احببتُها وانا جاهل بدروب المُحبين

البارت - 7

وحبها له مستعد يسوي اي شي ولا يتزوج لطيفه وقلبه يحب ويعشق غيرها رجع صقر عند للعيال
صقر : تكفون ابي فزعتكم
مشاري وهتان : ابشر، احتزم
صقر : ما عاد ابي الزواج بكبر
مشاري بعصبيه : تسهيل انت صح؟؟
صقر : لا مو قاعد استهبل اتكلم جد يا مشاري
هتان : وليه وافقت بالبدايه
صقر : عشان جدتي والله عشان جدتي افهمووو
مشاري : مو شغلنا
صقر : ابيكم لي عون تصيرون لي فرعون !
هتان : ماراح تلقى منا فايده روح كلم جدي وجدتي
صقر بقله حيله : كلمت جدي ورفض
مشاري : دام جدي رفض توكل على الله والله يكتب لك الي فيه الخير
صقر : مشاري كيف تبيني اتزوج وحده ما ابيها
مشاري : ما عاد فيه حل واكيد ابو فهد كلم بنته عن الخطوبه وبتوافق وابو فهد يكلم جدي وتروح تخطبها
حط صقر يده على راسه وهو ما يدري وش يسوي وتمنى انو عرف حُب وعد له قبل لا يخطب راح لجدته وباقي عنده امل تتكنسل الخطوبه ويخطب وعد
صقر بصوته الرخيم : يولدد طريقق
نجد : هلا شفيك
صقر : ناد لي جدتي
الجده : وش فيك ياوليدي
صقر : طالبتس ياجده انا ما ابي الزواج ولا ابي الزواج
الجده بخوف : ليه وش صاير
صقر : مو صاير شي بس انا ما ابي الزواج واحس تسرعت تكفين ياجده اقنعي جدي وقولي له ما ابي اتزوج
الجده : ليه ياوليدي لطيفه ما بتلقى زيها وبإذن الله ربي يكتب لك حياه حلوه معاها وتعوضك عن كل شي
صقر بترجي : العيب ماهو في البنت ونعم فيها بس انا ما ابي الزواج
الجده : ان شاء الله ياوليدي بكلم جدك وان شاء الله يقتنع
باس صقر راس جدته ولمح وعد عند الباب الي كانت تتسمع كلامهم
الجده : تبوس الكعبه
رجعت الجده للحريم وطلعت وعد من ورا الباب
وعد بصوت خافت : صقرر
صقر بحُب : عروق قلبي
وعد : كلمت جدي؟
صقر وهو ما يبي يقولها عن رفض جده : لا للحين بس قلت اكلم جدتي اول
وعد : ياربب يوافق
صقر بقله حيله : ان شاء الله ويلا انتِ ادخلي قبل لا أحد يجي
دخلت وعد وكانت حاسه ان صقر مخبي عنها شي دخلت عند البنات وهي مو متطمنه
-
عند الرجال
اتصل ابو فهد على ابو صقر وماهي دقايق الا وصله صوته وهو يقول
ابو صقر : هلا والله ابو فهد
ابو فهد : ياهلا فيك جاينكم باخبار زينه والأفراح الزينه ان شاء الله
ابو صقر : ما شاء الله قوول خل نفرح
ابو فهد : وافقنا على ولدكم صقر وان شاء الله جاينكم قريب ونحدد يوم الملكه
ابو صقر بحده وعصبيه : انت تعرف يا ابو فهد ماهو انا الي خطبت له ابوي الي خطب له ودامه ابوي الي خطب له روح علمه هو
ابو فهد بتفهم : تراه ولدك ولازم تفرح فيه وتوقف معاه ما توقف ضده
قفل ابو صقر بوجه ابو فهد بدون ما يرد عليه
ابو فهد وهو يكلم نفسه : انا ما ادري وش براسه ذا الرجال استخف ما عاد عنده عقل ولا وش بلاه
ام فهد باستغراب : بسم الله منو الي ماعنده عقل تكلم من انت؟
ابو فهد : ابو صقر عقله طار يقول مالي دخل بصقر ماهو انا الي خطبت له ماهو بصاحي في ذمتي
ام فهد : الله يهديه ويصلح حاله والله محد كاسر خاطري الا هالولد المسكين
ابو فهد : اي والله الله يكون في عونه
_
الساعه ٨ بالليل مطر والجو البارد
ارياف : يازين المطر صدق
مجدُولين : اي والله انتس صادقه
نجد : تعالوا نلعب بالمطر
الجده : ما تشوفين بالرعود جعلتس بالعمى
ارياف : لا ياجده استغفري ربتس حنا بوقت مطر
شهد : ياجده الله يهديتس مافي رعود ونبي نتمطر
ام مشاري : خليهم يمه يطلعون يستانسون
طلعوا البنات يلعبون بالمطر وهم مبسوطين ويضحكون ومستانسين بالمطر والجو الزين وكل وحده ترش على الثانيه مويا
عهود : المويا دخل باذني يحيوانه
شهد بضحك : اسفه ما شفتس كنت برش ارياف
عهود : لا يشيخه من الي قدامتس انا ولا ارياف
رجعت شهد تركض ورا البنات وترش عليهم مويا وهم يتخبون وشهد الي كل ما شافت وحده رشت عليها المويا
وعد : نجد تعالي نجي من ورا الجدار
نجد : قدداام
ما امداهم بيطلعون ويصارخون بصوت عالي من الي طلع قدامهم وطلع مشاري
مشاري : وجعل قص يقص لسانتس انتِ وياها
نجد : يمه خرشتنا من وين طلعت
مشاري : انتو الي وين رايحين وعد معتس بعد
وعد : انا بوجهتس يا نجد
نجد وهي تحط عيونها بعيون مشاري : يخسي يقربتس
جاء صقر وشافهم وما يدري هم مين وما كانوا متغطين بحُكم ان المكان كان ظلمه لف بوجهه وهو يقول : وش بلاكم هنا وليه طالعين كذا كاشفين
نجد : كنا نلعب بالمطر وطلعنا هنا نتخبى من شهد والبنات
صقر اول ما سمع صوت نجد : طلعتي نجودي ومن معتس
غار مشاري من سمع صقر يدلع نجد وهو ماوده احد ينطق اسمها غيره
نجد : معي وعد
صقر : اووه الحلوه هنا
مشاري : ولدد !!!
وعد : خلاص اذلفو بنروح
راح مشاري بعد ما نادوه العيال وصقر اخذ الفرصه وهو يبي يجلس مع وعد
صقر : لا ما راح تروحون وانتو كذا والعيال كلهم برا
مد صقر شماغه لوعد عشان يشوف رده فعل نجد
نجد وهي تضرب صقر : يحيووانن انا اختك خير تعطيها هي
صقر بضحك : اوهه احسب وعد انتِ
نجد : لا يشيخ صدق ما تستحي
صقر : يلا ادخلوا الحين تمرضون من الهوا و المطر
اخذت نجد الشماغ وغطت فيه نفسها و وعد
وعد بفرح : اهخخ احبببه
نجد بصدمه : تحبين مين !!
استوعب وعد على كلامها وهي تقول : ها لا محد
نجد : تكذبين على غيري مو علي
وعد : يووه نجد خلاص
نجد : لا يكون تحبين صقر؟
وعد : تبين الصدق اي احبه
نجد بصدمه : اسالتس بالله ؟؟
وعد : اي والله
نجد : شلون تحبينها وهو خاطب
وعد : كنت احبه قبل لا يخطب
نجد : يحبتس هو؟
وعد : اي وقال بعد بيكلم جدي وجدتي عشان الخطوبه وما ياخذ لطيفه
نجد : لازم اكلم صقر
وعد : لالا تكفين مو الحين
نجد : تستهبلين انتِ اذا كان صدق يحبتس ويبي يخطبتس لازم يكلم جدي و ابوي قبل لا يخطبونها له ولا تبين يخطبها وبعدين يتركها ويتزوجتس؟ لطيفه ماهي لعبه عند صقر
راحت نجد من عند وعد وهي شوي وتنفجر على وعد وما كانت تبي تقول كلام اكثر من كذا ويزعل وعد رجعت جلست عند البنات وهي ماهي معاهم بالسواليف وكل تفكيرها لطيفه
عهود : نجد شفيتس
نجد : ها لا ولاشي
الجده : يا نججد
نجد : لبيه
الجده : البسي عباتس واطلعي نادي لي جدتس
نجد : ابشري
لبست عبايتها وطلعت تنادي جدها والفضول ذابحها بتعرف وش تبي منه لقت حمد قدامها
نجد بهمس : حمد حمدد
حمد : وش فيتس
نجد : ناد لي جدي بسرعه
حمد : وش تبين فيه
نجد : مو وقتك جدتي تبيه
حمد : ماهو فاضي لتس
نجد : مو انا ابيه يحمار جدتيي
دخل حمد عند المجلس وهو بهمس لجده : جدتي تبيك
قام الجد بدون ما يرد عليه
الجد بحده : يا مره
وعد باستغراب : هذا مو صوت جدي؟
البنات : الا
شهد : بس مصيبه بتصير
مها : صدق مستحيل ما يكون فيه شي
نجد : خلاص انتِ وياها بنعرف السالفه من جدتي
في الغرفه
الجده : اسمعني يبو محمد انا قلت لصقر تزوج والولد ما كان يبي الزواج خير شره كلم ابو فهد نلغي الخطبه ولا......
قاطعها الجده بعصبيه وهو يقول : زواج وراح يتم وش تبون الرجال يقول عنا وحنا قد عطيناه كلمه !
طلع الجد من عند الجده متجه للمجلس جلس وهو يقول : بكره ان شاء الله نروح نخطب بنت ابو فهد لصقر
صقر بصدمه : يا.. ياجد بس انا ما ابي الزواج ليه تغصبوني
الجد بعصبيه : خلاص يا صقر كلامي لا ينعاد ومحد جبرك انت وافقت وخلاص شوف حياتك لمتى بتجلس بدون زواج الي قدك صار معه اثنين
صقر بقهر وزعل : بس يا جد وافقت عشان جدتي والله عشانها ولا انا ما ابيه ولاني بحول الزواج لا تظلمون بنت الناس معي
قام صقر من عند الكل واخذ وانيته بدون ما يكلم احد راح مكانه المعتاد مكان ظلمه وهدوء ولا فيه احد كانت الضيقه تاكل قلبه اكل ولا هو عارف وش يسوي مع جده الي ماهو راضي يوافق انسدح بتعب وضيقه طلع دخانه من جيبه وحط من شفايفه وهو يزفره بهدوء وتعب اخذه التفكير بوعد وكيف بتكون حالتها لو درت انها جدها رافض قام من مكانه واتجهه على الجدار يكتب قصيده
يقول فيها :

والله اني خابر ان القلب بالشده صبور
لين ردّى الوقت حالي و وجهي شيّنه
وان شكيت الهم ماني بعذور
وش اسوي مع نصيب عسى الله يزينه

كتب صقر هذي الابيات وعينه مليانه دموع مسح دموعه وراح متجهه لوانيته فتح صندوق الوانيت وانسدح فيه واخذه النوم بعد تفكييير طويل
_
نرجع شوي للعيال
بعد ما طلع صقر من عند العيال ركب وانيته بدون ما يكلم احد لحقه مشاري وهتان و بقيه العيال يركضون وراه ينادونه تجاهلهم صقر ولا فكر يرد على احد
الجد : اتركوه مارده بيرجع وين بيروح مثلاً
ابو عبد العزيز : الله يهديك يا يبه ما كان له داعي تغصب الولد شوفه راح ولا قال لنا وين بيروح
ابو صقر : ما راح يجيه شي ولدي واعرفه...
قاطعه مشاري بعصبيه : انت اخر واحد تتكلم سااامع توك تعرف انو ولدك بعد ما هجرته اكثر من ١٠ سنوات جاي الحين تقول ولدي !
هتان وهو يهدي مشاري : خلاص يا مشاري تعوذ من الشيطان
طلعت الجده بعد ما عرفت ان صقر راح ولا احد يدري وينه
الجده بخوف : وينه صقررر
هتان : بيرجع يا جده بيرجع ان شاء الله
الجده : يمه مشاري دق على صقر شوفه وينه وليدي لا يصير له شي والله ما عاد تشوفني معكم
مشاري : دقيت ولا هو راضي يرد ولا قال لنا وين بيروح
الجده : شلووون ما تدرون
ابو عبد العزيز وهو يدخل امه : خشي يمه داخل وصقر بيرجع ان شاء الله ادخلي بتتعبين الحين
الجده : اهخ حسره قلبي عليه كله مني انا الي قلت له تزوج وهو ما كان راضي
ابو عبد العزيز : يمه الله يهديتس وش ذا الكلام
دخلت الجده وقابلت نجد
نجد : عرفوا وينه صقر؟
الجده بيأس : لا
تاففت نجد وكانت تبي اي خبر عن صقر يطمنها عنه