هلاو حبايبي
***
لامبالاه وهدوء يتضخم يوم بعد يوم
***
_ حور مر خمس اشهر ؏ انفصالي عن تميم واربع اشهر ؏ استقراري هنا بااربيل
_ كم مرة التقيت بتميم كان القاء شاق بالنسبة الي
لذلك صرت احاول دائما اتلافاه لانو مااكدر اضعف كدامه
~~~
شهر حزيران الجو حار نار رجعت من المستشفى توجهة للعياده مباشرتا من دخلت شوي ارتاحيت لانو تبريد جيد
كعدت احاول التقط انفاسي دخلت راما مساعدتي
راما ،، دكتورة اهلا خير ليش هيج شكلج
_ رفعت راسها حور باوعتلها ورجعت غمضت عيونها
وارتجت ؏ سناد الكرسي مالتها ماده رجليها
حجة بتعب
حور ،، مااعرف احس روحي مايعه الجو ميساعد
راما ،، اجيب الج شيئ بارد تشربي
حور ،، ايس كوفي لكن احرصي انو يكون سكر دايت
راما ،، حاضر
_ طلعت راما وحور كامت وكفت نزعت القميص
ضلت بسطرابلس كان ابيض حرير في تور من صدر ومن الطرف رجعت لفت شعرها و رفعته وخلت القراصه
الي كانت عباره عن فراشه ذهبيه ونازل منها سلاسل
باخرهم كرستالات كلش انيقه نزعت الحذاء ولبست
سليبر مريحه رجعت توجهة للمغسله غسلت و تعطرت
خلت مرطب شفه رجعت كعدت ؏ مكتبها اخذت تلفون
ثبتته ؏ المكتب وخلت الايربت بااذنها اتصلت ؏ فهد
اكثر من مره ماكو رد وجها امتعض كامت وكفت
رجعت اتصلت ؏ هدئ ثواني وردت عليها
هدئ ،، اهلا حور
حور ،، اهلا هدئ اسفه ؏ الازعاج بس اتصل ؏ جهاز فهد ماكو رد ليش
هدئ ،، ماكو شيئ لتخافين فهد نام قبل ساعه و رقيه عنده اي شيئ يصير تبلغني اطير طيران لعنده
حور ،، تمام اصلا لو ماانتي مااخلي هناك
هدئ ،، ترئ شيخ ممقصر وياه والله
حور ،، اعرف بس اخاف عليه من هذن التس اخاف ياذنه
هدئ ،، شحدهن غير البيت كله كامرات حتئ غرفة
فهد شيخ خلاها تحت المراقبه مو تدرين
حور ،، تمام حياتي اخذي راحتك
هدئ ،، حور انتي بالعياده
حور ،، اي ليش
هدئ ،، لا هيج عود بعدين اخابرج اكيد مشغوله
حور ،، لا احجي شكو
هدئ ،، ماكو شيئ مخبوصين
_ مااهتمت وحجة تجاري هدئ
حور ،، ليش شكو
هدئ ،، يمكن كعده
_ بهل اثناء دخلت راما بعد مادكت ؏ الباب اشرت الها حور تخلي الطلب ؏ المكتب وسوت الها بحركة تعبيريه گ شكر
ابتسمت راما رجعت حجة الها حور
