هلوو حبايبي
***
لا تخبري احد بما تريدين فعله خططي نفذي
ثم اصدميهم
***
_ كان المؤتمر من ساعه سبعه لحد ساعه عشره
خلصت طلعت قبل الكل مااريد احد يعرف وين راح اروح طلعت بوجهي للعيادة طبعا بعد ماتنكرت
سويت شعري ذيل حصان لبست نضارة بدلت حذائي
وصلت حجيت مع السكرتيرة كالت عشر دقائق
كعدت اباوع للموقف الي اني بي وبقلبي ادعي علئ
سلام كل دعاء اعرفه نزلت دموعي بدون ماانتبه
طلعني من حالتي صوت السكرتيرة وهيه تمد اليه
كلاص ماء اخذته منها وتشكرتها بعدها
اجه دوري دخلت كانت دكتورة كبيرة لكن شكلها
مرتب وبسيطه ابتسمت الي ببساطة تواصلة وياها بالانكليزية بس كنت خجلانه مااعرف شااحجي
رغم اني مار ؏ راسي مئات مثل حالتي
كنت كل ماافحص حاله انقهر ؏ نفسي
اخر شيئ تشجعة وكتلها
حور ،، دكتوره اني اجيت لهنا حتئ اتاكد من عذريتي
لان تعرضة لاعتداء من صحيت كان الالم بكل جسمي
لذالك مااعرف شصار اريد ارتاح من هل هم
دكتورة ،، حسنا عزيزتي رغم ان ذالك لا يشكل فرق فهناك الكثير من الفتيات يلدون دون غشاء بكاره
حور ،، و لاكنهم يتعرضون للاضتهاد والقتل دون اي ذنب نحن مجتمع ذكوري ذات عقول متعفنه للاسف
دكتورة ،، للاسف هيا تفضلي
_ تتخيلون حجم الالم النفسي الي حسيت بي لا اكيد مراح تحسون لان الموقف الي اني بي حاليا
دمار للشخصيه دموعي تنزل وحيلي يرجف
واني اباوع عليها تلبس بالقفازات باوعتلي بحزن
صارت تفحصني للحضه حسيت قلبي راح يتوقف
صعب عليه سحب النفس او يمكن توقفت
عن التنفس لحد ماابتعدت مني والقادم اسوء
قلبي صار يوجعني من الخوف اخاف تحجي
وتاكد شكوكي خفت حتئ افتح عيوني لكن
الله سبحانه وتعاله مثل ماخله بداخلنه الجرئه
زرع ايضا ارحمة والطف مدت ايدها ومسدت ؏
راسي من سوت هل حركة فتحت عيوني بحذر
باوعتلها ساعدتني عدلت ملابسي كعدت علئ طارف سرير وهيه مبتسمه بوجهي بعدها حجة
واني قلبي ينبض بقوة ؏ اثر كلامها
دكتورة ،، اهدئي عزيزتي لا داعي للخوف مازلتي
نقيه تستطيعين اكمال حياتك دون اي قلق
_ شهكت بقوة ودموعي صارت عشرة عشرة
نزلت من السرير وصرة افتر بالغرفه هاذا يعني رجعت وكفت كدامها وحجيت بوضوح اريد اصدك
مسامعي وافهم بصورة اوسع كتلها
حور ،، يعني لساتني عذراء صح
_ ابتسمت الدكتوره بحب وهزة راسها
