هلو حبايبي
***
عيناك الهادئتان مصيبتي
***
_ اول ليله الي بعد مرجعة للبيت كانت الاجواء كلش متوتره بسبب وضع زهير حالته تقهر صح هوه
مو ادمي وارعن مع نسوانه لكن هوة انسان جيد
مع اهله بشغله كفو ذو مكانه مرموقه وسبب كفائته
الكل زعلان علئ حالته بالبيت اني هم اشفق عليه لكن
مااكدر انسئ سوئ بيه ؏ شيئ مالي ذنب بي حاسبني
قبل لا يسمعني ولا فكر انو يسئلني رغم ماله حق يحاسبني
؏ الماضي اصلا لكن هوة اتهمني وضربني واذاني بدون
مبرر واني انغسل قلبي اتجاها والله ماكرتها مايستحق اكرها بااختصار طلعته برئ اهتماماتي صار شخص عادي
تربطني بي ورقه قانونيه لا اكثر مشاعر ماكو ماتت مشاعري اتجاها هوة سبب هوة قتها قبل لا تولد اصلا
كاعدين كلنا بالصاله احب هل عائله وكعداتهم وسوالفهم
اباوع باجي واضح عليها القهر ؏ حالت ابنها حقها ماالومها وبداخلي كلش مقهورة والله مااقصد هيج اسوي لكن من حلات روحي ضربته وسبحان الله ضربه صغيرة هدت هل جبل مدري حضي مدري حضه اباوع وعمي كذالك واضح عليه القهر قلبي وجعني عليهم وعذاب ضمير موتني
ليلا بطنها صايره شكبرها راح تخلص السابع مدري خلصته
واكفه ؏ راس زهير مره تمسح حلكه مره تجيبله
ماء تشربه مااعرف شتحجي وياه حجيله مريضه مااعرف شبيها مدده من اجيت بوستها بس مالها خلك تحجي
كلش قهرتني حالتها عدنان اخذها للدكتور يكول ساعه وتفك اعتقد فلاونزه وصخونه
صار وقت العشئ زهير ملازم ياكل من اكلنا حسب معرفتي
لكن الضاهر محد منتبه او يمكن مايعرفون خلو العشاء الكل
كعد اجتي ليلا جابت العربانه مال الاكل خلتها كدامه
لان هوة كاعد ؏ الكرويته مايكدر يكعد ؏ الارض ويكوم صعب عليه اني كنت كاعده ؏ الكرويته خلتها كدام زهير
رادت توكله مقبل اخذ الخاشوكه يريد ياكل كتله
حور ،، زهير لا تاكل
_ الكل انتبه عليه انحرجت لكن كملت كلامي كتله
حور ،، هل اكل ميناسبك اني اسولك عشئ هسه
_ باوعلي ومحجة ذب الخاشوكه ودفع العربانه
ليلا ،، خوش حجة دكولي اريد اوكله وفضينه شنو هل عيارة مجان كمتي من وكت وحضرتي الاكل لعد
_ مارديت عليها كمت رحت للمطبخ طلعت زيت زيتون سويت طبخت تمن و رجعت شويت دجاج بالقلايه الهوائيه اله نفس عشاهم لكن صحي بدون بهارات او زيت
