هلو حبايبي
***
مهما كان شعورك لا تضهر ضغفك الاحد
***
_ اعرف نهاية هل حديث شنو اكثر من مرة
بالاخير اطلع بااكثر من كسر بعضامي لذالك افضل
حل انسحب بكل دبلوماسية من يمه
باوعت عليه بطرف عيني مغمض عيونه لكن طابك حواجبه بغضب شكله مريب تململت حتئ اكوم زئر
حور ،، لازم ارجع للمستشفى شفت الثاني راح يبدا
_ حجة بصوت بارد مخيف
سلام ،، مراح تخرب المستشفى اذا مرحتي دكتورة
حور ،، عندي عمليات واني اخذ وردية اليل
سلام ،، سويلي اكل جوعان
_ اوف ياربي دخيلك تالي شلون خايفه لا ارتكب جريمه بي واضيع عمري بسبب واحد حيوان مثله
هزيت راسي بدون صوت وكمت كبل علئ غرفتي
حتئ هل شقه كرهتها ساعة السودة من اشتريتها
لو ضاله بشارع احسن اليه صارت مقبرتي كل مااجي لهنا اموت الف مرة طبيت للحمام قفلت الباب زين
مال الغرفه و الحمام نزعت ملابسي وكفت اباوع
الجسمي بمراية الحمام الطويله عبالك مسويه حادث
مروع الكدمات واثار بكل مكان خاصرتي توجعني
ماضل بيها مكان مامتاذي سبحت بسرعه وطلعت جففت شعري وبدلت ملابسي القديمات ذبيتهن
بالحاويه لبست بنطرون و سويتر كبير بحيث
يغطي كل جزء من جسمي حتئ محد ينتبه للكدمات
طلعت للمطبخ عل مستعجل سويتله اكل لحم مقدد
مع سلطة بطل لبن مع ماء خلصت خليتهم عل طاوله
بالمطبخ ورحت اخذت جنطتي ردت طلع
سمعته كال
سلام ،، عيني عليج انتبهي
_ بلعت ريك وطلعت احس العالم كله يشمئز مني
احسهم يشوفوني عارية وكل شيئ اخبي واضح كدامهم بسبب نظراتهم اليه مااعرف اني هيج احس
اخذت تكسي وكبل للمستشفئ وصلت نزلت امشي
بعجله بلا ادراك عبالك زومبي هوة هم صدك اذا شفتو
جسمي مع تصرفاتي راح تكلون زومبي بدلت
ملابسي لبست تشيرت ردان طويله رقبه تور
بعدها زي العمل مالتي مااكدر البسه وحدة بسبب
الكدمات اخجل اذا احد شافهم وسئلني هاي شنو
شكله لذالك البس بدي جو الزي رجعت لبست خف
الطبي هاذا الابيض مريح لان امشي هواي للعلم
اني دكتورة الوحيدة الي تلبسه وماتسنكف باقي
الزميلات ابد مايلبسوه رجعت لفيت شعري كعكة فوضويه وخليت كاب مال الاطباء اخذت سماعه و قلم ودفتر
