احببتُها وانا جاهل بدروب المُحبين

البارت - 6

شهد : تخيلوا ان صقر خطب لطيفه
البنات : هاااا
شهد : وجععع ان شاء الله قصروا حسكم
نجد بصدمه : شلون بيخطب وانا اخته ما دريت؟؟
شهد : شدراني بس تعرفون جدتي ما تسكت عن شي سمعتها تقول للحريم
ريناد : مستحيييل
ارياف : شفيكم يمكن للحين ما خطب بس قال كلام وبعدين راح يقولكم مستحيل ما يقولكم وانتو خواته
شهد : صادقه وعادي لو تزوج خلوه يشوف حياته ويمكن لطيفه تعوضه عن كل شي فقده
نجد : اي والله عاد هو خسر كل شي امه وابوي ما عاد باقي له شي غير حنا
ارياف : يوهه ان شاء الله لطيفه تكون قد الهقوه
نجد : ياحظ صقر فيها ما تتعوض
عهود : صدق يحليها
شهد : الله يكتب لهم الي فيه الخير
البنات بصوت واحد : اميين
عند وعد الي انصدمت من الكلام الي سمعته وماهي قادره تتحرك وقفت بصدمه وتناظر البنات ومو قاعده تستوعب ان صقر راح من يدها وتحسب ان صقر يحبها وراح يتزوجها
دخلت وعد البيت بدون ما تتكلم على البنات
مها : وعد وين رايحه
شهد : شفيها ذي !
نجد : يمكن تعبانه تبي تنام
كملوا البنات سهرتهم من ضحك وسواليف ونسوا عن وعد وماخذين فكره انها تعبانه وتبي تنام
دخلت وعد بدون ما ترد عليها وشافت جوال نجد الي كان بالصاله أخذته بدون تردد وحاولت تفتح الرمز وفي كل مره يطلع الرمز خطأ وانهارت وحاولت اخر محاوله وفتح معها الجوال اخذت الجوال وتدور رقم صقر سجلته بجوالها ودخلت غرفتها وتدق على صقر وما كان يرد بحُكم انو نايم
صقر بعصبيه : ما يخلونن أحد ينام زي الناس
قفل صقر جواله ورجع نام والتعب ماكل جسمه
وعد ببكاء : رد يا صقرررر رددد
طاحت وعد على السرير بانهيار وهي تحس انها جسد بلا روح نامت بعد تفكييير طوييل وتعب

اليوم الثاني بدون اي أحداث جديده
عند البنات في المطبخ
نجد : ساعدوني بالفطور
عهود : يلاا
الجده بعصبيه : وراه ما تقومين انتِ وياها تساعدون نجد
البنات : ابشري
شهد وهي تضرب نجد : كله مننتس مسويه سنعه
نجد : ومن تبين يسوي الفطور الرجال؟
شهد : اي هم يسوونه شغلتهم بس يبلعون جعله سم
نجد : استغفري ربتس
شهد : استغفر الله بس
مها : بنات ما شفتم وعد؟
البنات : لا
رند : يمكن للحين نايمه شوفيها بالغرفه
مها : يمه لا يكون اختي فيها شي
شهد : امشوا نروح نشوفها
راحو شهد ومها ورند وعهود يشوفون وعد
ونجد و ريناد وارياف الي كملوا تحضير الفطور
نجد : ريناد خذي الصحون ووديها لصاله الاكل
ريناد : ابشري
نجد : ارياف انتِ خذي الشاي بعد
ارياف : منعيوني
كملوا البنات من تحضير الفطور وتجهيز السفره
_
عند الرجال
مشاري : صبحك الله بالخير
صقر بابتسامه خفيفه : صبحك الله بالنور
مشاري : اسمع ما ابي اطولها وهي قصيره
صقر باستغراب : قول
مشاري : انت ناوي تتزوج؟
حك راسه صقر وما درى وش يقول : هاا من قال لك انت
مشاري : شلون من قال لي امس جدي خطب لك بنت ابو فهد صاحي انت !
صقر بصدمه من استعجال جده : سألتك بالله؟
مشاري : والله يولد علمني ايش السالفه
صقر : قبل كم يوم جدتي قالت تبي تزوجني وقلت لها تمم وقالت تبي تخطب لي بنت ابو فهد وما دريت ان جدي خطبها لي
مشاري : انت متأكد تبي تتزوج؟
صقر وهو وده يقول لا : هاا ايوه
مشاري : صقر ترا الزواج ماهو لعب ولا بنت الناس لعبه وتراك ماخذ بنت ابو فهد لا تنسى ان كانك ما تبي الزواج كلم جدي وقوله ما ابي من الحين
صقر : لا معليك وما بيصير الا كل خير وتعال قول لي وش رد ابو فهد
مشاري : قال بيشاور البنت ويشوف توافق ولا لا
صقر بحده : يشوفها توافق ولا لا البنت مالها رايها
مشاري بضحك : لا يشيخ هذا عندك ماهو عند ابو فهد
صقر بضحك : طيب قوم نفطر روح شوف الحريم اكيد جهزوا الفطور خذ الفطور وتعال نفطر
مشاري : يلا
هتان : صباح الخير صقوري
صقر : صباح النور هتاني
هتان : توك صحيت
صقر : اي والله الخمول اكل جسمي اكل
هتان : قوم نمشي شوي يروح هالخمول
صقر : مشاري راح يجيب فطور ونفطر سوا ونروح
هتان : طيب
مشاري : يولدد طريقق
وما كان موجود بالمطبخ غير نجد الي باقي تحضر الفطور
نجد وهي واقفه عند الباب : هلا
مشاري : يازين هالصوت اي والله وش ذا الصباح إلى ابدا فيه بصوتس مو صوت صقر اللي يغث
نجد بضحك : وش بغيت
مشاري : نسيت وش ابي من شفت عيونتس اسمعي هذي القصيده الي تقول