هلو حبايبي
***
لا شيئ يسير كما نريد هاذه الدنيا وليست الجنه
***
_ حور رفعت راسي اباوع عليهم الكل يباوع عليه
عبالك كائن فضائي نزل عليهم بس حقهم ماالومهم
عبالك مجدايه جايه تشحذ لا واحلا شيئ
الخريطه الي علئ وجهي ؏ بالك متصارعه مع ثور
_ ابتسمت بغباء ؏ الفكره الي اجت براسي مال مصارعه ثور نسيت الي واكفين كدامي
باوعت هاذا الحلو اي اذكرة مرة شفته بالمستشفى
وقتها خيلت عليه اول مرة بحياتي ابتسم بوجة
شخص مااعرفه بس بيومها كلش عجبني
المهم الحلو تدخل وحجة برزانه اني عبالي
زهير ارجل واحد عدهم بسبب الي سواه بيه
بس الضاهر الحلو هوة القائد هنا لانو باوع
علئ زوجي العزيز وخزره صال يبلعم بعدها حجة
وهوة يباوعلي بنظره مفهمتها ؏ كل حال مو مهم
كل همي حاليا غرفه مغلقه امدد بيها وادخل سبات
كل عضامي تون من الدفرات والله البارحة
اكلت بحياتي ماتخيلته والي مفرحني انو عكب ذاك الكتل كله بعدني واكفه ؏ اجريه واتنفس
وامشي علميا حسب معرفتي بالطب اني حاليا
المفروض بالمستشفى لانو عندي كسر بضلع السابع
وعندي تمزق بالانسجه ونزيف بالوعيه الدمويه
السطحيه ولازم ارتاح واخد كذا عقار
اما قانونيا فهاذه تعتبر جريمه واكدر اسجن زهير من ثلاث سنوات الئ خمسه بتهمت الاعتداء ومحاولة
قتل متعمده اما اجتماعيا اكدر اسويها قضية
رئي عام واخلي كل العالم يتعاطف وياي
لانو اني فعلا بريئه ولكن واقعيا واقصد وضعي الان
ماكله تبن ؏ كولت رائد و واكفه مثل الخراعه
انتظر واحد بعطف عليه وياخذني ع مكان ارتاح بي
بس بالاول خلي اشوف الحلو شراح يكول
تميم ،، زهير خويه تعال وياي
زهير ،، تامر شيخ
ام هارون ،، واني اريد افهم شنو السالفه
_ حور رجعة باوعتلي وكالت
ام هارون ،، وانتي يمه فوتي ثراء بنتي اخذيها
؏ احد الغرف خل ترتاح سوده عليه شوفي شلون حالتها سوده بوجه العدو فوتي يمه فوتي
_ حور فات زوجي العزيز من يمي وهوة يباوعلي بنظرات متروسه حقد و وعيد ماادري شيريد بعد يسوي اكثر من الي سواه من البارحة لليوم
؏ كل حال كل شيئ متوقعه منه بالاخر هوة رجال
ونحن بمجتمع ذكوري طلعت من قوقعة افكاري
؏ صوت هاي البنيه الي ولدتها قبل سنه اذكرها
شكلها مميز ناعمه وكل شيئ بيها صغير
لكن حلوة كالت
