هلاو حبايبي
***
انا من افوز دائما من انت لاخسرك
***
حور ،، يروحيييي فهد ماماااا منووو حبيبي
_ الولد سكت فجاه وصار في اصوات عاليه وهي تحجي فهد ساكت مصدوم من المنظر ويركض بنص الاستقبال وهي من استوعبت انو فهد دخل للاستقبال لذلك تصنم وهي مو اقل منه هي ماتشوف بس فهد لكن فجاة صار تميم بوجها وهو شايل فهد وجها مايتفسر هنا هي بهت لونها
وجهاا ناررر مكانت متصوره انو في شخص تقصد يوكعها بمشكله حتئ وهي بعيده مكدرت تخلص من حقدهن وكرهن دائما يحاولن يشوهن سمعتها كل الي سمعته صوت انفاس تميم الغاضب و صوت تكسير شيئ توقعت ضرب الطبله الي بصاله بعدها صرخ ؏ رقيه وضرب جهاز ؏ الارض بقوه لانو شافت اخر لقطات مبعثره بعدها انقطع الاتصال
_ قبل ساعة بيت شيخ
_ الكل كاعدين بعد العشاء يسولفون كل اثنين داير بينهم
موضوع تميم كاعد ؏ الكرويته يباوع ؏ اهله لكن
عقله مو وياهم رغم يسمع كل حجيهم هدئ خاله فهد بحضنها كاعده ؏ مقعد منفصل بداية الصاله تحجي وياه بصوت ناصي وهو مره يضحك مره يصفن كانو يفكر
ساعه تسعه اله شوي
ثراء ،، اليوم شعجب سلمان ماخذاج
_ حجتها وغمزة الها باوعتلها هدئ وابتسمت بخجل كل شيئ فيها ناعم وهادئ لكن الله لا يورطك وياها متسكت عن حقها ابدا ترد الكلمه بعشره لكن بصوره صحيحه مو بهمجيه او وكاحه لا تحجي الي لازم ينحجي
هدئ ،، عنده شغل مموجود وجابني احتمال انام هنا اذا مرجع
ثراء ،، چاخوش حتئ اعزل وترحين وياي للصلون اريد اسوي وجهي خل واحد من الولد يوصلنا
هدئ ،، ميخالف اني هم اسوي اضافري
_ حجتها وهي تباوع ؏ اضافرها غافله عن العيون الي تراقب كل حركه تسويها رجعت ثراء حجة وهي فرحانه
ثراء ،، چا اروح الم المطبخ ونروح
هدئ ،، اساعدج
ثراء ،، لا حبوبه انا وام رقيه مشوار نلمه
_ كامت ثراء تركض للمطبخ شلون مراه نادره ومالها صوت مثل نسمه وابد متتعاجز ومن تريد شيئ او يعجبها تكول اريد مثله او سويلي مثله عجبني حتئ حور هم جانت تحترمها ودائما تاخذها وياها لانها انسانه رغم بساطتها
بس عندها شخصيه حلو ومحترمه مرات من اطلع باليل
اروح البيتي الكاها محضره الي اكل بحافضه تكول اخاف
تجوعون باليل انتي وسلمان اكلها نطلب تكول شياكله
هاذا الكل الزين تخجلني بكرمها وطيبتها واني هم اساعدها وهم تدير بالها ؏ فهد حاله حال اطفالها
