هلو حبايبي
***
لم اكن اعلم ان العوض سيكون مُعجزة ؏ شكل انسان
***
حجيله ،، يااا يااا صوت ابو محمد غير دكونه
اليوم لكلب عاليها واطيها خاب ناوشوني هل باكور
ابو عداي ،، حجيه كولي يالله
حجيله ،، خاب وين زلم فزعوو خايبين دكوكم
تميم ،، حجيله خذي هاي يمج خليني اشوف شكو
حور ،، لا حباب لا تموت لا تعوفني مثلهم لاااا
_ كانت حور متعلكه بذراعه وترجف وهو حاضنها لكن مضطر يطلع مع رجاله باوعلها بااسف ؏ حالها وحجة
تميم ،، ولج مااموت شبيج تسخفيتي شو اكعدي هين چرب حجيله خل اشوف شسالفه
حور ،، لاا لاا فدوه لا تروح
_ دفعها وطفر وهيه مجلبه بذيال دشداشته تبجي وتتوسل
بي منظرها يقطع القلب انقهر عليها اكثر من الي دايصير برئ طلع صار بوجها عداي شايل حضن سلاح رشاشات ؏ مسدسات سحب تميم وحده منه وطلع يركض كدامه
حجيله ،، اخ لو جنت بحيل كبل چا غير انعل جديدهم
ام هارون ،، حبوبه شمالج ماتركدين تراها فزعت زلام يحلوها اركدي بالله عليج
ام عداي ،، تهرفلت العجيز
حجيله ،، چااا هينه يالعوبه يدكون بيت شيخ
حور ،، بيبي فدوه اهدئي الوضع خطر عليج برئ
ام عداي ،، اها هاا حجة الفاهيه اسمعيلها حبوبه
حجيله ،، لج حبيبه منين اجيبن حيل كبل جنت اردن
كوم وحيدي والحين مااعين رويحتي اخ يالكهر
حور ،، بيبي فدوه اخاف يصير عليهم شيئ خلي يرجعون
حجيله ،، الحين يردوهم ويرجعون وليداتي زلم معدله
حور ،، تميم اخذ سلاح بيبي اخاف يصير عليه شيئ
ام عداي ،، يمه شلون عياره چاغير هو شيخ شردين
منه يتخزئ يضل خاتل حاله حال النسوان انفجعتي
؏ هل راي يالمهيلجه
حجيله ،، خاب ماتنجبين لا الايم ضروسج بحلجج
عيفي ابت بحالها
_ حور مااعرف صار بيه احس روحي راح تطلع وبطني صار يمغصني تذكرت من ماتو اهلي هم هيج كنت بالحمام واسمع بس صوت رصاص
ومن طلعت لكيت كل اهلي ميتين صار عندي خفقان
كلش قوي ورجلي نملو والاكسجين قل اريد اخذ نفس
مااكدر وهذن مايسكتن اريد افهم شنو جايصير مااعرف
