جـمـرات نـارهـم

الـبـارت الاول

#جـمـرات_نـارهـم

#بــقــلــم_بـتـول_حـسـيـن

     للتواصل حساب الانستا 7bt_5y

        يوزر وحساب الواتباد Batol99Hussein

#الـبـارت_الاول

مساء الخير

قبل فترة استلمت هاي القصة وللصراحة بسبب احداثها شكيت بالقصة خيال لان هواي مراهقات يراسلني وياخذن كم مشهد من كم قصة وينسبنها لنفسهن وكل كاتبة ما تستلم القصة اذا ما تتأكد واثباتات واني كل مره اطلب منهن اثبات يتهربن و يروحن او تعترف القصة من خيالها وتريد تكتبها لهذا السبب اول مستلمت هاي القصة گلت لصاحبتها انتي مبينه مراهقة وهسه تطلع القصة من خيالج لان الاحداث ما تتصدگ اتصلت بيه البنية وسولفت القصة كاملة ومن سدت الاتصال ثبتتلي كل كلامها بأدلة وصور وفيديوات بالرغم القصة مو مثل بقية قصصي واحداثها يرادلها ابداع حتى ما تنظلم القصة بس اني تحديت نفسي وقبلتها وان شاء الله بمساعدتكم وملاحضاتكم وتفاعلكم اگدر اوصل القصة مثل ما اريد وافضل هم

-------------------------------------------------

بغداد

الساعة السادسة صباحاً

وجـدان ::- الووو انتي گعدي يله بسرعة اششش مو وياج اني شنو ميته

مـيـسـم ::- جنت كلش مصخنه وما اگدر اگوم احس جسمي مكسر تكسر والجو بارد كلش و وجدان الحقيرة من الصبح ادفر اليسمعها يگول تحچي ويا حيوان مو بشر

غلست ما رفعت راسي وادعي بداخلي ما تگومني تتركني ولو بس اليوم لان مريضة بس وين عدها هيج حچي لان شايلة حچارة مو گلب

فـرح ::- خالة خطية مـيـسـم مريضة والليل كله نسويلها كمادات

وجـدان ::- مشكلتها هاي گومن لا تسون مشاكل أليه يله ويا ريت تموت عاد نستفاد كم ورقة من عدها

مـيـسـم ::- غلست وما گمت الكل طلعن من الغرفة للشغل ربع ساعة يمكن وندار عليه مي بارد ثلج والجو كلش بارد گعدت مفزوعة ومختنگة

بعدني ممستوعبة الصار وما اعرف منين صارت تچيني الصوندات ضليت اكمز بالغرفة ،،،، حيوانه الله لا يوفقج

وجـدان ::- يرادلج تربيه وتدريب من جديد لان كلها سنه وتروحين ويا صديقاتج البقية لهذا لازم من هسه اقوي گلبج

مـيـسـم ::- سحبت الصوندة منها بكل قوة ورجعتلها الضربات وهي مصدومة سحبتني من شعري بكل قوة ،،،، يله موتوني وريحوني كافي عاد كافي

ولي عوفيني حيوانه حقيرة چلبه ولي اگلج عوفيني عووووفيني ،،،، شمرتني مثل كل مرة اتعاقب بغرفة فارغة باردة ثلج ،،، ضليت اتصارع وياها اريد اطلع وهي تدفع بيه بقوة تريد تقفل الباب عليه