هلو حبايبي
***
كل مايمر اسمك قلبي يرجفلك
***
تميم ،، حور اريدج بكلمين اذا ممكن ؏ المكتب
_ باوعتله ثواني وكامت وكفت بلا ماتحجي راحت وراه
وهيه تسمع الكلام من وراها مااهتمت كانت متوقعه هل شيئ اصلا من يوم جتي لهل بيت لحد اليوم مضلت
حجايه ماسمعتها منهم ودائما تسكت لانو تعرف مراح يتغير شيئ حتئ اذا حجة وتطلع صوتها لانو تميم مراح ينطي
بااهله عمودها مو عرف كل الي صار بيها بسبب رغد
هي الي تاامرت مع زيدان وعيشوها اشد عذاب نفسي لايام
شنو سوئ ليش سكت وماجاب طاري للي صار
لو ماتعرف بصدفه من سلمان كان ضلت جاهله الموضوع
بالاخر هي ينت غريبه وهذول اهله وناسه مراح
ينطي بيهم ؏ مودها مستحيل
_ حور دخلت للمكتب انتبهت قسم ورايه اشرت الها تنتظر كدام الباب رجعت اباوعله كعد ؏ المقعد الي كدام مكتبه رديت الباب ودخلت اشرلي اكعد كدامه فتت كعدت لا اراديا
لزمت صدغي بااديدي الاثنين احس راسي افتر
تعبت من طريق ومن الهوسه انتبهت ؏ صوته من كال
تميم ،، راسج يوجعج
_ حور باوعتله هزيت راسي بمعنئ اي هو يعرف
من راسي يوجعني اسوي هل حركه امسك المنطقه الي ؏ ح اعيوني باايدي ابتسم وهز راسه كام طلع بطل ماء من ثلاجه مالته فتح مجر طلع شريط بندول طلع حبه منه واجه وكف فوك راسي مدهن الي اخذتهن منه شربتها
خليت البطل ؏ طبله كدامي رجع كعد خمس دقائق ساكتين بعدها كال
تميم ،، شلون صرتي هل مسكن فوري
حور ،، لسه لكن مو مهم شنو ردت ليش طلبتني
_ باوعلي وهز راسه بعدها حجة
تميم ،، ليش جنتي تسكتين عن حقج من يجاوزن عليج
ليش ماترديهن ليش ماتكلين الي اريد اعرف سبب
_ صفنت عليه ثواني هو يضيع من تباوعله بهل نظره
بعدها حجة بسهو وكانها فاقده الامل
حور ،، شتريد مني اسوي مثلا اوكف بنص المطبخ لو صاله
واصير اعارك امك وام عداي ورغد وهاجر كلمه الي وعشره الهم وكله تجاوز وغلط وبالاخر تتدخل الزلم ويكلون مرتك ماتحترم ومو خوش ادمي معقوله اني اسويها
تميم ،، لا طبعا ماسويها متاكد من هل شيئ دكتورة مثلج
ماتنزل لهل مستوئ بس هاذا مو عذر
حور ،، باوع راح احجيلك شغله يمكن محاجيتها قبل
اني دائما اسكت لحد ماانفجر لكن مو بالكلام لا اخذ قرار
مصيري تحملت ضلم سلام الي عشر سنوات وفجاة بااسبوع واحد تزوجة الي اقوئ منه وتركته خلصت منه
لكن للاسف هو دمر علاقتي مع زوجي دخل شك بقلبه
وقلب حياتي يمكن لو مو هو يدخل كان تقبلت زهير
وكدرت اعيش وياه لكن بسببه زوجي كرهني واهاني
وضربني ابد ماانسئ شلون كان يعذبني تصور مره خلاني تحت الدوش اليل كله مربوطه ايدي ورجلي
