هلو حبايبي
***
وجود العقل في الراس امر متفق عليه
ولكن ان يكون يعمل امر مشكوك فيه
***
زهير ،، تعبت من الاعذار كافي اكو سبب لازم اعرف شنو الي يمنعج من مقابلتي احجي
حور ،، ماكو شيئ بس شغلي ماخذ كل وقتي
زهير ،، عذر
حور ،، مضطره اقفل يلا مع سلامه
زهير ،، الله وياج
_ انهت الاتصال واخذت نفس عميق ابتسمت
بحزن شكد اجلة هل لقاء لكن مصيرة يتم طلعت تلفونها واتصلت علئ زينه زوجة مشتبه
حور ،، هلا حبيبتي شلونج
زينه ،، هلا والله الحمد الله انتي شلونج شذكرج بيه بذاته
حور ،، اوي عمري وربي دوم ؏ بالي بس تعرفين
شغل ماخذ كل وقتي اي شلونكم شخباركم
باجي شلونها
زينه ،، الحمد الله الكل بخير انتي شخبارج
حور ،، الحمد الله بس لو اخلص من هل بلوه سلام
زينه ،، عزة لساته ملاحكج
حور ،، مصيبه اكلج شوكت نزل
زينه ،، البارحة وسمع بسالفة هاي المراة المتوفيه
وتخبل عليج يولي يكول خما احد اذاها
عاد مشتبه كاله انت معليك بيها وفهوة سكت
بس وجها صار ينطي الوان
حور ،، هااا يعني السبت يلتحق مو
زينه ،، اي ليش
حور ،، لا هيج بس حتئ اخذ حذري
زينه ،، اوف شوكت تنهون هل عداوه الي بينكم
حور ،، من يموت واحد بينه
زينه ،، اسم الله اكلج ماتجين والله مشتاقين الج
حور ،، من يروح اجي
زينه ،، انتظرج لعد
حور ،، ماشي حبيبتي سلمي ؏ مشتبه
زينه ،، يوصل حبي الله وياج
_ عرفت شوكت نزل وشوكت يروح هيج تكدر
تاخذ راحتها بيتها لان من هوة هنا يكرها عيشتها
ونوب هاذا هم لاطش خرب شلون ورطه
