احببتُها وانا جاهل بدروب المُحبين

البارت-21

وبعـد مرور فتره زمنية بسيطة والتي كانت مُدتها ما يُقارب ثلاثة أشهر تُغـرد كُل مخلوقات ربي في هـذا الـصباح بعـد رُجوع علاقـه صقر بـ أهله وعزوته وناسه والتي كان صابر فيها لمـده الـ ١٥ سنه كان يُكافح قّـد ما أوتي من قوة و صبر بـ إصلاح علاقته بـ أُمه و أبوه والحـمدلله تحسنت علاقة بطلنا مع أهله وحالياً يعيش حياة كامله من الحُب والرغد والراحـه والإشراق وأمـا عن الشخصيات الباقية فـ منهم من عاش حياته بكُل حُب و سّـعادة و منهم من كان يُلامس سعادته بـ الانتقام والحقد والحـسّد على الآخرين وأقبلـت بنت الديرة بخروجها من المُستشفى ولله الحـمد
-
في الغرفه عند فلاح وثُريا الساعه٣ص
قامت ثُريا وهي تحس بدوخه ولا هي قادره توقف على رجولها قامت عند المغسله وهي تستفرغ رجعت كُل الاكل الي اكلته راحت للغرفه وهي تصحي فلاح وهي ماسكه على فمها
ثُريا : فلاحح قوووم
قام ظافر وهو يهمهم والنوم بعيونه : ها شفيك
ثُريا وهي تسحب اللحاف : فلاح قوم بسرعه تعبانه واحس بدوخه قوم ودني المُستشفى
فلاح : طيب طيب يلا قايم
قام فلاح وبدل ملابسه وركب سيارته وانطلق متجهه للمُستشفى
دخلت ثُريا للغرفه وجلس ظافر بصاله الانتظار طلعت الدكتوره وقالت انت زوج ثُريا ؟
فلاح : اي انا زوجها طمنيني عنها ؟
ابتسمت الدكتوره وقالت : مافيها شي الحمدلله و مبروك زوجتك حامل
ابتسم فلاح بحُب دخل الغرفه عند ثُريا وهو يضحك ومبتسم بنفس الوقت قرب لها وهو يحضنها : ياربي لك الحمد والشكر يالله وبصير اب مره ثانيه !!
ضحك ثُريا وقالت : اييي بتصير اب مره ثانيه
سجد فلاح شكر لله وهو فرحان ومبسوط وكانه اول مره يصبر اب مو مصدق ان بجيبه نونو ثاني رجع فلاح لـ ثُريا وهو يبوسها جنب منطوقها اخذ يدها وحطها على صدره وقال بكُل حنيه: ياكثر الحُب الي بقلبي لك يا ثُريا لو اعبر لك عن حُبي لك ماراح اوفي
ابتسمت ثُريا حُب لـ فلاح وهي تحس انها ملكت الدنيا كلها اخذت احن زوج ، ناظرت بعيونه وقالت : جعلني ما افقد وجودك معي ولا افقد حسك
فلاح : ولا افقدك يـ كل دنيتي انتِ
نزل لـ بطنها وحط يده على بطنها وقال : وانت متى بتطلع يـ النونو؟
ضحكت ثُريا وقالت : توي بثاني شهر لا تستعجل عليه
فلاح : ان شاء الله لو كانت بنت نسميها ضياء واذا كان ولد نسميه رويد
ابتسمت ثُريا وقالت : ان شاء الله
-
عند شهد وظافر
شهد الي كانت بالغرفه ترتبها دخل عليها ظافر وقال : شوشو
لفت عليه شهد وقالت : لبيه عيوني
تقدم لها ظافر ومسك خصرها وقال : تجهزي طيارتنا بُكره 
لفت شهد عليه باستغراب ونطقت : طيارتنا !!
ابتسم ظافر وقال : اي طيارتنا مو قلت بعوضتس وراح نرجع نسافر ونعتمر مع بعض حجزت الطياره وان شاء الله بُكره وحنا في مكه
شهد بصدمه : وليه ما قلت لي !!
ضحك ظافر وقال : كنت بخليها لتس مُفاجاءه
ضربته شهد بخفه واتجهت للدولاب وهي تطلع ملابسها وقالت : مُفاجاءه حلوه بس ما تقولي قبلها بيوم !!
ضحك ظافر وقال : يمدي تتجهزي
كملت شهد تتجهز وظافر الي يساعدها و جالس يسمع حلطمتها عليه وتهاوشه بسبب انهُ تو قال لها
-
على العصريه عند صقر والجده بالحوش
صقر الي كان جالس على رجولها والجده تمسح على راسه وتسولف عليه وحوالينهم بنات ام حمد دخل الجد وهو يحمحم فز صقر وعدل جلسته وعدل شماغه الي كان على كتفه
الجد : السلام عليكم
الكُل : وعليكم السلام
الجد : صبي صبي القهوه
رند : ابشر
اخذ الجد الفنجال وهو يتقهوى نزل فنجاله ونطق موجهه كلامه لـ صقر : شكيت على العزبه والحلال ؟
صقر : اي كل شيي شفته وشكيت عليه
الجد : اي زين
الجده : نجد جيبي التمر بالمطبخ
نجد : ابشري
الجد : ما دريتي
الجده : عسى خير ايش
الجد : ابو متعب بيهجر الديره هو واهله
الجده : الله يستر عليهم
صقر : ابرك من ساعه ما شفنا منهم خير
الجد بحده : ولد وش ذا الحكيي عيب استح
صقر : هذا الصدق والله
زفرت عهود براحه وهي الخوف كان متملكها من الي صار لها مع متعب وتخاف الخبر يوصل لاخوانها واهلها
دخل حمد ونطق : السلام عليكم
الكُل : وعليكم السلام
صقر : حياك اقلط
حمد : متجمعين شعندكم
ضحكت نجد وقالت : كنا نحش فيك
جلس حمد بينهم وقال : فداكم ذنوبي
الجد : ياكثر ذنوبك اجلس اجلس محد يبيها
ضحك حمد وقال : حرام عليك ياجد وش عرفك انها كثيره وانا كليوم اصلي واستغفر وأعبد ربي
الجده : ماهو يعني تصلي وتستغفر ماعندك ذنوب
الجد لـ صقر بجديه : إن كانك تبي بِنت سُعاد اخذ امك وابوك وجدتك وروح اخطبها من بيت اهلها
لف صقر عليه بقوه وهو مو مصدق الي قاعد يسمعه ولا مصدق ان هالكلام يطلع من الجد : صادق !!!
ضرب الجد صقر بالعصا ونطق : لا كذاب ايي صادق وشوله اكذب بالامور هذي
حط صقر يده على الضربه بألم ، ضحك وقال : لا بس ماني مصدق
الكُل ابتسم بفرح واخيييرًا بعد عناء صقر راح يخطب وعد الكُل انبسط له ، ابتسم صقر بفرح وهو طاير من الوناسه فز وهو يبوس راس الجد وقال : الله يخليك لنا
قام الجد للغرفه وصقر الي فز من مكانه يرقص ولا هو عارف شلون يعبر عن وناسته فز معهُ حمد وهو يرقصون مع بعض والكُل مبسوط على هالخبر
ضحكت نجد وقالت : محد يلومك والله
ابتسمت الجده وقالت : اسجد لـ ربك شُكر لله وقول الحمدلله الي كتبها من نصيبك
وفعلاً سجد صقر شُكر لله وهو يكرر : يارب لك الحمد يارب لك الحمد
مسكهُ حمد وقال : قوم قوم نكمل نرقص
عجبه حمد الوضوع وقام يرقص معه صقر والبنات الي يصفقون والجده تغني لهم
دخل عليهم ابو صقر وقال : وش المناسبه
مد صقر يده لـ ابو صقر وقال : تعال تعال يبه
مسك ابو صقر يده وقام يرقص معهم ولا هو عارف وش السبب دخل معهم يشاركهم فرحتهم
طلع الجد وهو يضحك وقال : وش بلاكم استخفيتوا؟
ابتسمت الجده وقالت : خلهم ينبسطون ويرقصون على راحتهم
ضحك الجد وقال : قلنا العيال بزارين اما محمد وش نقول عنه
ضحكوا الكُل وجلس ابو صقر وقال : وش مناسبه هالردح والرقص
ابتسمت الجده وقالت : بنخطب وعد لـ صقر
ابتسمت ابو صقر وقال : نقدر نقول انتصر الحُب ؟
ضحك صقر وقال : اي خلاص الحمدلله
ضحك ابو صقر وقال : مبروووكك ممبروكك الله يجمعكم على خير يارب
ابتسم صقر وقال : امين يارب
-
عند ظافر وشهد
شهد وظافر الي كانوا يطوفون وظافر الي كان ماسك يد شهد وشاد عليها بقوه وقفت شهد وقالت : تعبت ظافر ما عاد اقدر برتاح شوي
ظافر : طيب تعالي نريح شوي
جلسوا يرتاحون وظافر الي راح يجيب لـ شهد مويا عطاها المويا واخذت شهد تشرب وهي تتنفس بقوه من زود التعب ، رجعوا يكملون طوافهم ، خلصوا طواف وراحت شهد تتوضى عشان تصلي لفت على العجوز الي كانت جنبها وهي تسمعها تدعي وهي تبكي وتردد تقول : يارب تفرج اسره يالله يارب ترده لي سالم يارب
بكت شهد لا شعوريًا من سمعت دعواتها وهي تبكي بقهر تقدمت لها وهي تحضنها وتطبطب عليها
العجوز ببكاء : ادعي ان ربي يريح قلبي واقدر اشوف ولدي قبل الله لا ياخذ عُمري
بعدت شهد عنها وقالت : الله يريح قلبتس يـ خاله والله يفرج اسره
العجوز بدموع : الله يسمع منك يارب ولدي مسجون من ٣ سنوات ولا قد شفته
رجعت ضمتها شهد وقالت : الله يفك اسره يـ خاله ويفرجها عليه يارب ويرده لك
العجوز : اللهم امين
باست شهد راسها ورجعت لـ ظافر الي كان ينتظرها تقدم لها ظافر وقال : شفيه وجهتس !!
مسحت شهد دموعها وقالت : في حُرمه كبيره بالسن كانت تدعي وهي تبكي قطعت قلبي من دعواتها ولا قدرت امسك دموعي
ابتسم ظافر وهو يمسح دموعها وقال : الله يحقق مُناها
مسكت شهد يد ظافر وقالت : امين وللجميع يارب
خلصوا عمرتهم ورجعوا للفندق وهم منهلكين تعب جلست شهد على السرير وهو تهمز رجولها بتعب وهي مو قادره تمشي عليها من زود التعب جاء ظافر وقال : تعالي لـ صاله حطيت مويا في صحن حطي رجولتس فيها بيخف الألم
شهد بألم : والله ما عاد فيني حيل اقوم مره متكسره
تقدم ظافر لها وقال : انا اشيلتس
ضحكت شهد وقالت : شيلني والله بتسوي فيني خير
شالها ظافر و ودها للصاله شغل التلفزيون وهو يتفرج التفت على شهد الي نامت ابتسم وهو يحط راسها على كتفه وكمل يتفرج
-
اليوم الثاني بدون اي احداث جديده
عند صقر
صقر الي كان نايم وهذي المره الجده ناديه الي صحته قام يتوضى ويلحق على الصلاه قابل مشاري على طريقه تقدم له وهو يسلم عليه وقال : دام شفتك اكيد يومي بيكون حلو
مشاري بكُل ثقه : ما جبت شي جديد ادري اصلا و المفروض تحمد ربك على وجودي
ضربه صقر بخفه وقال : اقول اسكت وامش نفطر جدتي مسويه فطور يحبه قلبك
مشاري : والله اني جوعان امش امش يلا
جاء حمد وقال : كاني سمعت السالفه فيها فطور
ضحك مشاري وقال : خذلك جاء الي ما يجي الا بوقت الاكل
ضحك صقر وقال : اي والله
حمد : وفي شي احسن من الاكل ؟
مر من عندهم ابو هادي وقال : صبحكم الله بالخير
العيال : صبحك الله بالنور يا عم
كمل طريقه ابو هادي والعيال الي راجعين للبيت شافوا ابو متعب الي كان يقش عفشه وقفوا عنده العيال وقال صقر : تروح وترد بالسلامه يبو متعب بنفقد وجودك معنا والله
ابو متعب : افلح افلح من هنا ماني براد لكم بهج عنكم
مشاري بهمس : بلا رده ان شاء الله
ضحك صقر وتقدم لـ ابو متعب وهو يبوس راسه وقال : سامحنا يبو متعب إن اخطينا عليك او غلطنا حنا بالاخير نكون اهل واحباب وفي ديره وحده وما ينفع نكون شايلبن بقلوبنا على يعض
ابتسم ابو متعب من كلام صقر الي ما توقع يطلع منه وقال : جعل والدينك الجنه 
جاء الجد وابو فلاح ، قال الجد : ناوي على الهجره يبو متعب
ابو متعب : اي والله يا سالم خلاص
ابو فلاح : شلون تبي تترك اهلك وناسك واحبابك شلون بتقوى على هجرهم
ابتسم ابو متعب ونطق : مثل ما انت هجرتها وابو عبد العزيز كُلنا بيكون هذا مصيرنا
ابتسم ابو فلاح ونطق : اجل بحفظ الرحمن
ابو متعب : ودعناكم الله 
شال ابو متعب كُل اغراضهُ ونطق : يلا يلا يا حريم
طلعت أُم متعب و انتصار ركبوا السياره بعد ما ودعوهم أهل الديره وانطلقوا
-
في الحوش
دخل صقر ومشاري وحمد للبيت شافوا جدتهم الي كانت بالحوش تنتظرهم على الفطور جلسوا وجلس مشاري جنبها ومسك يدها وباسها والي كان فيها حناء ونطق : وش ذا الزين يا جده وش ذا الحناء الي محلي يدينتس
ضربه صقر بمزح وقال : اقول وخر لا تحتك بـ أُمي
ضحك مشاري وقال : صارت أُمك لحالك
صقر : اي
ضحكت الجده وقالت : انا أُمكم وجدتكُم كُلكم
زفر حمد وقال : طيب وش صار على الفطور ؟
صقر : للحين جدي ما جاء اصبر حتى يجي ونفطر سوا
حمد : يارب ما يطول عاد ميت جوع
ضحك صقر ونطق : وراه ما افطرت عند عمتي ليلى
حمد : اشتهيت فطور من يدين جدتي ناديه جعل يدينها ما تمسها النار
الجده : كُل ما اشتهيت اكل من يديني تعال عندي
قام حمد وهو يبوس راسها وقال : ابشري كليوم بتشوفيني عندتس
صقر : اقول لا تصدق نفسك بس لا اشوفك توطوط عند البيت حش رجولك
ضحك مشاري وقال : بتلقاه كُليوم عندك تعرف حمد مافي شي يسد جوعه
دخل الجد وهو يحمحم سكتوا الكُل وهم دايم تعاملهم مع جدتهم غير عن جدهم الي له هيبته بالبيت
جلس الجد ونطق : ما شاء الله مشاري عندنا
ابتسم مشاري ونطق : اي قلت اسير على جدتي واتطمن عليها
الجد بمزح : وما ماعندك جد تسير عليه وتعرف اخباره وتطمن
ضحك مشاري بخفه وقال : كُليوم وانا شايفك ودامك بصحه وعافيه هذا اهم شي
ابتسم الجد وقال : مُدو يدينكم وقولوا بسم الله
الكُل : بسم الله
بدأ الكُل يفطر بكُل هدوء
-
عند شهد وظافر 
الي كانوا يتمشون في مُنتزهات مكه وحدايقها وأماكنها الجميلة والرايقة ، في مكان " روائع المرح " ماسكين يد بعض والحُب مالي قلوبهم ، و يشوفون الاطفال الي يركضون ويلعبون جلسوا في زواية وهم يناظرون الناس رايحه والجايه ، والمكان الي كان يُعج بصوت الاطفال
ناظرت شهد في الام الي كانت تلعب ولدها مسكت ذراع ظافر وهي تبتسم ونطقت : شوف ظافر هالأُم و بنتها قاعدين يلعبون مع بعض اشكالهم مره حلوه
ناظر فيها ظافر وقال : الله يحفظها
جات بنت تركض ومسكت في طرف عبايه شهد وصارت تقول : ماما
ضحكت شهد بفرح وقالت : يعمريي انا مو ماما
البنت بخوف وصارت تبكي: وينها ماما !
حضنت شهد البنت عشان تهدأ و تحس بالامان معها ناظرت شهد فيها وقالت : وينها ماما؟
البنت ببكاء : مدري
ظافر : في احد يترك بنته كذا ويروح !!
شهد : يمكن ما انتبهو لها
تساوى ظافر مع طولها وقال : تعالي يا بابا اجلسي هنا ولما بابا يشوفك بيحي ياخذك
البنت بخوف : لا ابغا ماما
مسكت شهد يدها وقالت : طيب وش اسمتس انتِ يا حلوه؟
البنت : سِهام
باستها شهد ونطقت : اسمتس مرره حلوه
ابتسمت البنت بخفه وقال ظافر : هذا هو جاء ابوها
التفتت شهد عليه وفعلاً طلع ابوها تقدم لهم وركضت البنت بفرح وقالت : بابا !
حضنها وقال : وين رحتي كنت ادور عليك
تقدم الاب لهم وابتسم لـ ظافر وقال : الله يعطيك العافيه والله لهيت شوي عن البنت وما عاد شفتها حولي وقمت ادور عليها والحمدلله لقيتها
ابتسم ظافر وهو يصافحه وقال : الحمدلله الي لقيتها والله يخليها لك
ابتسم الاب وقال : امين يارب
راح الاب وجلس ظافر وشهد الي يتمشون بالمكان
-
عند صقر
دخل صقر وشاف جدته اللي جالسه بالحوش : مسيتي بالخير يبعد الدنيا
ابتسمت الجده وقالت : مساك الله بالعافية
جلس صقر جنبها وقالت الجده : اليوم باذن الله بعد المغرب بنروح لـ بيت عمتك سُعاد ونخطب وعد
ابتسم صقر بفرح وهو يحس ان قلبه ارتاح اخيرا وراح يخطب البنت الي يحبها من سنين
ابتسم صقر وقال : ان شاء الله
دخل مشاري وهتان و عبد العزير وحمد وقالوا : السلام عليكم
الجده وصقر : وعليكم السلام
ابتسمت الجده وقالت : ارحبوا تراحيب المطر
ابتسم عبد العزيز وتقدم لها وباس راسها وقال : جعل من يرحب يبقى
ابتسم بخفه وقال : قرب قرب ، بيجي اليوم الي ترقصون فيه بزواجي
ضحك هتان ونطق : اااووووه اخيييييرًا ما بغيت يا شيخ
ابتسم مشاري وقال : ايييي والله اخيرًا
ابتسم صقر موجهه كلام لـ مشاري ونطق : شرايك نحط زواجنا بليله وحده
اعجبته الفكره مشاري وقال بدون تردد : تمم
الجده : وفي وحده براسك ولا تبي سُعاد تختارها لك
ابتسم مشاري باحراج وقال : دام صقر اخذ اختنا وانا ناوي اخذ اختهم نجد
حمد : هييي لا تنطق اسم محارمنا قدام الرياجيل
هتان : مسوي الرجل الغيور اقول انطم بس
ضحك صقر وقال : وهو الصادق لا يقول اسم محارمنا
الجده : زين ما اخترت كُلهم بنات عيالي فيهم الخير والبركه بس نجد غير عنهم
ابتسم مشاري وقال بصوت هامس : انشهد اني محظوظ
ضحك صقر وغمز لـ مشاري وقال : كأني سمعتك
ضربه مشاري ونطق : اسكت احسن لك
دخل الجد والي كان معه ابو علي : جيبو القهوه والتمر دخلوا المجلس ودخلت ام علي عند الجده وشافت العيال جالسين مع الجده
ابتسمت وقالت : السلام عليكم
الكُل : وعليكم السلام
الجده : اقلطي اقلطي حياتس
هتان : وينتس يا أُم علي ما عاد نشوفتس
صقر : اي والله ولا عاد تسيرين على جدتي ولا عاد نشوفتس بالحاره
أُم علي : طايحه بالفراش لي يومين ولا قدرت اقوم والحمدلله الي عافاني
الجده : سلامتس يا أُم علي اعذريني لا جيت عندتس ولا سيرت عليتس
أُم علي : معذوره ، وانا ابي اطلع من البيت ابي اشوف الناس والله من يوم ما تعبت وانا لا اطلع وقلت دامني تعافيت الحمدلله قلت اسير عليتس واشوف اخبارتس
الجده : ما تقصرين والله لو ما تجيني كان الحين انا لحالي ولا احد يدخل عندي غير هالعيال
أُم علي : عيال عيالتس ما يقصرون معتس وما اجي الا وهم عندتس
ابتسمت الجده وقالت : وانتِ الصادقه
الجد بعصبيه : قم قامت قيامتك انت وياه وشوله تتسمعون لـ سواليف الحريم قوموا جيبوا القهوه والتمر بسرعهه
فز العيال للمطبخ يسون القهوه والشاهي وأُم علي ماتت عليهم ضحك
-
في المطبخ عند العيال
صقر : شلون نسوي القهوه !!
حمد : انا اعرف احط التمر بس
هتان : تسلم رجلك قصرت صراحه
عبد العزيز : وخروا انا اعرف اسوي الشاهي جيبو السكر واللبتون
صقر : حمد طير بالتمر للمجلس بسرعه وعزوز يسوي الشاهي وبنادي أُمي تسوي القهوه
حمد : زين
طار حمد بالتمر للمجلس وراح صقر للجده ونطق : أنقذينا ما نعرف شلون نسوي القهوه
ضحكت الجده وقالت : امش امش معي للمطبخ
قامت الجده تسوي القهوه ومعها صقر ، خلص عبد العزيز من الشاهي وراح فيه للمجلس وسوت الجده القهوه وعطت صقر وطار صقر فيه للمجلس وقام يصب للضيوف
صقر لـ الجد : تفضل
الجد : صب لضيوفنا اول
صقر : ابشر
صقر لـ ابو علي : تفضل
أبو علي : تسلم ، زاد فضلك
دخل ابو هادي وابو صقر ومشاري  : السلام عليكم
الكُل : وعليكم السلام
ابو هادي : شلونك يبو علي
ابو علي : بخير شلونك انت
ابو هادي : على ما تحب
مشاري لـ صقر بهمس : شفيه وجهكم مصفر واضح تكفختوا من جدي
صقر : تكفى اسكت كان شوي ويغسل شراعنا
ضحك مشاري وقال : ليه وش مسوين
صقر : كنا ناخذ علوم أُم علي وهو يحسب اننا نسمع لـ سواليف جدتي وأُم علي
طرطش مشاري القهوه والتفت عليهم الجد وقال : وش بلاك انت !!
صقر بكذب : التمره نشبت بحلقه
ضحك هتان وقال : والله ما نشبت الا من زود الضحك
اخذ صقر يضرب بظهر مشاري وهو ماسك الضحكه
ضحك عبد العزيز وهو مو قادر يوقف ضحك من مشاري وصقر شال نفسه وطلع ولحقه حمد وشوي لحقوا العيال كُلهم طاحوا ضحك على مشاري
حط مشاري يدُه على صدره وهو يكح وقال : حسيبكم ربي قلبي بغى يوقف من الضحك
حمد : الله ينكبكم
ضحك عبد العزيز وقال : يويلنا من جدي وش بيقولون عنا الضيوف
صقر : معليك مافي الا ابو علي ونمون عليه وماراح يقول شي
طلع الجد من المجلس ومعه ابو علي وهو يحمحم
اخذ مشاري شماغُه الي كان على الجدار وحطه على راسه وصقر الي عدل شماغُه الي حاطه على كتفه
ابو علي : يلا يا مره
صقر : وين يبو علي بدري
ابو علي : زياره خفيفه والايام واجد بنجيكم بإذن الله
-
في الحوش عند الجده وأُم علي
الجده : وين يا أُم علي اجلسي تونا باول الليل 
أم علي : البيت يطلب اهله يا ناديه
الجده : اجل لا تقطعيني وزوريني
أُم علي : ان شاء الله
الجده : ودعناتس الله
أُم علي : مع السلامه
-
بعد العشاء في بيت أُم مشاري
أُم مشاري الي كانت جالسه بالصاله وحوالينها البنات يتقهون معها : اليوم جاين ضيوف
وعد : من الضيوف ؟
أُم مشاري : صقر واهله جاين يخطبونتس  لولدهم
وعد الي ما كانت تدري عن هالموضوع ولا جاء بالها حتى وتحسب إن صقر راح يقولها
وعد : من قالتس يمه
أُم مشاري : جدتس قالت شلون ما تدرين نجد ما قالت لتس ؟
وعد : لا يمه ما قالت لي
أُم مشاري : اجل قومي زهبي نفستس قبل لا يجون
مها : والله وعرسوا بنات سُعاد
أُم مشاري : يلا عقبالتس ان شاء الله
مها : لا يمه خليني عندتس
قاطعهم اتصال شهد اخذت وعد الجوال وفتحت سبيكر وقالت : هلا والله بالقاطعه لا تدقين ولا تسالين بس تزوجتي ونسيتي ان عندتس اهل
ضحكت شهد وقالت : نساكم الموت لا والله ما نسيتكم بس لهيت مع ظافر وطلعاتنا
أُم مشاري : معليتس منها قولي لي شلونتس شلون ظافر
شهد : الحمدلله بخير ، شلونتس انتِ شلون البنات
أُم مشاري : الحمدلله كُلنا بخير
شهد : عطيني وعد ومها وحشوني والله
وعد : اسمعتس
ضحكت شهد وقالت : شلون البنات وحشوني وحشتني الديره بموت ما عجبتني المُدن ما جازت لي
وعد : غيري شوي من الديره
شهد : اهخ عجزت اقنع ظافر نرجع الديره
ضحكت مها وقالت : بتشبعين منها انبسطي واستانسي
وعد : عاد لا اوصيتس احضري ملكتي وزواجي
شهقت شهد وقالت : انخطبتي !!!
ضحكت وعد وقالت : ايي ايي
شهد بصدمه : مينن !!!
وعد : صقر
شهد : اسالتس بالله صقر ما غيره ولد خالي محمد !!!
ماتت وعد ضحك وقالت : ايي اي صقر ولد خالي محمد
شهد : وافقتي !
وعد : اكيد بوافق لو انهُ غير صقر ما وافقت
أُم مشاري : بنت وش ذا الكلام
ضحكت شهد ونطقت : ععشناا والله
وعد : يلا يلا خليني اروح اتجهز
شهد : علميني بعدين وش يصير
ضحكت وعد وقالت : طيب
قفلت وعد من شهد وراحت تتجهز
-
عند شهد وظافر
ظافر الي كان بـ دورة المياه وشهد الي ترتب الاغراض عشان يمشون لـ ديره رتبت الاغراض وقفلت الشنطه ، طلع ظافر من دورة المياه لف على شهد وقال : خلصتي؟
شهد : باقي لي كم غرض اخذه وخلاص
تقدم ظافر لها ومسك خصرها وشد عليه بقوه حط رقبته على عُنقها وهو يستنشق ريحه عطرها لفت عليه شهد بابتسامها وحست انها بتستفرغ دفت ظافر بخفه وراحت تركض للمغسله وهي تحس بلوعه وغثيان راح وراها ظافر وقال : وشفيتس !!
شهد : مدري احس بستفرغ
ظافر : لا يكون حامل !!
شهد : يويليي شكل صدق حامل !
راح ظافر ركض للغرفه وهو ياخذ مُحلل الحمل ويعطي شهد
ضحكت شهد وقالت : شفيك مشتط يمكن مو حامل يمكن تسمم او شي ثاني
ظافر : جربي مو خسارنه شي
اخذت شهد المُحلل وحللت طلعت من دورة المياه وظافر الي كان ينتظرها بالغرفه ناظرها فيها وقال : خطين !!
شهد : لا
زفر ظافر بضيق وقال : يلا معليه الحمدلله
تقدم له شهد ومسكت يده وقالت : خطين
ظافر : سالتس بالله ؟!!
ضحكت شهد ونطقت : والله خطين
قام ظافر من مكانه وهو فرحان وطاير من الوناسه شال شهد وهو يدور فيها بالغرفه من الفرحه ، ضحكت شهد وقالت : بالاول نروح المُستشفى نحلل ونتاكد
ظافر : تمم البسي عبايتس
ضحكت شهد وقالت : الحين !!
ظافر باستعجال : ايي الحين يلا البسي عبايتس
راحت شهد تلبس عبايتها وظافر الي كان ينتظرها بالسياره ركبت السياره ومسك يدها ظافر وهو فرحان انهُ راح بيصير اب
-
عند الجده وصقر
لبست الجده عبايتها وراحت لـ غرفه صقر وقالت: يلا يا وليدي تاخرنا على الناس
صقر الي كان للحين يلبس ويكشخ ويضبط شماغُه لبس ساعته وحط العطر وهو مو سايعته الفرحه لف على الجده وقال وقال : يلا هذاني جيت
طلع صقر والجده وركبوا السياره
لفت الجده على صقر ونطقت : ابوك بيحي معنا ؟
صقر : لا بيروح بسيارته وحنا بنمر أُمي وناخذها معنا
الجده : توكلنا على الله
انطلقوا الجده وصقر لـ بيت أُم صقر
-
في المُستشفى
الدكتوره الي بعد ما كشفت على شهد وطلعت فعلاً حامل طلعت من الغرفه وشافت ظافر الي كان منتظر بأحد الكراسي
لفت عليه وقالت : انت زوج شهد ؟
ظافر : اي انا بشري حامل ؟
ابتسمت الدكتوره وقالت : اي شهد حامل ومبروكك
ابتسم ظافر وقال : اللهم لك حمد يارب ، الله يبارك فيك
دخل ظافر الغرفه بدون ما يستاذن من الدكتوره اذا يقدر يدخل او لا ، دخل وهو مبتسم وطاير من الوناسه تقدم لـ شهد وهو يحضنها وقال : ممبروكك يا أُم عيالي
ضحكت شهد من رده فعله وهي بعد كانت مبسوطه انها حامل ومبسوطه على رده فعل ظافر : الله يبارك فيك
سجد ظافر شكر لله وحمد له
، حط يده على بطن شهد وقال : ياروح بابا
شهد : من الحين ياروح بابا !! وين الي كان يقولي ياروح ظافر
ضحك ظافر وقال : بتبقين روح وقلب ظافر
ابتسمت شهد حُب لـ ظافر والي كانت تشوف نفسها إنها جدًا محظوظه بـ ظافر والحُب الي يحمله بقلبه لها
-
في بيت أُم مشاري " في غرفه البنات "
لبست وعد وراحت للتسريحه وهي تحط شوي ميكب لبست فستانها الي كان شبه هادي اخذت الاسواره الي كانت هديه من ابوها لبستها وحطت اخر لمساتها العطر طلعت لمجلس الحريم وهي تشيك عليه رجعت لـ مجلس الرجال وهي تشوف كُل شي مرتب
ابتسمت وعد وقالت : اخيييرا ياربييي
اخذت تدور في مكانها وهي طايره من الوناسه سمعت صوت مشاري الي كان يرحب بالضيوف طلعت من المجلس ركض للغرفه عدلت نفسها بسرعه وطلعت للحريم
-
في المجلس عند الرجال
ابو صقر : اكيد عارف سبب جيتنا يا مشاري ما يحتاج نقول اسمع العلم وانا خالك جيناكم نبي نخطب أُختك وعد لـ ولدي صقر وان شاء الله انكم ما تردونا
ابتسم مشاري بخفه وناظر في صقر وقال : نتشرف فيكم والله يا خال وماراح نلقي زي صقر لـ بنتنا وان ربي كتب ابد والله انها له
ابو صقر : الشرف لي يوم اننا ناخذ وحده منكم وروح اسالها وشاورها ورد لنا خبر
مشاري : ابشر
طلع مشاري من المجلس واتجهه لـ مجلس الحريم وهو ينادي : وععدد
طلعت وعد وهي بكامل زينتها واناقتها : لبيه
مشاري : وش ذا الزين هذا كُله حق صقر انشهد انهُ محظوظ
ابتسمت وعد بخجل وكمل مشاري كلامه يقول : موافقه على صقر ؟
وعد بحيا : شوري من شوركم
مشاري بمزح : اجل خلاص ماراح اوافق عليه
شهقت وعد وقالت : ليييييه !!
ضحك مشاري ونطق : نمزح يالخبله ولا في احد يضيع صقيير
زفرت وعد براحه وابتسمت بهدوء ورجعت للمجلس الحريم ورجع مشاري للمجلس و بشرهم بـ مرافقة وعد
-
عند الحريم " في المجلس "
أُم صقر : ما قلتي يا سُعاد متى تبون الزواج
أُم مشاري : بعد ثلاث اسابيع والملكه بعد يومين وخير البر عاجله
أُم صقر : لا نقص عروستنا شي احنا حاضرين
ابتسمت وعد وقالت : ما تقصرين يا خاله
أُم مشاري : ما تقصرون يا أُم صقر
-
في المجلس
دخل مشاري وقال : موافقه يا خال
زفر صقر براحه ابتسم بمُجرد ما قال مشاري موافقه ما كان مبتسم لان وعد وافقت كان يعرف إنها بتوافق ومستحيل إنها ترفضه ابتسم بفرحه وانتصار اخييرًا قدر ياخذ محبوبته الي حبها من سنين والي عانى مع جده عشان ياخذها التفت على مشاري وهو يبتسم رجع ناظر في ابو صقر الي قال : اجل على بركه الله والحريم بـ بيتشاورون على الملكه و الزواج
طلع ابو صقر سيارته وراح وبقي صقر وحمد الي ينتظرون الحريم داخل
ضحك مشاري وقال : مبسوط يالوصخ
ضحكت صقر بفرح وقال : احس قلبي شوي ويطير
حمد : يحق لك
حط صقر يدُه على قلبه وقال : يويييل امهاا صدق كيف خذت قلبي
ضحك مشاري وقال : اصحى يالنسيب
صقر : شتبي انت زوجتي
ضحك مشاري وقال : ما تصير زوجتك الا لما تعطيني الي ابيه
غمز صقر وقال : وش تبي
قرب مشاري من صقر وقال بصوت شبه مسموع : اختك
ناظر فيه صقر وقال : عاد ان وافقت عليك يصير خير وقتها
ناظر مشاري في نفسه لـ ثواني وقال : وليه ما توافق ان شاء الله !
صقر : محد قال ماراح توافق اقول ممكن ما توافق
مشاري : هي بتوافق بس انت لا تعبي براسها
ضحك صقر وقال : ابشر
التفت صقر على الباب وشاف خيال شخص عرف انها وعد و الي كانت تسمع سواليف ابتسم بحُب ورجع التفت على مشاري وحمد وقال : اسمعوا هالقصيده
رفع صوته بحُكم تسمعه وعد ، يقول فيها :