احببتُها وانا جاهل بدروب المُحبين

البارت -14

ام صقر ببكاء : ييمهه صقر
صقر اللي لحين ماسك يدها : لبيه يمه
قامت ام صقر من السرير وصقر الي يحاول يساعدها و يسندها على المخده فتحت يدينها له تحضنه قرب صقر منها وهو يحضنها طاح صقر بحضنها ولا هو عارف الي قاعد يصير حلم ولا لا نزلت دموعه بحرقه وهو شاد عليها
ام صقر : ياحسره قلبي عليك يا صقر كنت بموت قبل لا اشوفك
صقر : بسم الله عليتس يمهه لا تقولين كذا
رفعت ام صقرر وجه صقر من حضنها وضمت وجهه بيدها وهي تتامل وجهه ورغم انها تركته سنيييين الا انو للحين يتمنى شوفتها وحضنها و وجودها جمبه
صقر : اهخ يا يمهه من زمان وانا ودي تكونين معي زي كل ام جمب ولدها كنت اشوف العيال وكيف امهم محتويتهم الا انا
ام صقر وهي منهاره على حال صقر : اناا اسفه يعيون امك ادري غلطت ولا هو بشافع لي اعتذاري
صقر وهو يمسح دموعها : خلاص يمه الي صار انتهى وانسي كل شي ولاني بزعلان منتس
صقر الي ما كان متعود يقول هالكلام الا لـ جدته الي يشوفها امه وابوه ودنيته كلهاا 
صقر وهو يسندها عشان ترتاح : ارتاحي يمه انا بروح اشوف الدكتور واجي
طلع صقر من الغرفه وهو يحس زي النار تحرق قلبه سند نفسه على الجدار يتماسك نفسه طاح منهار ودموعه الي اخذت مجراها مسح دموعه بطرف شماغه لف الشماغ على وجهه و طلع جواله من جيبه وهو يدق على مشاري وصله صوته وهو يقول : هلاا صقرر
صقر بانهيار : مشاري وينك ابيك تجيني بسرعه
مشاري بخوف : وش فيك صاير شي !!
صقر : تعال مستشفى ***** بسسرعهه
مشاري : يلا يلا نص ساعه وانا عندك
قفل صقر من مشاري وراح دوره المياه يغسل وجهه غسل وجهه وطلع وقابل الدكتور وهو داخل غرفه ام صقر
صقر : دكتور دكتور
لف الدكتور على صوت مشاري وهو يقول : هلا تفضل
صقر : انا ولد المريضه فاطمه كيف صحتها
الدكتور : الحمدلله صحتها كويسه اوي بس محتاحه شوي تهتم في اكلها ونفسيتها
صقر : الحمدلله
الدكتور : ما تخاف ان شاء الله بتصير احسن
صقر : ان شاء الله
الدكتور لـ ام صقر : كيف تحسي نفسك الحين
ام صقر : الحمدلله احسن
-
في بيت ابو عبد العزيز الساعه ٨ م
بدا البيت يتملي من المعازيم والناس ، من الشيبان وعيال واطفال واصوات الاطفال بكل مكان والمجلس الي امتلى من الرجال واصواتهم الي معبيه المجلس
ابو عبد العزيز : حياكم الله يرجال نورتوني اي والله والحمدلله على سلامتكم يبو فلاح انشهد ان الديره نورت بوجودك
ابو فلاح : ما تقصر يبو عبد العزيز كلفت على نفسك ، الله يسلمك والله ان الديره منوره بـ اهلها
ابو عبد العزيز : مافي كلافه وتستاهل اكثر وهذا قليل بحقك
الجد لـ حمد بصوت هامس : وين العله صقر
حمد : مدري ما قد شفته
الجد : قوم قوم اطلع شوفه وين وناده
حمد : ابشر
طلع حمد من المجلس وهو يقول لـ نفسه : دام ما شفت مشاري موجود اكيد انو مع مشاري رفع جواله يدق على صقر مره ومرتين وثلاث ولا رد تافف وهو يقول : الله يبلشك يا صقر
-
عند صقر ومشاري بالمستشفى
مشاري لـ صقر : وش صاييرر
صقر وهو ياخذ نفس : امي يا مشاري اميي
مشاري : وش فيها امك ؟!!!
صقر : امي داخل بالغرفه تعبانه
مشاري : تتكلم منجدك انت !!
صقر : اييي والله يا مشاري مو قاعد اكذب عليم بحرف
حكى صقر لـ مشاري كل الي صار معاه ومشاري الي للحين مو مصدق وفرحان بنفس الوقت ان ام صقر رجعت لصقر
فز مشاري يحضن صقر وهو يطبطب عليه بظهره وهو يقول : الحمدددلله يا صقرر امك ورجعت وش تبي اكثر من كذا
صقر : الحمددلله يارببب والله ان الفرحه مو سايعتني ولاني اقدر اصدق احسه حلم يا مشاري حلمم
مشاري : صدق وانا اخوك صدق
صقر : اللهم لك الحمدلله احس صرت احس بطعم الدنيا اخيرا ربي فرجها علي
مشاري : اي والله زانت يا صقر زانت
صقر : ياربب لك الحمد
مشاري : خلك معاها انا بروح بيت عمي زايد اكيد الحين يسالون عنا ولا احتجت شي كلمني
صقر : ابشر
مشاري : فمان الله
صقر : بحفظ الرحمن
طلع مشاري من المستشفى متجهه لبيت ابو عبد العزيز وصقر الي رجع غرفه امه الي كانت نايمه جلس جمبه وهو يتامل وجهه ويحاول صدق ان رجعت له امه بعد كل هذي السنين ، فتحت عيونها وهي تمد يدها له فز صقر وهو يمسك يدها ويقول : سمّي
ام صقر : وين رحت
صقر : كنت برا ما رحت مكان
ام صقر : متى بطلع لاني طفشت من المستشفى
صقر : ارتاحي يمه الحين انا بشوف الدكتور وبساله متى بتطلعين
-
في بيت ابر عبد العزيز
دخل مشاري المجلس وهو يقول : السلام عليكم
الكل : وعليكم السلام
مشاري لـ ابو العزيز : اعذرني يا عمي على التاخير ، ولا قمت بواجبي معكم
ابو عبد العزيز : عذرك معك ، ويكفي وجودك
جلس مشاري جمب العيال وهو يقول : اسمعو العلم يرجال
العيال : ايش !
مشاري : صقر بالمستشفى و...
قاطعه هتان وهو يقول : عسى ما شر ؟!!
مشاري : مافيه الا العافيه لا تخاف
كمل كلامه وهو يقول : هو الحين مع امه بالمستشفى امه دقت عليه وطلبت تشوفه
سامي : يعني الحين امه رجعت له ؟
مشاري : تقدر
عبد العزيز : يالله يافرحه صقر الحين
مشاري : ليت تشوفونه وهو كيف فرحان ومبسوط ولا مصدق
هادي : الحمدلله الي هداها ورجعت لولدها
عبد العزيز : اي والله
هتان : والله ان صقر ما يستاهل كل اللي يصير معه
مشاري : العلم لا يوصل جدي
العيال : ابشر
-
عند الحريم
عند البنات الي كانوا يلعبون مع فادي وهم مستانسين بوجوده وما صدقوا يكون بينهم طفل
شهد : يازين من قطع هالخدود ياربي ما شاء الله
نجد : ايي والله يحليله صدق
ثُريا: والله يانو ماذيني
وعد : فادي ليه تتعب ماما ؟
فادي : من قال لتس اصلا انا مودب صح ماما
ثُريا بضحك : اي وليدي مودب فديته
فادي : خاله وعد اسالي عمه رحاب انا مودب ولا لا
رحاب بضحك وهي تبوسه : حبيب عمته اكيد مودب
فادي : شفتي يا خاله وعد
وعد بضحك : ايي ايي
ثُريا : تعال اوديك عند بابا
رفعت السماعه ثُريا تدق على فلاح وصلها صوته وهو يقول : لبيه
ثُريا : تعال خذ فادي عندك
فلاح : ابشري
ثُريا الي كانت تنتظر فلاح عند الباب وفادي الي شاف ابوه جاي جهتهم راح يركض له ويحضنه وفلاح الي شاله ورفعه فالهواء
ثُريا بضحك : انتبه لا يطيح
فلاح : ماهو طايح لا تخافين
فادي : بابا بطل
فلاح : صحيح ابوك بطلل
ثُريا : انتبه له معك
فلاح : ابشري
مشاري : فااديييييي
فادي : عموو مشاريي
مشاري وهو يرفعه فوق بالهوا ويبوسه : يعيون عمك ، شلونك
فادي : بخير
مشاري : والله وكبرت يا فادي
فادي : اي صرت رجال
مشاري بضحك : اي بالله انك صرت رجال
هتان : لالا مو رجال توك صغير
فادي بعناد : والله اني رجال صح بابا
فلاح : صح معليك منه انت رجال
هتان : بابا يكذب عليك منت رجال ولاشي
هتان بصراخ : بااباااا شوفف عمو هتاان
فلاح : هتان يا وصخ لا تحارشه
فادي : يا وصخ
فلاح بضحك : لاا ععيب يا بابا ما يصلح تقول كذا
هتان بضحك : ياورع انت الوصخ
فادي وهو يركض لـ فلاح : انقلع
فلاح : كفوو وليدي حبيب ابوه
هتان : توك تقوله عيب الحين تقول كفوو
استوعب فلاح على كلامه وهو يكلم فادي ويقول : عييب فادي
فادي : طيب
هتان : مالت عليك انت و ولدك
فادي : مالت عليك انتتتت انا اعلم ماما عليك
فلاح وهو ميت ضحك : اوووو لاا فادي اعقل
هتان بضحك : طس بس انت وامك
نزل فادي من حضن فلاح وهو يركض ورا هتان ومعه نعاله الي ماسكها بيده ويرميه على هتان
فادي : يا خوافف
فلاح : تعال تعال خلك منه البس نعالك لا تنجرح وتتعور
هادي : اترك عنك هالمحارشه يا هتان وخل الولد بحاله
هتان : خلاص خلاص اجلس انا اسف
فادي : شفت انك خواف
هتان وهو ياخذ نفس : اي انا خواف وانت بطل
فادي : وين عمو صقر
فلاح : يوهه تو انتبه صدق وينه صقيير والله انو واحشني
مشاري : بالمستشفى مع امه
فلاح : عسى خير وش فيها لا يكون فيها شي
مشاري : لالا ابشرك مافي الا كل خير بس تعبت وراح يشوفها
فلاح : الله يقومها بالسلامه
ابو عبد العزيز وهو ياشر لـ هتان يجي
هتان : سمّ يبه
ابو عبد العزيز : قول لهم يجددون القهوه بسرعه
هتان : ابشر
هتان عند جهه الحريم
هتان : يولدد طريقق
ام عبد العزيز : وش فيك يا يمه
هتان : يمه ناد لي ارياف بسرعه تجدد القهوه
ام عبد العزيز : هاتها انا اجددها
هتان : لا يمه ارتاحي خلي ارياف
ارياف : يووهه ثاني مره اجددها وش تحسبونها يوم انكم تبلعونها مويا !!
هتان : اقصري حستس وجدديها
جددت القهوه ارياف وعطت هتان الي كان واقف ينتظرها بالمطبخ وهي تقول : امسك ولا عاد تقول جدديها
هتان بضحك : ابشري
-
عند العيال الي كانوا متجمعين ومعهم كل اهل الحاره وسواليف من هنا وهنا وضحك ، وهتان الي للحين يناقر فادي ومضاربه معه وفلاح الي يفك بين ولده وهتان ومشاري اللي ينتظر صقر يدق عليه ويتطمن عليه وعلى امه
فلاح وهو حاط فادي بحضنه لا يتضارب مع هتان : هتان خل الولد بحاله
عبد العزيز : طول وحجم وعقل مافيه
هتان : هو يناقرني
فادي بصراخ : كذابب انتت
فلاح : تعال اوديك عند ماما تعال
هتان بصراخ : لالااا خلاص لا توديه ماراح اسوي له شي والله
مشاري : ماني مرتاح والله احس صقر فيه شي
حمد : مشينا نروح له
مشاري : ما ينفع نروح كلنا عمي وجدي بيحتاجونا
فلاح : خلاص روح انت وعبد العزيز
مشاري : تم توكلنا على الله
عبد العزيز : يلا
-
عند صقر بالمستشفى
صقر الي كان جالس جمب ام صقر ويسمع سواليفها وصقر الي كان فرحان ولا سايعته الفرحه قاطعهم دق الباب
مقبل : السلام عليكم
صقر : وعليكم السلام تفضل
مقبل : زاد فضلك
مقبل لـ ام صقر : شلونتس الحين
ام صقر : الحمدلله وما صرت احسن الا بشوفه وليدي
صقر ابتسم لها وهو يبوس راسها
مقبل : الله يخليه لتس
ام صقر : امين
عرف صقر بجيه العيال التفت لامه وهو يقول : يمه تغطي العيال جايين
ام صقر : ابشر
دخل مشاري وعبد العزيز الغرفه وسلموا عليهم
ام صقر بابتسامه : انت مشاري صح
مشاري : اي يا عمه انا مشاري
ام صقر : عاد مستحيل انساك ، ومن الي جمبك
مشاري : عبد العزيز ولد عمي زايد
ام صقر : اووه ما شاء الله هذا عبد العزيز
عبد العزيز : اي عبد العزيز
ام صقر : كنت اذكرك صغير وكبرت ولا عرفتك
عبد العزيز : اي والله يا عمه كبرنا وتغيرنا
ام صقر : اي والله انك صادق هذا زوجي مقبل
مشاري : ياهلا حياك الله
مقبل : الله يبقيكم ، شلونكم عساكم بخير كيف اموركم
العيال : بخير الحمدلله ، امورنا متيسره اللهم لك الحمد
مقبل : الحمدلله
مشاري : عاد ما نطول عليكم جينا نسلم عليكم و نتطمن على صقر وام صقر
ام صقر : الله معاكم فمان الله
صقر لـ ام صقر : بوصلهم واجيتس
طلعوا العيال من الغرفه و وقفهم صوت صقر وهو يقول : احد درا اني عندي امي ؟
مشاري : لا محد يدري غير العيال
صقر : زين اجل جدي لا يدري ولا احد من اهلي
عبد العزيز : لا تشيل هم وترا العيال كلهم يسالون عنك وفاقدينك بينهم وبالذات فلاح وظافر
صقر : يا جعلنيي فداهم والله باذن الله لا قدرت جيت
مشاري : باذن الله ، يلا نشوفك على خير
صقر : بحفظ الرحمن
-
عند الحريم
الجده : وينه وليدي صقر مو شايفته عسى مافيه شي
رند : والله مدري يا جده ماقد شفناه
وعد : يمكن يا جده عند الرجال والحين تلقينه مع العيال
الجده بوجع : نادي لي نجد تجي تشوفه برا والله ان رجولي تعورني ولاني بقادره امشي عليها
شهد : وش حادتس ياجده اجلسي
الجده : يا بنتي كبرنا مهما جلسنا بيبقى شي يعورنا
نجد : هلا جده
الجده : شوفي لي صقر الله يرضى عليتس ماله حس ولا صوت
نجد : وين بيروح اكيد انو مع العيال
الجده : ماني مرتاحه يابنتي ابي اتطمن عليه
نجد : ابشري
اخذت نجد عبايتها وطلعت تشوف صقر التفت حوالينها ولا شافت احد خافت ورجعت للبيت تركض بحكُم ان كان المكان ظلمه ومافيه صوت شافت قدامها مجدُولين وسحبتها تطلع معها
مجدُولين : لالا تكفين عاد انا خوافه مستحيل اروح معتس بهالمكان الظلمه
نجد : يويليي امشي الحين نرجع
مجدُولين : نجد ترا صقر ماهو بزر امشي خلينا نرجع لا يشوفنا جدي ولا احد من العيال
نجد : يالله منتس
مجدُولين وهي داخله : روحي لحالتس
نجد : انا غبيه يوم اني قلت تعالي معي
نجد لـ شهد : شهدد شهددد
شهد : شفيتس
نجد : تعالي معي نشوف صقر
شهد بتافف : الله يرزقني خوف جدتي على صقر
نجد بضحك : امشي امشي بس
__________
تاخرت عليكم بالبارت 🥲، اعذروني كنت تعبانه هاليومين وان شاء الله لا كملت البارت الثاني نزلته لكم 🤍🤍
حسابي انستا : xn_7ll