هلو حبايبي
***
اتئ وكانه روحآ لروحي
***
_ حور صار شهرين واني هنا للصراحه اغلب وقتي بغرفتي
قليل اطلع واذا طلعت لو اروح اسوي شيئ اكل لو اروح اشوف زهير اخاف محتاج شيئ اسوي الازم وارجع اني شغل بالبيت مااشتغل صراحه
اسمع حجي من ام عداي بس مااهتم يعني ششتغل مثلا
امسح لا والله مااكدر احسها اهانه الي يردون اجيب بدل المساعده اثنين مال ممتعوده اخدم احد من بقيت يم باجي رحمة كنت اوكف ويه زينه بالمطبخ واحيانا اشتغل بدالها بس ذولاك يختلفون و نازكين مو مثل هنا اختلاف شاسع هنا من المواعين من اشوفهم يريد يغمئ عليه كل وقت
المطبخ متروس لانو كله عزايم وضيوف واغلب الاحيان يكون في نسوان مااعرفهم من المنطقه يشتغلن ويا ام عداي من يكون اكو خطار ام عداي تطبخ الله شاهد اكلها مايتاكل لكن هم متعودين عليه كله تطبخ كدور المهم عوفنه من شغل من انداريت بهاي الغرفه طلبت كل شيئ احتاجه
من جديد لان من رجعت هنا ماجبت شيئ بس هدومي كم قطعه وجنطت الكتف بيها كم حاجه كل اغراضي بقت بااربيل بالمزرعه لذالك اضطريت ارجع اجهز من جديد هل مرة مطلعت طلبت كل شيئ
احتاجه طلب من اجه المندوب طلعت عليه وصل اصبح ساعه عشره الولد ماموجودين طلعت اني حاسبة الولد
وراح صرت ادخل الاغراض وثراء ساعدتني محد حجة
بالاخر اني مااخده شيئ من احد هاذا مالي واني حرة
علئ هل حال مشت ايامي مرات من اروح اشوف زهير
يتعارك ويا ليلا ماادخل وهم من يشوفوني يسكتون
اني اقضي شغلتي واطلع لكن ليلا تبقئ تخزر بيه
اعذرها اكيد هرمونات حمل واصلا شكلها يكسر الخاطر
ل
كن اكثر من مرة اسمعها تكول
ليلا ،، ترئ لعبت روحي منك شسالفه ترئ ذيج هم مرتك
ماتخليها هيه تسبحك وتغسلك هاذا هم حضي
زهير ،، انتي شتردين بضبط انه جابرج ؏ ولي اطلعي
ليلا ،، هم طالعه بس الها وكتها
زهير ،، لا من هسه ولي
ليلا ،، حتئ يفضالك الجو انت وياها واني بس الهم الي
زهير ،، لعد اكعدي وانجبي
ليلا ،، مااكعد اني بس اولد اريد ارجع اكمل دراستي
زهير ،، يولي يادراسه اخاف حنيتي لايام الخوالي
ليلا ،، حجي يفيدك لا والله ادرس وغصب عليك
