هلوو بارت قصير مفاجئ
***
بكثرة الصمت تكون الهيبه
***
_ كل اليل مكدرت انا مو مقهورة ؏ زهير لا ابدا
اصلا ولا همني لكن الي زاعجني اذا طلعت من هل بيت
وين اروح هم ارجع وحيدة وماعندي لا سند ولا ضهر
هنا حسيت اني صدك انسانه اكو من يسمعني ويخاف عليه
اني استحق هيج عائله بس حظ معندي طلع زوجي العزيز
ميفيد شكلي اخذت الثمرة الفاسدة بهل صندوق
اوف نمت الفجر واني حايرة شلون راح اصرف اخاف اضعف اخاف مااتحمل حتئ هدئ محجة وياي او بالاصح اني مالي خلك احجي مع احد
كعدت صبح ؏ صوت الباب
حور ،، ادخل
_ دخلت هدئ باوعتلها ورجعة تغطيت نعسانه
هدئ ،، كومي كومي عندج موعد ويه دكتور
حور ،، اريد انام مااروح
_ تقربت هدئ كعدت يم حور ؏ طرف سرير وضلت صافنه عليها بعدها حجت بحزن واضح
هدئ ،، اعرف بيج مقهورة بسبب افعال زهير
ليش مطلبين طلاق وتخلصين
_ رفعت الغطئ وكعدت باوعت الهدئ وحجة
حور ،، مصدكت صار عندي عائله وبيت وحسيت بالامان
واني نايمه الي مايوم توقعته اجي هسه بساطه اتركه وامشي لا والله مااطلع عتبت الباب هاذا بيتي وهذول عائلتي واذا زهير حاول مجرد محاوله يااذيني اخلي الشيخ
وعمي يطيحون حضه اما اذا طلقني عادي نطلع اني وياج بيت وحدنا ومااحلانه وهم اطلع اني المضلومه
هدئ ،، حور انتي مدركة الوضع راح تجي مراة ثانيه
وتشاركك زوجك
حور ،، مراح تشاركني راح اتركه الها كله هم لايقين ؏ بعض
هدئ ،، وهسه
حور ،، هسه طلعين برئ حتئ اغسل واجهز نفسي لاستقبال زوجي العزيز وزوجته المصون
هدئ ،، ماشي راح جهزلج الريوك
حور ،، الجو حلو خلينا نتريك بالحديقه
هدئ ،، من عيوني
_ كامت هدئ طلعت وحور توجهة للحمام غسلت وبدلت
فستان احمر دموي مرصع بالاحجار من اطرافه طوله نص الساق يضهر سيقانها ناصعة البياض مخصر من صدر يبرز صدرها بشكل مثير لكن مو كاشف لفت شعرها بطريقه فوضويه طلعت كذله قسمتها ؏ صفحتين ؏ طول وجها
