر : وينك من وقت ما نقلوك الشرقيه وانت مالك خبر
فهد : اعذرني والله ما صرت أفضى والشغال ماخذ وقتي
صقر : عذرك معك وانا اخوك
صقر أشر لحمد يقوم يصب للرجال قهوه وحمد ما كأنه شايف صقر وفي كل مره يأشر وهو مطنش ابو صقر يراقب صقر وهو يأشر لحمد وكيف حمد مو معطي وجه ويسولف مع حسين
مشاري : خلاص يخوي اشغلتنا انت واخوك انا بقوم اصب
عصب صقر من حركه حمد وتطنشيه له وبدت عورقه تطلع بيده وهذا يدل على عصبيه صقر ولا عصب ما يشوف احد
صقر بعصبيه : حمد الحقني برا ابيك
ابو صقر بهمس : يالله انك تعدي ذا اليوم على خير
طلع حمد لصقر وهو يشوف صقر كيف معصب وخاف من عصبيه صقر قرب حمد من صقر وبأن الطول بينهم والحجم وحمد جنب صقر ولاشي من عرضه وحجمه وطوله والي الكل يخاف من هيئته
حمد : شتبي فكني شرك لا انادي عليك ابوي
صقر وهو يمثل الضحك : وانت مافيك ذره رجوله وتقدر تواجهني ولا بس تتمرجل با ابوي
مسك صقر طرف ثوب حمد : اسمع وقسم بالله وهذاني حلفت ان ما تصير رجال وتقدم لرجال القهوه والشاي لا ادفنك وانت حي وصلك العلم؟
حمد برعب : ابشر
حمد رجع لرجال ولا كأنه صار شي
فهد : حمد وينه صقر
حمد بكراهيه : مدري عنه
فهد لمشاري : ولا كأنهم اخوان سبحان من خلقهم اخوان
مشاري بضحك : اي وربي فرق بينهم
صقر وهو ياخذ الصحون للحريم ولمح وعد من عند الباب تسولف مع ليالي وشافها وانصدم من زينتها والي جذبه اكثر شعرها الطويل الي يلامس خصرها استوعب صقر على نفسه وهو يقول لنفسه : لا يا صقر صد ماهي محرم لك لا ترضاها على خواتك
صقر : يولدد طريققق
دخلوا وعد وليالي بعد ما سمعو صوت صقر
وعد التفت وما لقت الا عهود : عهود صقر ينادي برا وشكله جاب الصحون
عهود : ماني فاضيه له خلي وحده من البنات تطلع له
وعد : قومي البنات مدري وينهم
صدت عهود وراحت لصقر
عهود : شتبي
صقر : امسكي الصحون اقول ودخليها المطبخ
عهود : ما تشوفني كاشخه دخلهم انت ماني ناقصه ريحه الحلم
صقر نزل الصحن من يدهم ومسك فك عهود ويشد عليه: أقول صوتس لا يعلى محد ناقصني في ذا اليوم الا انتِ وحمد امسكي لا اكمل عليتس
دخلت الصحون عهود وهي تتحسب على صقر وكيف يده علمت على خدها
جلسوا البنات سواليف ومن بينهم نجد الي كانت ساكته
استغربو البنات سكوتها
شهدد: نجد وراتس ساكته مو من عواديتس
نجد : لا مافي شي بس تدرين شربت شاي وقهوه كثير وبطني عورني
شهد : محد ضربتس على يدتس وقال لتس اشربي
نجد : يشينتس
المها بحماس : شرايكم نقوم نشغل ونرقص
وعد : جبتيها يلا قوموا نغير جو الطفش ذا الي اكلنا
شهد : قدام
شغلوا البنات اغاني وقامت كل وحده ترقص بحماس ودخلت نجد بينهم وغطت عليهم وهي تتمايل بخصرها وشعرها الي يلعب وكانت ماخذه عيون الكل عليها وتلفت الانتباه
رند بحماس : عشتيييي يبنت محمد
دخلت وعد معها ترقص وكانت فاتنه وتلعب بشعرها بس ما قدرت تغطي على نجد الي كانوا الكل يتكلمون فيها واختلفت الاقاويل يازينها، ما شاء الله، ياحظ من بياخذها،
عهود وهي تهمس لـ ليالي : يع ما بلعت وعد
ليالي : اي شوفيها كيف تتمايل عبالها ماخذه أنظار الكل ما تدري ان محد ملتفت لها
عهود :قومي قومي نرقص ماعلينا منهم
قامت عهود ترقص وليالي وهي تتمايل بجسمها 
نجد بتعب : انا تعبت بجلس
وعد : تعالي لطيفه قامت لطيفه ترقص مع وعد ولأن لطيفه تعرف ترقص ولعبتها الرقص غطت عليهم كلهم وشعرها الي كان طويل ومايل للبُني كان لاعب دوره مع حركاتها وتمايلها
شهد : عشتي يبنت سعد
ارسلت لطيفه بوسات في الهواء لشهد جلسوا البنات بعد تعب ورقص
وعد : اهخ رجولي
نجد بضحك : رجولنا كلنا
رند : قوموا نطلع الحوش الجوو حلوو
نجد : تكفون والله مو قادره امشي
وعد : يلاا يلا قومي بس
طلعوا البنات وهم يتمشون بالحوش واخذتهم السواليف والضحك وما حسوا بنفسهم من السوالف الا قد وصلوا جهه الرجال
مها : خلاص خلونا نكمل ترا مافي احد
رند : اقول امشوا نرجع لا تودونا بداهيه
شهد : خوافه تقولتس مافيه احد الي تبي ترجع ترجع لوحدها
دخلوا مجلس الرجال وشافوا كيف مكركب
مجدُولين : يع ليه كذا فوضه
نجد : حبيبتي تراتس بمجلس رجال وش تتوقعين اكيد بيصير فوضى
وعد : بناتتت شوفوا بلاستيشن
شهد : الله يلا ناخذه نلعب فكوا الأسلاك من التلفزيون
رند : بنات ترا بيجي صقر ويلعن خيركم امشوا بلا مشاكل
شهد : رند والله لو ما تمسكين لسانتس ازعجتنا ما تشوفين المجلس فاضي
بدو البنات يفكون البلاستيشن من التلفزيون الا ويسمعون صوت العيال جاين جهتهم و داخلين المجلس دخل صقر انصدم اول ما شافهم صقر بحده : وش تسون هنا ها
خافوا البنات من نبره صقر ومن هيئته الي كان فعلا شكله يخوف
نجد : كنا نمشي بالحوش و طلعنا برا لان ما كان فيه احد