احببتُها وانا جاهل بدروب المُحبين

البارت - 5

راح هتان لغرفه صقر ويدق الباب وما كان يرد فتح الباب وشاف صقر نايم شغل اللمبه ونط عليه وهو يقول : صقرر قومم صقيير
صقر بنعاس : مشاري انقلع احسن لك
هتان بضحك : ياخبل قوم انا هتان
قام صقر وهو يحك عينه ويتأكد الي قدامه هتان ولا لا
فز صقر وحضن هتان
فز صقر وحضن هتان وهو يقول : أرحبببب هتانن والله يا لك فقده
هتان بضحك : رجعتت لك ياكثر الشوق
ضرب صقر هتان وهو يضحك : اكثر ياوصخ
هتان : عن الغلط اقول
صقر بضحك : اقول قم انقلع قم
هتان : قوم يلا ابوي وعبد العزيز برا
صقر : يلا الحين جاي
طلع هتان من غرفه صقر ورجع جلس معهم وماهي دقايق الا جاء صقر سلم عليهم وجاء عند عبد العزيز وضربه على كتفه وهو يبي يستفز عبد العزيز : هلا بولد المدينه
عبد العزيز : يشينك يولد الديره
صقر بضحك : يازين الديره
جلس صقر جنب هتان ويسمعون سوالف جدهم وجدتهم وابو عبد العزيز
الو عبد العزيز : شخبارك صقر عساك بخير
صقر : بخير اللهم لك الحمد شلونك انت
ابو عبد العزيز : نحمد الله
الجده : ما ودكم ترجعون الديره والله يا ان شوفتكم ترد لي روحي وانبسط وكلكم حولي
ابو عبد العزيز : والله يا يمه ان ودي بس تعرفين العيال صاروا يدروسون هناك وعبدالعزيز دوامه هناك ما يقدر يتركه
الجد : ماهي مشكله اهم شي اموركم متيسره الحمدلله وكل ما عندكم اجازه انزلوا عندنا الديره
هتان : اهخ يا جد والله ودي اجلس هنا ما نرجع للخبر
الجده : نزوجك وحده من بناتنا وتجلس هنا وما عاد ترجع للخبر
هتان : تمم قدام من تبون تزوجوني
الجد بضحك : ولدد علامك انت
صقر : زواجك عنديي لا تشيل هم
هتان : انشهد انك كفوو يا ولد العمم
عبد العزيز بضحك : وانا زوجوني
الجده : هاا استخفيتوو انتو اعقلوا وخلوا عنكم هالكلام الي مو زين
هتان : نبي نتزوج ياجده ملينا من حياه العزوبيه
ابو عبد العزيز : هتان بتسكت ولا بالعصاه على ظهرك
صقر مات ضحك على رد ابو عبد العزيز وهو ينطق : القمم
هتان : صقر سد حلقك
_
عند بيت ام مشاري
وعد : وين الكيس الازرق الي كان تحت الطاوله !!!
شهد : مدري
وعد : مو منجدكم حطيته هنا وييييينه طارر
شهد : شدراني عنتس اسألي امي
وعد : خلاص هذا من بس يلا اعجلوا قبل لا يجي مشاري وتعرفونه ما ينتظر احد
شهد : انا مخلصه باقي السيده مها
مها : وش ذي العجله يلاا دقايق واخلص
ام مشاري : للحين ما خلصتوا !!
مها : خلصنا يا يمه خلصنا
خلصوا البنات من تجهيزات وطلعوا ينتظرون مشاري
_
عند صقر
الي كان عند مع جده يحطون الأغراض بالسياره واغراض الاكل وهم ناوين ان يجلسون في المزرعه فا ما كان يبون ينقصهم شي
التفت الحد لصقر وهو يقول : حطيت كل الأغراض بالسياره
صقر : اي وان شاء الله ما نكون نسينا شي
الجد : خذ جدتك واخواتك وودهم للمزرعه و انا وابوك بنروح ناخذ لنا خروف نذبحه هناك
صقر : ابشر
دق صقر على نجد يعلمها ان هو الي بيوديهم للمزرعه ولازم يكونوا جاهزين قبل لا يجي
نجد : تراا صقر اللي بيودينا ويقول استعجلوا لا يجي وانتو ما قد تجهزتوا
ام حمد : وابوتس وش شغلته
نجد : يمكن أن مشغول مع جدي
ام حمد : وجدتس ما لقي الا ابوتس
نجد : يمه انا وش عرفني تساليني
صدت نجد من امها وراحت للبنات تعلمهم وكانت عارفه رد عهود الي بيكون نفس رد امها تجهزوا البنات ونزلوا لصقر الي كان ينتظرهم ومعه جدته بالسيارة ويدق بوري والكل طلع الا عهود وام حمد الي متعمدين يتاخرون
صقر بعصبيه : متى داق عليتس انا يا نجد ليه توكم تنزلون
نجد : قلت لهم بس تعرف عهود وامي
صقر : اخلصي قولي لهم ينزلون بسرعه لا امشي وخلي حمد يوديهم
نجد : هذي جوو
صقر بعصبيه : زين شرفتي استاذه عهود
عهود بطرف عين : كنا نتجهز محد يتجهز يعني
صقر : اقول اخلصي اركبي لا اقص لتس لسانتس
ركبوا البنات كلهم الا عهود بحكُم ان سياره صقر صغيره وما كفتهم
صقر : بدق على مشاري ان باقي ما مشى وحده تروح معاه
صقر : مشاري مشيت ولا باقي
مشاري : الحين بمشي
صقر : طيب ابيك تأخذ نجد معك لأن سيارتي ما كفتهم
انصدمت نجد من كلام صقر لمشاري وان عهود الي مو معها مكان مو هيي بس اضطرت تسكت لان تعرف عصبيه صقر لو يعصب ما يشوف الي قدامه
مشاري انبسط ان نجد الي بتجي معاه وراح يقدر يشوفها بحكُم انو مو شايفها من فتره
مشاري وهو يكلم لنفسه : ان ما وسعها المكان توسعها عيوني
صقر بصراخ وعصبيه : مشااريي
مشاري : اذني الله ياخذك خلها تجي طيب
قفل صقر من عند مشاري والتفت لنجد وهو يقول : نجد يلا انزلي وروحي مع مشاري وعهود تجي مكانتس
عهود : تراك مضيع انا الي ما عندي مكان مو نجد
صقر : مو مشكله الحين تنزل نجد وانتِ اجلسي مكانها
نزلت نجد من السياره وعهود عينها عليها ومقهوره من صقر وحركاته معها و كان ودها هي الي تروح مع مشاري
مشوا بيت ابو صقر وانطلقو لبيت المزرعه
_
عند بيت ام مشاري
التفت مشاري لنجد الي كانت تمشي لجهه السياره عشان تركب
مشاري : ارحبي يدهر قلبي ورجعانه
نجد وهي هيمانه فيه : البقى
ركبت نجد السياره الي كانوا فيها البنات
وعد : أرحبي نجودي
نجد : البقى يعيوني
عدل مشاري المرايه على نجد وكل شوي كان يناظر فيها ويناظر بعيونها الي كانت تفتن
ونجد الي كل ما التفت للمرايه شافته يناظرها وهي تناظر فيه بكل حُب وعاجبها شكله وهيمانه فيه وفي تفاصيل وجهه وملامحه
وصلوا ونزلوا البنات وراحو جهه الحريم
وماهي دقايق الا لحقهم صقر و عبد العزيز و ابو هادي وابو عبد العزيز وابو فهد
_
عند البنات
ارياف : يوه بناات زمان عن بيت المزرعه
شهد : منجد انتِ متى اخر مره جيتيه معنا
ارياف : عاد تصدقين ما اذاكر
نجد : في فعاليات اليوم
ريناد : دام بنطول ببيت المزرعه لازم ندور لنا فعاليات
مها : فعالياتكم كلها رقص
شهد : قوموا قوموا نطلع برا الجو يجنن
البنات : يلا
طلعوا البنات يمشون ببيت المزرعه وصوت العصافير بكل مكان والهواء البارد
شهد : ببنااتتت
ليالي : وجع اقصري حستس لا يسمعونا العيال
شهد : بنات يلا نلعب كوره
لطيفه : منجدتس انتِ واصلا مافي كوره
نجد : شهد تكفين فكينا قلنا عطونا فعاليات بس مو كوره
شهد : ياخي ما تبون تلعبون؟
البنات : الا
شهد : اجل انكتموا بروح سياره مشاري شفت جاب كوره بجيبها واجي
مهاا : يخبللله مشاري بيحش رجولتس ان يشوفتس
شهد : معليتس
راحت شهد سياره مشاري والبنات خايفين مشاري يشوفها
حسين من وراها : وش تسوين هنا
شهد برعب : بسم الله وانت وش دخلك
حسين : حشى وش ذا اللسان يازين من قصه لتس
شهد : تعقب وانا اخت مشاري
حسين : اوووه الحلوه طلعت اخت مشاري
صدت شهد من حسين وأخذت الكوره وراحت ركض للبنات خايفه ان حسين يعلم مشاري عنها
شهد : اهخ قلبي
البنات بخوف وصوت عالي : شافتسس مشاااري؟
شهد : لالا بس شفت واحد مدري مين شافني
مها : مينن
شهد : مدري بس كان شكله .........
حكت شهد للبنات شكل حسين عشان يعرفونه ومحد عرفه غير خواته لطيفه وليالي
لطيفه بضحك : ذا حسينوه اخوي ي حماره
شهد : اخوتس ! اسالتس بالله
لطيفه : اي
شهد : يخوفي يروح يعلم مشاري
لطيفه : لالا معليتس
طلعوا البنات الحوش يلعبون وتقسموا فريق وفي كل مره تنضرب الكوره بوجه وحده وباقي صاملين يلعبون راح الوقت من لعب وضحك وهواش وصراخ من كل الفريقين
وعد بتعب وهي تتنفس بسرعه : خلاص انا تعتب
لطيفه : اي والله خلاص خل ندخل تعبنا
دخلوا البنات داخل وكملوا سهرتهم داخل
ام مشاري : يلا يبنات قوموا حطو العشا مع الحريم الحين بيجوبونها الرجال
البنات : يلا جايين
_
عند الرجال
حمد : صقر تعال ساعدني بالصحون نوديها للحريم
صقر : يلا جاي
حمد : يولدد طريقق
نجد من المطبخ وهي تقطع السلطه : تعال
صقر : يلبيه وش ذي الريحه الحلوه عاد انا ميتت جوع
نجد : تعال ذوق سلطتي
صقر : يازينتس انتِ وسلطتس
نجد : جعله عافيه
حمد وهو يسحب شعر نجد : ياللي ما تستحين وانا ما تذوقيني
نجد بضحك : افاا عليك تعال ذوقها
حمد : ماش مو حلوه حق عهودي احلا
نجد وهي تضربه بالملعقه : تقلع اهم شي عجبت صقوري
صقر : تسلم يديتس
نجد : الله يسلمك يعيون اختك
حمد : الله يمغصكم
صقر : امش قدامي اقوول
طلع حمد و لحقه صقر والتفت لوعد الي كانت جالسه تحضر السفره
صقر بهمس : يوييل قلبي شلون بترك ذا الجمال كله يروح لغيري
رجع صقر لرجال وبدأ الكل بتحضير الاكل من جهه الحريم ومن جهه الرجال وبعد ما جهزوا السفره والأكل من كل نوع وبدو بالأكل وخلصوا من الاكل ورجعو المجلس يتقهون ويتمشون ببيت المزرعه ويستمتعون باجوائها وهواها البارد
التفت مشاري لفهد وهو يقول : شفيه صقر
فهد : حتى انا ملاحظ عليه مدري وش بلاه
مشاري : ان شاء الله ما يكون فيه شي
فهد : روح وشوفه دام انت اقرب له منا
راح مشاري عند صقر وضربه على كتفه مشاري وهو يبي يغير نفسيه صقر : صقوري شفيك
صقر : لا ولاشي بس احس بتعب شوي
مشاري : شكلك ما اكلت زين تبي اجيب لك اكل
صقر : لالا ما يحتاج بس بنام شوي
مشاري : متأكد؟
صقر : اي
مشاري : اجل روح نام وارتاح شوي
راح صقر الغرفه ينام ورجع مشاري عند العيال في المجلس
الجد : دام الكل موجود انا طالب يد بنتك يا ابو فهد لولدي صقر
ابو فهد باستغراب : وليه ما هو يجي يخطب و معه ابوه
الجد باحراج : الولد بحسبت ولدي وانا ماني بغريب عليك عشان يجي هالكلام منك
ابو فهد : والله انك على العين والراس يبو محمد ومن تبون؟
الجد : الصغيره
ابو فهد : عطنا كم يوم نشاور البنت ونرد لك خبر
الجد : خذو راحتكم
ابو فهد : يلا احنا نستاذنكم يارجال وما قصوتوا كثر الله خيركم
الجد : واجبنا يا ابو فهد، الله معاك
ابو عبد العزيز : ودعناك الله يبو فهد
اخذ عياله ابو فهد ورجع لبيته
التفت مشاري على هادي بصدمه : وش قاعد يقول جدي؟!
هادي : صقر منجد خطب؟!
مشاري : شلون يخطب وهو ما كان ناوي على الزواج
هادي : ما اطلع ولد عادل إذا ما كان سالفه فيها إنَ او ان جدي جابره على الزواج
مشاري : تعال نسأل عمي محمد
ابو صقر : خير ان شاء الله انت وياه ناطين عندي كانكم بهايم
مشاري : ياعم صدق صقر بيخطب
ابو صقر : وانا وش عرفني هذا هو جدكم عندكم اسالوه هو الي خطب له ماهو انا
هادي بتفهم : ياعم حرام عليك الي تسويه فيه تراه ولدك حسبت حمد واكيد اذا بيخطب بيجي يكلمك
ابو صقر : ما باقي الا انت تعلمني وش اسوي وش ما اسوي
مشاري وهو على اعصابه : طيب هو قال لك انو بيخطب
ابو صقر : لا ويلا وكل واحد على فراشه
قام مشاري وصقر من عند ابو صقر لأنهم عارفين ماراح يحصلون فايده منه ولا راح يلقون اجوبه على اسألتهم وعارفين ابو صقر زين لو بيسوي صقر شي ما درا عنه وكانوا منتظرين صقر يصحي ويسالونه
_
عند البنات
مجدُولين : شرايكم نطلع الحوش الأجواء تجنن وناخذ معنا فصفص وشاي ونروق على على الاجواء الي ترد روح
شهد : انتِ لو ما تتكلمين انسى انتس معنا من كثر ما انتِ ساكته
مها بضحك : حرام عليتس
مجدُولين : يعع سخيفه
عهود : خلاص انتِ وياها قوموا وبدون صوت لا تجي جدتي تغسل شراعنا
في الحوش بين الأجواء البارده و الحلوه جلسوا البنات حول بعض وهم مبسوطين من الاجواء الزينه
شهد : الحين يجيكم احلى حش
رند : ماراح تطير حسناتنا الا منتس
شهد : وش وراتس استغفري ربتس
مها : غريبه مافي صوت احد
نجد : حبيبتي الساعه ١١ من تبينهم يكون صاحي الحين
شهد : ببناااتتت
ريناد : انتِ ما تعرفين تسولفين الا بصوت عالي صدق انتس دفشه
شهد : يعني ما تبون اقولكم خبر
رند : ايش هو
ارياف : تحمست ايش الخير