هلوو حبايبي
***
لست صالحة بما يكفي لكني احاول اصلاح ذاتي
***
_ مانمت كل اليل افكر بردت فعل زهير اذا طلعت بدون
علمه لكن مضطرة بالاخر هاذا شغلي ومستقبلي
ومو اي شغل شلون خلص اليل مااعرف
كمت غسلت وبدلت ورتبت نفسي ؏ حسب الاصول
الكل يعرف اني تزوجة والناس الها الضاهر صح
اها محد يهتم كونهم ناس بسطاء لكن هناك الناس
تختلف شياطين راح يستغلون اي ثغرة حتئ يستخدموها ضدي ويشوهون سمعتي گ دكتورة لازم اتصرف بحذر
كمت طلعت قميص وبنطرون وسترة وحذاء كعب عايزني طول بس ماتكمل اذا مو كعب لان اله الف معنئ
لبست وكفت كدام المرايا سويت شعري لفيته وخليت اطرافه مفتوح وكذله طويله نازله ؏ وجهي
سويت ميك اب بسيط لبست مجوهرات بسيطة واكيد لازم
خاتم زوجي الي اني اشتريته اكيد مو زهير
اخذت جنطتي خاليت مستمسكاتي بيها وكم غرض
نزلت الجوة توه مكشف البيت هدوء اضن تميم نايم اني
مستعجله لو هوة متاخر مااعرف لكن لازم اكعده رجعت صعدت الغرفته هيه طبك غرفتنا دكيت الباب بهدوء كال
تميم ،، دقيقه
_ رجعت ابتعدت من الباب وقفت اباوع للصاله من فوك
حجيله طلعت من الحمام فرشت مصلايتها وكعدت تصلي
وتكبر بصوت عالي متقصده حتئ تكعد الي بالبيت
بهل اثناء طلع تمام باوعتله شافني دنك كتله
حور ،، صباح الخير ؏ بالي نايم
تميم ،، صباح الخير لا يابا يلا تفضلي
_ نزل واني وراه صبح ؏ حجيله وطلعنا صعدت يمه بصدر
لان هوة الي يسوق من طلعنا شفت سيارة ثانيه ورانه
مااهتميت اكيد عنده مرافقه وصلنا المطار كل شيئ جاهز
ربع ساعه وطرنا البغداد اقل النص ساعه وصلنا
نزلنا بمطار بغداد وحدنا جماعته مااجوي ويانا هيج فكرة
بس طلعنا باب المطار تلكاه واحد لابس رسمي تقرب
منا كال
_ اهلا وسهلا شيخ نورت
تميم ،، اهلا بيك ادم كل شيئ جاهز
ادم ،، اكيد شيخ تفضل
_ اتجهنا للسيارة الي اشر عليها تميم صار كدامي فتحلي الباب صعدت وسدها ورجع صعد من صفحة ثانيا كعد
وهوة يحجي وياادم
تميم ،، شلون الولد هنا
ادم ،، كل شيئ تمام بفضلك شيخ
تميم ،، خوش خلينا نتريك بالاول
ادم ،، تدلل شيخ
