هلو حبايبي
***
امضي بلا خريطة علئ طريق طويل وموحش
***
_ طلع وتركني اتخبط باافكاري هاذا شيطان والعواذ بالله
افكارة محصورة حول موضوع واحد والي هوة رغباته
توجهة للحمام غسلت وطلعت لبست بجامتي وقميص مالات نوم فتحت شعري رطبت وجهي وشفايفي وماعرف ليش حبيت اخلي عطر يمكن حتئ يتعدل مزاجي شويه
رحت دثرت روحي وغفيت وكل اليل كوابيس كعدت اصبح
راسي ثكيل وروحي مايعه كوه افتح عيوني لحد لان مرديت خبر العمر المشكله مااريد احد يعرف مكان المزرعه
بس عداي ثقه مراح يحجي بس اذا صار مصار بيوم من الايام راح يحجي اوف افضل شيئ اخذ هدئ وياي واروح
طلعت موبايلي اتصلت ؏ تميم وين كان عقلي ماادري الرجال بعده نايم خرعته رد عليه صوته ابح وكوه يحجي كتله بخجل وارتباك
حور ،، نايم
تميم ،، لا بويا دالعب دعبل وسط سلف
حور ،، جدا اسفه اخابرك غير وقت كمل نومتك
_ سديته بدون مااسمع رد منه من كد مارتبكت
_ خلت ايدها ؏ حلكها وتفتر بالغرفه من الفشله بهل اثناء اتصل هوة ضلت صافنه ارد لو لا اخر شيئ ردت
تميم ،، حووور ليش سديتي بوجهي
حور ،، بصراحه كلش خجلت لانو كعدتك من النوم
تميم ،، مصار شيئ بويا جنت راح اكعد اصلا ليش اتصلتي محتاجه شيئ
حور ،، لا سلامتك بس ردت اطلب منك طلب بس اتمنئ متفشلني بليز تميم بليز
_ عند تميم كان نايم ؏ بطنه ويحجي من شاف الموضوع جدي وطلب وتتوسل كعد ارتجئ ؏ تاج السرير وحجة بجديه وهوة يرجع شعره ليوره
تميم ،، اسمعج احجي
حور ،، مااريد احد يروح وياي للمزرعه
_ استغرب طلبها سئلها بسرعه
تميم ،، ليش
حور ،، باوع يمكن راح تشوف الموضوع سخيف بس بالنسبة اليه كلش مهم بصراحة مااريد احد يعرف شيئ
عن حياتي سابقه او املاكي او حتئ الناس الي اتعامل وياهم
_ كطب حواجبه بحيرة حك كصته ورجع سئلها مستغرب من تصرفها الغريب
تميم ،، ليش عود
