احببتُها وانا جاهل بدروب المُحبين

البارت - 11

شهد : فاتكمم
مها بحماس : ايشش
حكت لهم رند السالفه وماتوا ضحك على ليالي
لطيفه : اهخ ليالي من اول ابي الي يهبدهاا عشان تعقل والحمدلله ما خليتيها بخاطري
رند : افاا عليتس عضيتها عضت
مجدُولين وهي ميته ضحك : تكفينن شلون عضيتيها
رند : نطيت عليها ومسكت يدها وعضيتها ما خليت فيها مكان
ارياف : الحين تجي وكل جسمها محمر تقول طماطم
شهد وهي تضحك وتصفق يدها بيد ارياف : اوفف تخيلت شكلهاا
نجد : خلاص حرام عليكم خلو البنت
رند : تستاهل مره ثانيه ما تفكر تحارشني ولا تسرق اغراضي الحيوانه
مجدُولين : وش هي اغراضتس
رند : شريت مع حمد شبسات واكل وهي تجي تاخذها !!
ارياف : والله انها قليله ادب فوق انها ما خذتهم بدون ما تستاذن تطول لسانها عليتس صراحه زين ما جاها
رند وهي تقلد ليالي : والي يغث تقول كلها شبسات اقول لصقري يشتريهم لتس
وعد : يع كريهه صدق وش قصدها تقول صقري
نجد : يهوو خلاص تراكم قاعدين تتكلمون فيها قدام اختها
لطيفه : خذو راحتكم حبايبي
شهد : معليش بس صدق اختس تدور المشاكل
-
عند الرجال في المجلس
ابو فهد : احنا نستاذنكم يبو محمد وان شاء الله لنا زياره قريبه باذن الله
ابو عبد العزيز : على وين يبو فهد تو الليل
ابو فهد : تاخر الوقت والله ونبي نرجع لديارنا
الجد : ودعناكم الله
فهد للعيال : انا سفرتي بكره والله ان ما ودي اسافر و ودي اني بينكم دايم بس ماهو بيدي وان شاء الله كذا اسبوعين وانا راجع لكم
عبد العزيز : معليه يا فهد توكل على ربك وتتيسر باذن الله
مشاري : يلا كلها اسبوعين وترجع
صقر : ودعتك الله ولا وصلت دق علي طمني
فهد : ابشر يلا فمان الله
العيال : حياك الله ، بحفظ الرحمن ، استودعتك الله
اخذ ابو فهد عياله واجهوو راجعين لبيتهم
-
عند العيال في السطح
هتان : الجوو بارد اليوم
سامي : اي والله وما معنا فروه
عبد العزيز : يازين الشتاء واجوائه
مشاري : قوموا نولع حطب وصقر ينزل يجيب لنا كم فروه ويجي
صقر : يلا
مشاري : حمد وهتان جيبو حطب وتعالوا
هتان : ابشر
عبد العزيز : جيب الولاعه يا هتاانن
هتان بصراخ : طييب
جابو هتان وحمد الحطب وشغلوا النار وجلسوا حول النار يتدفون وهم يعشقون هذي اللمه والجلسه في السطح جلسوا وهم ينتظرون صقر
-
عند صقر
نزل صقر يجيب الفروه وما توقع ان يصادف وعد وهي طالعه من الحوش الخلفي راح متجهه لها وهو يقول :
والله ان كان ودي بشوفتس والحمدلله اني شفت هالوجهه الزين
نزلت وعد راسها بحيا وخجل ولا قدرت ترفع عيونها لصقر الي كان يناظر فيها ولا شال عيونه عليها وهي مرتبكه ولا هي قادره تنطق بشي وكانها اول مره تشوف صقرها
صقر باستغراب : شفيتس
ما امداها تتكلم وعد الا جت في هذي اللحظه الجده وهي طالعه للسطح عند العيال وتنادي باسم صقر والعيال كلهم
صقر باستعجال : تخبي تخبيي بالملحق بسرعه قبل لا تشوفتس
طلعت الجده السطح وهي تقول : الحقوو عمكم محمد تعبان
صقر بصدمه : شفيهه ابويي
الجده بخوف : طاح على الرجال بالمجلس روحوا شوفه وليدي لا يصير له شي ____
نزلوا العيال من السطح يركضون لـ ابو صقر ومعهم صقر الي نسي عن وعد وتركها بالملحق والباب مقفل عليها ولا هي قادره تطلع بحكُم ان الباب قديم ومتكسر وما يفتح الا من برا
صقر بخوف على ابوه : يبهه شفيك
حمد وهو ماسك وجه ابوه : يبه وين علاجك
ابو صقر وهو مو قادر يتكلم ولا ينطق بشي واكتفى انو ياشر على باب جهه الحريم بقصد ان علاجه مع نجد
راح حمد يركض وهو ينادي بصوته العالي والرخيم : ياا نجددد
ارتعبت نجد من صوته الي مستحيل يعلي صوت حمد الا اذا صاير شي جت تركض وهي عارفه ان في احد صار له شي : شفيك احد صاير له شي
حمد : عطينيي علاج ابويي بسرعهه
راحت نجد تركض للغرفه تدور علاجه وعطته حمد
حمد : خذ يبه علاجك
اخذ ابو صقر علاجه وخفت الكحه وراحت عنه الكتمه
" ابو صقر عنده الربو "
مشاري : عبد العزيز تعال شوف عمي
عبد العزيز : مافيه الا العافيه ان شاء الله بس خذ علاجاتك اول باول وبتتحسن
ابو صقر : ان شاء الله
الجد : قوم ارتاح قوم
دخل ابو صقر المجلس يرتاح ومعه العيال والجد
ابو صقر : ارتاحوا مافيني الا العافيه بس تعرفون تعب الصدر اهلكني
الجد : ما تبي نوديك المستشفى
ابو صقر : لالا ما يحتاج شوي ويخف
تذكر صقر ان ترك وعد بالملحق راح يركض والكل مستغرب وش فيه يركض ضرب راسه بخفه وهو يقول : يالله انا شلون نسيتها بالملحق وقفلت عليها
هتان لـ ابو صقر : ولدك ياعمي خبل
الجد : ما صار خبل الا معك
هتان : افاا ياجد الحين انا صرت خبل
الجد : ايي بالله انك خبل وما اخبل منك الا عيال عمك
مشاري : حنا وش دخلنا ياجد
ابو العزيز : ما اعقل منهم الا مشاري
مشاري : ياحبيبي يا عمي
الجد لـ مشاري : لا تصدق نفسك عمك يجاملك
مشاري : افاا يا عمي تجي منك
ابو عبد العزيز بضحك : تتوقعها مني وانا عمك
هتان بمزح : حدك عاد مشاري ما تجي من ابوي
الجد : قوم قوم انت وياه صبوا قهوه ما منكم فايده
سامي : وراه جدي يكسر مجاديفنا
حمد : هذا الي تحصله عند جدي وانا ولد عمك
عبد العزيز : هتان قوم صب ما غير تهذر
هتان : تبي اصب لك ها
عبد العزيز : احترم اني انا اخوك الكبير
هتان : تقلع اقول
الجد وهو ماسك عصاته : ولد بتصب ولا لا
هتان وهو يناظر في عبد العزيز : سمّ ابشر
-
عند صقر
صقر وهو يحاول يفتح الباب الي مو راضي يفتح : وعدي
وعد ببكاء : خليتني هنا و رحت بهالمكان الي كله ظلمه وحشرات
صقر الي للحين يحاول يفتحه : تبكين !! الحين يفتح اهدي
وعد : بسرعهه افتحه انكتمت من الغبار
صقر : اصبري بدور شي افتحه فيه عيا يفتح
التفت صقر حوالينه وما حصل شي يفتح فيه الباب
صقر : وخري عن الباب
وعد : طيب
رجع صقر لوراء ودف الباب بكتفه بقووه وانفتح وطلعت وعد وهي تكح من الغبار والريحه
صقر وهو يضحك على شكلها : بسم الله عليتس تبين مويا
وعد بعصبيه : لا ما ابي شي و وين رحت وخليت الباب مقفل علي بغيت اموت
صقر : ابوي طاح وتعب ورحت اشوفه
وعد : وش فيه عمي
صقر : مافيه شي بس تعب خفيف
وعد : زين الحمدلله
صقر بضحك : وليه هالبكاء والدلع
وعد بصراخ : مقفل علي بين هالغبار والكتمه وتقول ليه تبكين صدق ان ماعندك عقل
صقر وهو ميت ضحك على شكلها : خلااص خلاص امزح لا تصارخين الحين يجون العيال
وعد : طس بس انت والعيال
صقر : يلا خشي قبل لاحد يجي
وعد وهي تناظر فيه بطرف عين وهي راجعه جهه الحريم : لاا
صقر بضحك : ياطول لسانتس
رجعت وعد للحريم ورجع صقر فوق السطح ينتظر العيال يجون عشان يكملون سهرتهم جلس جمب النار يتدفئ ويتذكر ملامح وعد الي مستحيل ينساها قال فيها ابيات يقول فيها :