هلو حبايبي
***
حب الذات ليست أنانية بل أهمية .
***
هدئ ،، اول مرة اجرا واحجي لان قبل مكان اكو شيئ مهم بحياتي لكن الان اصبح لها معنئ حتئ لو كان عذاب
فشعور بشيئ افضل من لا شيئ
_ قبل كنت مجرد ممرضه الكل يحبها وعلاقتها جيده مع الجميع المستشفى بيتي كنت مميزه لقصر قامتي اني مو قزمه لا طولي طبيعي مئة وخمسين مع جسد ممشوق
بمعالم انثويه مناسبة و ملامح رقيقه ملفته شعر اجعد بني
مع بشره حليبيه وعيون گ عيون الغرال برموش
كثيفه و انف مناسب
_ مااعرف شنو عائله ولا اعرف شنو يعني تكوني سيدة بيت
كل حياتي اكل بالمستشفى او جاهز مااعرف اقلي بيضه
يمكن لو جربة كان ممكن اتعلم لكن اني مكان عندي
وقت او مكان حتئ اتعلم لذلك تعودت ؏ هل وضع
وللصراحه كنت مرتاحه لانو مقرره مثل كثير ممرضات
افني حياتي بخدمة الناس الي تحتاجني
هنا بالمستشفى كنت انام واكعد هنا بغرفة الممرضات
مكنت مثل البنات كان عندي من الملابس بلوزتين
وبناطير اثنين وشوز وجنطه صغيره للمكياج نادرا مااستخدمها خالتها باخزانه الخاصه بيه مع جنطه كتف
مثل مال طالبات حجم وسط سوده والله هذول كل ممتلكاتي تبديلتين من الملابس وشوز و جنطه وجنطة مكياج صغيره وعطر واحد مااغيره احبه كانت حور تشتري الي كل مايخلص مااعرف شلون تعرف انو عطري خلص
تعرفت ؏ حور اول مااجت بالمستشفى گ متدربه كانت وقتها حديث المستشفى وين مااروح اسمع الممرضين
الدكاتره الموضفين لدرجة صار عندي فضول اشوفها قسم يكول متعجرفه ومغروره وقسم يكول بيها توحد
لحد مايوم وجهتني رئيسة الممرضين كالت اليوم راح ترافقين دكتورة حور رحت لعدها غالبا كنت اشوفها من بعيد
ممتقربه منها لكن اليوم اول مره اتعامل معها
فلاش باك
_ رحت ؏ المكتب الي يكعدون بي الاطباء كانت لساتها
فترة تدريب ماعدها مكتب خاص الاطباء جدد كلهم يجتمعون بغرفه وحده قبل لا ادخل طلعت ضليت اباوع عليها مااعرف شااحجي تخطتني وفاتت ضليت صافنه وراها بنيه طويله جسمها يعج بالانوثه جميله بشكل ملفت
للنظر لكن الي ادهشني وقتها هدوئها وطريقة تعاملها
مكانت مثل مسمعت ابدا
بيومها من تخطتني وفاتت تمشي بسرعه رجليها الطوال
يساعدنها اكثر ركضت وراها واني الهث كتلها
هدئ ،، دكتوره حور
_ مردت صحت عليها مره ثانيه التفتت عليه وكالت
