احببتُها وانا جاهل بدروب المُحبين

البارت - 4

رجعت ارياف غرفتها بعد تهديد عبد العزيز لها وغيرت عبايتها ولبست عبايه سودا ورجعت ركبت السياره
ابو عبد العزيز : يلا جاهزين
هتان بحماس : ايي ايي
ابو عبد العزيز بضحك : محد مستانس غير هتان
هتان : اي والله من زمان مو شايف العيال
ابو عبد العزيز : يلا الحين نروح لهم وتستانس وتنبسط معهم
التفت هتان لارياف الي كانت ساكته وتناظر بالطريق
هتان : ريوفي شفيتس ساكته
ارياف بضيق : مافيني شي
ابو عبد العزيز : شفيتس ياعين ابوتس من مضيق خاطرتس
ارياف : في غيره عزوز
ابو عبد العزيز : افاا يخسي عزوز يزعلتس وانا موجود
عبد العزيز : بنتك تبي تروح بعبايه ملونه
ابو عبد العزيز بتفهم : انتِ تدرين ان اعمامتس وجدتس ما هم من عوايدهم يشوفون البنت لابسه كذا وماراح يرضون
ارياف : ايي اعرف
انطلقوا للديره بعد هواش عبد العزيز و ارياف
-
عند صقر
الي للحين ما صحي
الجد بعصبيه : وينه ذا الي ما يتسمى
الجده : للحين نايم من امس
راح الجد يدق على غرفه صقر : صقرر يا صقرررر
فز صقر من نومه على صوته جده وضربه على الباب
صقر : سم
الجد : قووم يلا نلحق الصلاه
صقر : ابشر اسبقني وانا جايك الحين
الجد : خلني اروح وترجع ترقد بكسر العصاه على ظهرك سامع
وكانت هذي عوايد صقر يخلي جده يروح للمسجد ويرجع ينام
صقر : الحين لاحقك
قام صقر واخذ شور سريع عشان يصحصح وبدل ملابسه وطلع للمسجد يصلي قابل مشاري والعيال الي كانوا جالسين يقرون قران قبل لا تبدأ الصلاه جلس صقر جمب مشاري
قفل القرآن مشاري والتفت على صقر الي كان جالس جمبه ويسمع قراته للقرآن وترتيله صقر يحب يسمع صوت مشاري وهو يقرأ لان صوته حلو
مشاري : صح النوم شفيه وجهك كذا شكلك تعبان
صقر : مو نايم زين بصلي وبرجع البيت انام لي كم ساعه
مشاري : وليه مو نايم أمس؟
صقر وهو ما يبي مشاري يحس ان فيه شي وان في شي شاغل باله
صقر : نمت بس كان فيني صداع ماسك علي يومين
مشاري وهو يمسح على راس صقر : صلى وارجع نام وارتاح
صقر : ان شاء الله
قاموا عيال صلوا وطلعوا من المسجد لبيتهم الا صقر ومشاري
مشاري : تدري اليوم نازلين عيال عمي زايد الديره
صقر : صدقق ؟ اهخ واحشنيي هتان الوصخخ
مشاري بضحك : واحشنا كلنا والله
صقر : تعال نلفلف بالسياره احس فيني كتمه من البيت
مشاري : داري انا فيك شي بس ما تبي تقول
صقر ضرب كتف مشاري : مافيني شي بس طفشت من البيت والجلسه فيه
ركبو السياره وراحو في مكان هدوء مافيه احد وبدأ نور الفجر يطلع نزلوا من السياره
صقر : مشاري تدري وش ودي فيه
مشاري بضحك : دخان
صقر : تفههمممم ياوحش
مد له حبه دخان وولعه وحاطها بين شفايفه ويزفرها بهدوء
مشاري :ليه ما تجرب تدق على امك
صقر : كم مره قد دقيت عليها ولا ترد
مشاري : جرب هالمره منت خسران شي
صقر : لو هي تبيني كان دقت وسألت وخلاص قفل على هالموضوع
مشاري ملزم على صقر ان يدق على امه و وده ان الي بينهم ينتهي وترجع ام صقر لولدها
مشاري : عشاني طيب؟ جرب بس ان ما ردت خلاص
صقر : طيب
دق صقر على امه وماهي دقايق الا و وصوله صوتها
ام صقر : الو
صقر : السلام عليكم ورحمة الله
ام صقر : وعليكم السلام هلا مين؟
اوجعته كلمه مين لدرجه ما تعرف صوت ولدها !!!
صقر : انا صقر يا يمه
ام صقر : توك تعرف امك وش بغيت؟
صقر : ابي اتطمن عليتس
ام صقر : بخير مافيني الا العافيه
صقر بوجع : وحشتيني يا يمه وينتس عن ولدتس
ام صقر : الحين مشغوله اكلمك بعدين
قفل صقر بدون ما يرد عليها ورمى جواله بالأرض من قوه القهر الي داخله والضيقه
صقر بصراخ : اهخخ تعبت ياربي والله تعبت ارحم ضعفيي وقله حيلتي 
وطاح صقر بالأرض منهد حيله والتعب واضح من وجه
ركض له مشاري ورفعه من الأرض
مشاري بحزن على حال صقر : هونها يا صقر وتهون والله بتهون
صقر : متى بتهون لي ١٨ سنه ولا امي حولي متخيل ١٨ سنه يا مشاري انهد حيلي وما عاد باقي لي بهالدنيا احد
مشاري : وانا وين رحت انا معك
اخذ مشاري صقر وركبه للسياره في المرتبه الثانيه وشربه مويا ويمسح على وجهه وهو الود وده ياخذ كل همومه ولا يشوف صقر بالضعف هذا الي كسر ظهره نام صقر بدون ما يحس بنفسه نام على رجول مشاري بعد تعب وارهاق ناظر فيه مشاري بكسره وهو يكلم نفسه : طلع كله هذا بقلبه وانا ما ادري وانا احسب صقر الي ما يتأثر من شي ولا يوجعه شي جلس مشاري يمسح على راسه ويقرأ عليه قرآن
وصل مشاري لبيتهم وهو ناوي يخلي صقر عنده عشان ينام ويرتاح دق مشاري على وعد عشان يقول لها تجهز لهم فطور وترتب لهم الغرفه
مشاري : وعدد
وعد : هلا
مشاري : سوي لنا فطور ورتبي الغرفه
وعد باستغراب : ليه من معك
مشاري : معي صقر
وعد : منعيوني
جاء مشاري جهه صقر عشان يصحيه
مشاري بهدوء : صقرر قوم صقر
صقر بنعاس : همم
مشاري : قوم يلا وصلنا البيت
صقر باستغراب : موصلني بيتكم وتقول وصلنا البيت انت صاحي
مشاري : اي ابيك تقوم معي ننزل نفطر
صقر : ما ابي اكلف عليك والله
مشاري : يارجال مافي ولا اي كلافه قومم يلاا
أصر مشاري على صقر ان يرتاح عنده وبعدين يرجع لبيت جده نزل صقر ومشاري ودخول البيت ووصلوا غرفه مشاري
صقر : جدي ما دق؟
مشاري : لا واكيد الحين يدري انك معي
صقر : بكلم جدتي
دق صقر على جدته وعلطول ردت : هلا وليدي
صقرر بحُب : هلا يمه
الجده : وينك صليت وما عاد رجعت البيت
صقر : رحت مع مشاري والحين بس اخلص كم شغله واجي
الجده : استودعتكم الله
قفل صقر ورجع ينسدح يرتاح من التعب الي هلكه والضيق الي اوجع قلبه
_
عند وعد
وهي تطبخ الفطور بحب بسبب جيه صقر لهم الي ما كانت مستغربتها بس كانت هذي الجيه غيير بالنسبه لها زينت لهم الفطور وحطته بالصحون جهزت كل شي وراحت تدق الباب عليهم فتح لها مشاري
وعد وهي متقصده ان صقر يسمعها : تفضل وعليكم بالعافيه
مشاري : الله يعافيك
دخل مشاري وحط الفطور الي كان منوع من كل شي
_
نرجع شوي لصقر
صقر الي كان منسدح على السرير ويناظر السقف ولا طلعت منه أي كلمه ولا هو راضي يتكلم ومشاري الي كان جالس جنبه و وده يسأله عن كل شي يحس فيه بس مو عارف شلون يفتح الموضوع معه ولا وده يخلي اسألته بلا اجوبه وكان براسه الف سؤال وسؤال بس فضل ان يسكت ويخلي صقر يرتاح ويفتح معه الموضوع بعدين قاطع تفكير مشاري دق الباب راح فتح الباب فز صقر من سمع صوتها الي رد له روحه ويحس تجددت فيه الحياه من جديد
صقر بهمس : اهخ يا وعد والله ان روحي محتاجه تكون بحضنتس لعله يشفي الي بداخلي ويداوي ألم جروحي
دخل مشاري بالفطور الي كانت ريحته تعبر عن لذاذته جلس صقر ومشاري وفطروا بكُل هدوء خلص صقر وقام يغسل وجلس يناظر وجهه من المرايه الي كان شاحب وباين عليه التعب غسل وجهه وطلع والتفت على وعد الي كانت طالعه من غرفتها ببجامه نوم وشعرها الي كان على وجهه وشوي ورا اذنها وشكلها كان حلوو ويفتن صد بسرعه وهو يقول : ارفقي بي لعنبو حيتس
تلعثمت وعد ما درت وش تقول وصدمها اكثر كلام صقر لها 
وعد بهمس : صقرر
صقر وهو يحب اسمه منها همس وقال : عيون صقر سمّي
دخلت علطول الغرفه وقفلت الباب بدون ما ترد عليه وهي شوي وتطيرر من الفرحه استغرب حركتها وضحك وقال : صدق انتس خبله
رجع صقر الغرفه عند مشاري الي كان باقي يفطر
_
نرجع شوي لوعد
الي كانت جالسه على سريرها وتلعب بشعرها وصقر الي ماخذ بالها وكل تفكيرها وتفكر هو يحبها زي ما هي تحبه ولالا وكانت تخاف ان صقر ما يحبها وكانت تتجاهل هذا التفكير طلعت من غرفتها تبي تروح تشوف خلصوا اكل ولا لا طلعت بوجه صقر الي كان طالع من الحمام
- نفس الأحداث -
دخلت غرفتها وقفلت الباب بدون ما ترد عليه وهي شوي وتطير من الفرحه نطت على السرير وهي حاضنها مخدتها من الفرحه وتنطط على السرير بفرح وكانت بالنسبه لـ كلمه صقر لها شي كبييير
_
نرجع لصقر ومشاري
صقر : انا استأذنك وما قصرت ومعليش على الكلافه
مشاري : على وين اجلس بكلمك
صقر : مشاري والله تعبان لا تزيد علي تكفي
مشاري : ابشر وانتبه لنفسك ياعين اخوك
حضن صقر مشاري وهو يضرب كتفه وينطق : الله لا يحرمني منك
طلع صقر من عند مشاري ورجع لبيت جدته الي كانت جالسه مع جده
صقر : هلا بحلوه اللبن
الجده : هلا وليدي تعال
الجد : وانا ولا كأني موجود
صقر بضحكه وقام وباس راس جده : محشوم والله
جلس صقر على رجول جدته وهي تلعب بشعره
الجد : صقر ما ودك تعرس قدك كبير نبي نفرح فيك قبل لا يأخذ الله عمرنا انا وجدتك
صقر اول ما سمع كلام جده تذكر وعد : بعيد الشر وبعد عمر طويل ان شاء الله وابد الي يريحكم
الجده بفرح : يعني موافق
صقر : من تبون تزوجوني
الجد : ارياف بنت عمك
صقر : لا ياجد ارياف ما تناسبني ابدًا ولا هي بحولي
الجد : لطيفه بنت ابو فهد بنت ناس ويحليلهت ما بنلقى زيها
صقر : على خير ان شاء الله انا بروح انام اريح شوي
راح صقر غرفته ورمى نفسه على السرير وهو يقول بحرقه : طيب والي يبيها قلبي والي قلبي متعلق فيها ما بتكون لي راحت من يدي خلاص !!!
صقر ما كان يرفض لجدته طلب وكان هالمره وده يرفض انه يتزوج لطيفه ويقول لا بس قلبه ما طاوعه ان يرفض لها طلب وهي من زمان تبي تزوجه بوحده هي تختارها له وفي كل مره يقول لها تم وهو بداخله مو راضي بهالشي ويسوي الي تبيه عشان تفرح وتنبسط أخذه النوم بعد تفكيييير طويييل
_
عند ابو عبد العزيز
وصلوا الديره ونزلوا أغراضهم
هتان بحب لديره : يازين الديره صدق احسن من المُدن الي عايشين فيها
ارياف : يع وش الي عاجبكم فيها
هتان : ما تعرفين حُبي لديره وعشقي لها
ابو عبد العزيز : انشهد انها ترد الروح و يازين أهلها
طلعت ارياف غرفتها ترتب أغراضها وتركت اهلها الي يسولفون وش راح يكون جدولهم لليوم
ابو عبد العزيز : قوموا نروح نسير على جدتكم وجدكم
هتان : يللا
راح هتان وعبد العزيز وابو عبد العزيز لبيت الجد
ابو عبد العزيز : السلام عليكم يا أهل البيت
الجده بحُب : ياهلا والله وعليكم السلام نورتوني اي الله
ابو عبد العزيز : يا بعد عيني يا يمه الله يخليتس
سلموا عليها واخذو علوم بعض جلسوا معها واخذتهم السواليف 
هتان : وينه صقر ما اشوفه
الجده : بغرفته نايم
راح هتان لغرفه صقر ويدق الباب وما كان يرد فتح الباب وشاف صقر نايم شغل اللمبه ونط عليه وهو يقول : صقرر قومم صقيير
صقر بنعاس : مشاري انقلع احسن لك
هتان بضحك : ياخبل قوم انا هتان
قام صقر وهو يحك عينه ويتأكد الي قدامه هتان ولا لا
فز صقر وحضن هتان..