هلاو حبايبي
***
بالاخير كلما سننجو ولكن لم نعد نحن
***
_ تركها وطلع وهي ذبت روحها ؏ سريرها ترجف
تحس نار بداخلها ماتعرف شلون تصرف وهي بهل وضع
باوعت ؏ رجليها ؏ الخلخال وابتسمت بحزن بهل اثناء
سمعت صوت طلق فتحت عيونها ؏ وسعهن كامت بسرعه
نست عمليتها حست سكين انغرز ببطنها كعدت ؏ ركبها
ودموعها صارت تنزل اثر القلق والالم ماكدرت تمشي
لكن صرختها هزت القصر هز
_ حور اسمع صارت هوسه بعد صوت الرصاص وكع قلبي بمعدتي شلون مااخاف وتميم هنا اذا هو موجود كل شيئ
اتوقع اضافه الئ خوفي عليه اذا صار علي شيئ
هاي نهايتي شيخ اهله وعشيرته والكل يموت عليه
اذا كال الهم موتو يموتون بدون ميعرفون سبب
مااعرف سر هل شخصية ابدا شكل ماهو طيب ولطيف
غامض وقاسي الكل يحسبله الف حساب
حتئ امه وابوه ليش مااعرف رغم ماشفت عليه شيئ
بالعكس هادئ وحنين ؏ الكل ودائما يبتسم بوجه الصغير
والكبير الكل يحبه ويحترمه و يخافون عليه
من سمت صوت رصاص الف سيناريو صار يدور بعقلي
احس عقلي ارتج اضافه الئ الالم الي صار مثل سكين تقطع بااحشائي صرخة بعلو صوتي لانو مااكدر اكوم
وانزل اشوف شكو ضليت ؏ كعدتي لحد ماغوشت
عيوني حسيت نفسي راح افقد بهل اثناء سمعت صوته
يحجي وياي وحسيت بلمساته وهو مكور وجهي بكفه لكن صوت بعيد اسمعه مثل صدئ ايدي ؏ بطني
لانو الالم صار كلش قوي حست رش ماء ؏ وجهي البروده
انعشت روحي صرت اسمع واشوف لكن رؤية مو واضحه
تميم ،، حوور حورر حبيبي عاينيلي ماكو شيئ والله ماكو شيئ لتخافين
هدئ ،، غسل وجها هاذ ماي بارد وخلي تشرب
_ اخذ الماء من هدئ وصار يمسح ؏ وجها راسها ؏ صدرة
حاضنها من تحت جناحها ضامها الصدرة
تميم ،، حوووري حبيبي اصحي بوياا شوو عاينيلي
_ فتحت احاول اركز ابتسم وتقرب باس عيوني وكال
تميم ،، بحر مو عيون بويااا اغديلهم فدوه
_ صعب عليها تبلع مافي جوفها تريد تحجي تكله شصار ماتكدر لكن مو مهم اهم شيئ بالنسبة الها حاليا هو بخير ويمها ومابي شيئ لكن فجاة فتحت عيونها ؏ وسعهن وحجة بصوت يرجف بهل احواله
حور ،، سسللمان سلمان
_ طبك حواجبه بعدم رضئ ليش لحتئ تسئل ؏ سلمان
حس الغيره تنهش روحه فرك وجها بغضب وحجة من بين اسنانه
