هلو حبايبي
***
لم اتالم هاكذا يوما حتئ عندما واجهة موتي
***
_ صدمة شفت شيئ مشايفته بحياتي ناس اول مرة اشوفه حسيت نفسي بنص مستشفى مجانين مو بيت دك ولطم وعياط وبجي وحجيله تنعي وهنه يردن اريد افهم شكو مااعرف اكو نسوان واكفات قريب عليه يم باب غرفتي تقربت لزمت وحدة من ايدها كتلها
حور ،، شكوو ليش يعيطون
_ الادب سزز دفعت ايدي وضلت صافنه بوجهي
تركتها صارت تفر باايدها وتسوي هي بهي بصوت ناصي
رجعت دخلت للغرفه كعدت اتصل ؏ تميم مااعرف ليش
قلبي انقبض كلت هوة يعرف اكيد كل الاخبار عنده بعد مئة
مكالمه تقريبا ماكو رد لا لا مستحيل هوة ميتجاهلني
كلش يحترمني رجعت طلعت من الغرفه لازم اعرف شكو
وقفت ؏ صفحة اريد افهم شكوو هوية الرجال برئ
دخل هارون يركض صعد للطابق الثاني دخل الغرفة تميم لان هيه مقابيل الدرج هنا اني انتهيت بعدها سمعت وحدة دخلت تصيح عيوني ابو فهد عمت عيني عليك عمه
اويلي يابا شكالت روحتك يبو طول الحلو
من سمعت كلامها دموعي صارت تنزل بغزاره واحس حروره علئ صدري اباوع الدم ينقط من خشمي دخلت للغرفه سديت الباب وكعدت ؏ طارف سرير دنكت راسي ضليت اباوع شلون قطرات دم تنزل وحدة ورئ الثانيا ؏ الارض وشكلن بركه صغيرة وكل ماتنزل قطرة تعرض
من ركزت بدم انعادة عليه احداث الماضي كلها شكل عمر وهم يخلونه بالكيس الاسود والدم الي ؏ الارض وراس دكتور كريم الي نص منه ماكو ايلا وهيه فاتحه عيونها ؏ وسعهم تمنيت بذاك اليوم مكايمه من مكاني مرايحة للحمام كان ذبحوني وياهم كان خلصت من كل هل عذاب
حبيت عمر مثل حيدر اخي اصلا شفت بي اخويه
وخسرته وهسه تميم هم نفس الحاله لان صرت قريبه منه ويحميني وحسيت بالامان وياه راح خسرته اني وجه شئم
ملازم اعيش اصلا اهلي ماتو واني طفله اهلي بتبني
ماتو كلهم مقتولين وهسه عيالي اخ احس قلبي يوجعني
ضليت ؏ هل حاله نسيت نفسي ونسيت الدنيا اصابي احسها تغلي غليان بهدوء صرت احس سواد يبتلعني راسي ثقل وانفاسي تسارعة هاذي علامات الموت اي خلي اموت اصلا كان لازم اموت من زمان مااكدر اطلع واشوف باجي شلون تضرب بوجها
وتصيح انكسر ضهري و لا اكدر اشوف حجيله شلون
ترجف وعيونها الحلوة الي ماينزل منها الكحل غركانه بدمع
نمت واني متاكدة هاذا حدي اعصابي انهارت متحملت
كم مضئ وقت مااعرف حسيت ؏ صوت اجهزة طبيه
فتحت عيوني بثقل الغرفه بيضه والستائر زرق وجهاز تنفس
علئ حلكي حاولت اذكر مكدرت اباوع ماكو احد راسي
احسه طابوقه من ثقل باوعت سيروم و وبطل دم معلك
