هلو حبايبي
***
كنت اتمنئ ان تختفي من حياتي لا من الحياة
***
حسابي واتباد والانستا jnaaldaudie تابع لطفا
***
_ احيانا يكون جسدك بصحه جيده لكن روحك مرهقه
وهاذا من اقوئ انواع العذاب والتعب النفسي من تكون روحك متعبه وتحس بالالم تحس نفسك تكره حتئ
الحياة تحس نفسك ثقيل ومتكاسل هاذي حالتي حاليا
روحي مرهقه مالي خلك لشيئ ابدا
كمت غسلت بدلت ملابسي شلون مكان مالي خلك لبست فستان اسود و سليبر مناسبه لفيت شعري بااهمال بس اكيد رغم كل شيئ مااكدر اتخلئ عن المرطبات و العطر
كملت طلعت مباشرتا للمطبخ الكل بصاله لانو وقت الغدا
وهنا عدهم اوقات الطعام لازم الكل موجود هاذي رغبة
ام هارون ولازم الكل يحترمها بس اني بلا قصد احيانا
مااحضر لان اكون تعبانه وهيه تعذرني اخذت قوطية
موكا لان مالي خلك اسوي قهوة خليتها بكلاص
وكعدت باالمطبخ ؏ طاوله رغد وثراء يحضرن الغدا
مخبوصات شفته كتلهن
حور ،، ليش مسعجلات اكو احد
ثراء ،، ياا حبيبه غير اهل العروس يردون يرحون وعمتي
كالت خلي يتغدون قبل لا يطلعون
حور ،، ليش اجوي
رغد ،، كولي ليش مراحو من البارحة واليوم مكابلاتني وكاعدات الئ خذاها يلا ارتاحن ماسمعتي سون علكن الدنيا
ممصدكات حتئ شيخ تخبل
حور ،، قصدج دخل عليها شو هسه ليش
ثراء ،، ياا شمالج خيه مو تدرين زهير تخربط عبن جماعته
مشربي حبايه مال استغفر الله ماكدر باليل وجابوله طبيب
حور ،، هاا وهسه شلون صار
ثراء ،، اصبح كعد احسن عمي وعمتي اكلو راسه عاد
هوة سبح و تريك وصعد الها عاد الحمد الله فضت
حور ،، جيد اساعدجن
رغد ،، اي عفيه كومي سوي زلاطه ولبن خوش تسويها
حور ،، ماشي
_ كمت وياهن اريد الهي نفسي سويت مقبلات كذا نوع
و سلطه وحضرتهن مطولت نص ساعه
ثراء ،، الله شكلهن يفتح النفس
رغد ،، مو كتلج تخبل مقبلاتها اني ضكتهن قبل مره
حور ،، بالعافيه رايحة اشوف فهد
ثراء ،، روحي حبيبه
